العربية بطلت و انا ماشى

**robinhood** · 04-07-2011 04:46 PM

السلام عليكم
أنا كنت سايق عربية الوالد فانتازيا يدوبك عملة 5000 كيلو و كانت السرعة ممممم 80 -90 و فجاة العربية راحة مبطلة و كل حاجة راحة منورة لمدة 3 ثوان و بعدين دارت لوحدها,انا مش فاهم اية الى حصل ,والعربيات دى بتعمل كدة ازاى اومال الصينى يعمل اية.
لو سمحت حد عندة تفسير,و اروح التوكيل و لا اطنش عشان الاشتغاللات

**inspiron** · 04-07-2011 06:08 PM

المشاركة الأصلية كتبت بواسطة robinhood

السلام عليكم
أنا كنت سايق عربية الوالد فانتازيا يدوبك عملة 5000 كيلو و كانت السرعة ممممم 80 -90 و فجاة العربية راحة مبطلة و كل حاجة راحة منورة لمدة 3 ثوان و بعدين دارت لوحدها,انا مش فاهم اية الى حصل ,والعربيات دى بتعمل كدة ازاى اومال الصينى يعمل اية.
لو سمحت حد عندة تفسير,و اروح التوكيل و لا اطنش عشان الاشتغاللات

أولا بلاش التهكم علي العربية ونقول صيني ومش صيني لأن الفانتازيا لا يستهان بقيمتها أو وضعها نهائي.
ثانيا بالنسبة للمشكلة اللي حضرتك بتقول عليها فأنا أول مرة أسمعها.وعلي كل ممكن تاخدها التوكيل وتكشف بالجهاز.

**robinhood** · 04-07-2011 07:30 PM

ماشى .بس حضرتك زعلان لية كدة لما قلت صينى
هو انتا مشارك فيها
و بردة ازاى عربية عملة 5000 و تعمل كدة

**MASERATI** · 04-07-2011 10:45 PM

السلام عليكم و رحمة الله و بركاته

أنا متابع معاك باهتمام شديد جدا يا باشا.

لأنى بصراحة عاوز أعرف ازاى عربية طالعة السما زى الفانتازيا و ب180000 جنيه تعمل كده فى أول 5000 كم, ده يمكن أول غيار زيت لسه فيها !!!!!!!!!!

و أنا متابع معاك باهتمام شديد جدا و ياريت تكلف نفسك و تكتبلنا, لما تروح التوكيل, هيعملوا معاك ايه؟؟؟؟

**robinhood** · 05-07-2011 12:24 PM

حاضر يا باشا
لو الموضوع دة لم يتكرر حتى ميعاد الصيانة , هاستنى لما ييجى الميعاد و اسائلهم و لو عرفت حاجة هارض على حترضك علطول

**inspiron** · 05-07-2011 07:53 PM

المشاركة الأصلية كتبت بواسطة robinhood

ماشى .بس حضرتك زعلان لية كدة لما قلت صينى
هو انتا مشارك فيها
و بردة ازاى عربية عملة 5000 و تعمل كدة

طيب عندك يا سيدي باقي الأعضاء ممكن يساعدوك.أنا بنسحب من المشاركة في الموضوع.

**robinhood** · 06-07-2011 05:03 PM

العربية وكيل

**rompo10** · 06-07-2011 06:51 PM

ممكن تكون حاجه عاديه مش شرط يكون عيب يعني عملتها مره ممكن ماتعملهاش تاني خالص بسيطه ان شاء الله ودا اكيد في حاجه في كمبيوتر العربيه ولو قلقان اوي اطلع علي التوكيل وماتستناش ميعاد الصيانه وقلهم علي العيب بس ماتقلش انها عملتها مره واحده قول كذا مره عشان يهتموا