السلام عليكم ورحمة الله وبركاته

الموضوع ده عبارة عن فضفضة لإخواني الصقور في منتدى نيسان اللي حبيتهم بجد من نخاشيش قلبي في فترة قصيرة جدا .. ويمكن حد يستفاد حاجة من بين السطور

طبعا حبايبي الصقور في منتدي النيسان اللي قرأوا الموضوعين بتوعي عارفين قصتي وقصة التيدا بتاعتي

وفي شبه إجماع منكم على نظرية معينة وإن في مؤامرة حصلت للعربية دي .. وهي إن العربية .. "إتحسدت"

وده على فكرة مش كلامكم وبس .. لأ دا كمان إخواني واصحابي اللي بره المنتدى بيقولوا كده بردو

بالنسبه ليا فأنا أؤمن بالحسد لأنه ثبت في القرآن وفي كتير من أحاديث الحبيب صلى الله عليه وسلم

.. كفاية إن ربنا أمرنا إننا نستعيذ من شر حاسد إذا حسد

وكفاية قول النبي صلى الله عليه وسلم: العين تدخل الرجل القبر ، و الجمل القدر

ومع ذلك مابحطهوش في دماغي ومابشغلش نفسي بيه ومقتنع تماما بإن اللي ربنا كاتبه هيكون .. يعني مش موسوس زي كتيرمن الناس

وبحاول أحافظ على أذكار الصباح والمساء اللي ليها دور كبير جدا في الوقاية من الحسد والعين

ولكن حصل معايا في العربية دي مسلسل من المواقف تؤيد النظرية دي "إنها اتحسدت"

هحاول أذكرهالكم بإذن الله حلقة حلقة

خيلكوا معانا .. وإوعوا تقلبوا على أي محطة تانية