الواحد إزاى يتصرف مع إستفزازات السائقين وأصحاب السيارات

**Elawany13** · 04-07-2011 07:36 PM

ونسيت أصحاب المحلات
اللى اشترى المحل بالرصيف بالشارع كمان
وبقى حقه المكتسب
وبيمنع اى حد يقف قدامه
بحجه انك هتمنع عنه الرزق
ونسى أن الأرزاق بيد الله
حاجات تجنن فى مصر أم الدنيا

**mohamed_mohsen** · 05-07-2011 02:22 PM

البرود هو الحل مع المستفزين

**virus2007** · 05-07-2011 03:32 PM

للاسف معتقدش ان فى حل

انا بعانى من نفس المشكلة دى بردوا !!

الحل الوحيد انك تطول بالك خالص وتحاول تتجنب شر الناس وتكبر دماغك من سواقين المكروباص والتكسيات والناس قليلة الزوق ... لية ؟؟ عشان متحرقش دمك وميجلكش السكر وتتخانق كل يوم بتاع 3 4 خناقات ملهمش لازمة وفى الاخر حيجى على صحتك وعلى نفسيتك

فى ناس دمها حامى وانا واحد منهم بس لازم نحاول على اد منقدر نمسك نفسنا ... ساعات بركن فى شارع بعيد عشان مش بلاقى مكان اركن ادام بيتى !!!

بس عشان مش عاوز اعمل مشاكل وبكبر دماغى لان كلوا فى الاخر مش حيفرق :)

**M.Mostafa80** · 05-07-2011 04:42 PM

طب لصاحب الموضوع ممكن تجاوب على سؤالى دا قبل ما تلوم على اللى حاطين الحديده
مش هحط حديده وهركن فى اى مكان فاضى سواء قريب اوبعيد عن بيتى عشان حد ركن عند بيتى مهو الشارع ملك الجميع تمام
وتروح حضرتك تركن عند بيت تانى او مكان تانى ولقيت واحد طالعلك بيقولك لو سمحت متركنش هنا وتفهمه وتشرحله ما بيفهمش وفى النهايه هتقلب بخناقه وخد على كدا فى كل مكان هتحاول تركن فيه بيحصل نفس القصه وفى الأخر تلاقى ان العربيه اللى راكنه دى تبع بيت من البيوت اللى انت حاولت تركن عندها يبقى رد فعلك ايه وهتتنقط ولا لأ
وأول حاجه هتعملها هتروح تعمل حديده وترزعها فى الشارع عشان الناس المتخلفه زو الفكر العقيم دا ولا لأ