الموضوع: الباشوات خدوا افراج برضه

المشاركة الأصلية كتبت بواسطة hobiko

بلاش تشويه للحقايق ...... و خلط للأوراق


فين القناصة ؟؟؟؟؟ في قناص واحد بيتحاكم ؟؟؟؟؟


فين إلي كانو سايقين العربيات إلي دهست المتظاهرين ؟؟؟؟؟ فيه سواق عربية واحدة بيتحاكم ؟؟؟؟؟


معلش سامحني ...... حضرتك ما نزلتش الشارع يوم 28 يناير من الصبح و شفت إيه إلي حصل ....... ماشفتش اتعمل فينا إيه ..... اضربنا ازاي ..... إتصاب كم واحد ..... مات كم واحد ...... قبل ما أي حد يهاجم الأقسام ....... الموضوع كان حرب بشعة ....... كنا بنتخنق من الغاز و بنمسح الدم من على وششنة و بنشيل إلي وقعو مننا ...... و احنا بنهتف سلمية سلمية


حضرتك كنت واقف عند قسم من الأقسام ساعة ما المتظاهرين الأشرار هجموا عليهم ؟؟؟؟؟ ....... حضرتك حضرت اليوم من أوله و شوفت حصل فينا ايه ؟؟؟؟؟؟؟ حضرتك تعرف ان فيه اطفال ماتت من رصاص الشرطة اللى يا عينى كانوا بيحموا مقراتهم ؟؟؟؟؟ ...... أصل الأطفال دول كانوا بيهاجموهم هما كمان


حضرتك عارف ان أثناء أخر جلسة لمحاكمة الظباط قتلة المتظاهرين فى اسكندرية ....... أهالى الشهداء اعترضوا على حجب العساكر للمتهمين فى القفص اللى المفروض محبوسين من الجلسة اللى قبليها على ذمة القضية ...... فلما بعدوا العساكر الناس فوجئت ان الظباط دوا كان لابسين لبس ملكى عادى جدا ...... مش ملابس السجن اللى المفروض مترحلين منه للمحكمة ؟؟؟؟؟؟!!!!!!!!!!!


مش مصدقني ....... مش حضرتك كان نفسك كذا مرة تنضم للاخوان المسلمين و للحزب بتاعهم ........ طب إسأل ا.صبحي صالح و أنا راضي بشهادته ....... كان بيترافع عن أهالي الشهداء ضد الظباط قتلت المتظاهرين في اسكندرية ....... اسمعه قال إيه و رأيه إيه و شهادته إيه ........ و بعد كدة أحكم

تأكيدا لكلامك يا hobiko ودية شهاده حق هتحاسب عليها يوم القيامه يوم 28 رجعت الساعه 4 اي قبل الأحداث بتاعة الشرطه وضرب الناس بالرصاص وترك الأقسام وعلي فكره بيتي جنب القسم وكان فيه افراد شرطه واقفه علي سطح القسم مسلحين والذي حدث كالتالي الناس في الشارع واقفه في سلام ومفيش اي مظاهرات او تجمعات وحركة البيع والشراء ماشيه واذا نفاجأ بسرينة الشرطه وقنبلة غاز تحدف علي الناس العادين ثم اتبعها اكثر من قنبله وبعدين جه اتنين من الأمن المركزي يحملون بنادق شوت جن ويضربون النار علي الناس ويصبوهم مما ادي ذلك الي استفزاز الناس بشده بعد ماوقع اول قتيل وبدأ الناس يتجمعون ويحدفنوهم بالطوب وبدأ جنود الأمن المركزي ينسحبون الي الوراء ويستدرجون الناس الي القسم وبدأ افراد الشرطه الموجودون علي السطح بأطلاق النار علي الناس ثم مره واحده بدأت الشرطه بالأنسحاب وترك الأسلحه واخراج المساجين اقسم بالله هذا ماحدث بالضبط

المشاركة الأصلية كتبت بواسطة otefa

الله يسلمك يازعيم منوره بيك

وهو ده مربط الفرس
تفسر بأيه الكلام ده؟
لوكلامك بالتصور الدقيق ده يبقى شوف الموضوع بتاعي عن حرص ولاتخون(عن 6 أبريل) لأن كده ممكن يكون ليهم رابط مع بعض ومع عمر عفيفي
ويبقى فيه خطة خفية فعلا لكواليس الثورة وده مذكور بوضوح في الفيديو بتاع 6 أبريل
أنا مش بدافع عن الداخلية ولكني لا أتهم كل ظابط وعسكري فيها ألا بالدلائل ومن الواضح كده أن فعلا كان فيه مؤامرة في بدايات الثورة

معلش يااوتيفا مش فاهم رابط ايه مع عمر عفيفي في الشهاده اللي قلتها
اذا كانت الشرطه هي التي استفزت الناس واستدرجتهم ناحية القسم ثم بدأت تضرب عليهم الرصاص يعني الموضوع كان مقصود ومترتب ليه زي ماقال امادو
معاك ان فيه مؤمرات وخطط ومحاولات مستميته منذ بداية الثوره حتي الأن لتشويه الثوره واعضاء الحركات السياسيه التي قامت بالثوره بل القضاء عليهم بالمحاكمات العسكريه او غيرها علي العموم هناخد الملحوظه بتاعتك في الحسبان الي ان يثبت عكس هذا

المشاركة الأصلية كتبت بواسطة amado ibrahim

يا ريت الناس كلها تقرا كلام حضرتك

عشان اللى مش عايزين يبطلو نغمة اللى اتقتلو قدام الاقسام كلهم بلطجية يتضح لهم الوضع

الشرطة ضحكت على الشعب

و صدرت هذه الكذبة وللاسف الناس صدقتها

بقينا بنصدق الشرطة بدون تحقق من الامر

و ادى كمان دليل

http://www.nilemotors.net/nile/230417-a.html

تقبل تحياتى و تقديرى

العفو ياصديقي
معلش ياامادو للأسف الشديد فيه اغلبيه صامته طيبه مغلوبه علي امرها وتقدر بالملايين لاتعي هذه المخططات وللاسف بتصدق اي حاجه مش صحيحه تنشر في القنوات المصريه او الصحف المصريه وهي دية المقصوده واللي بيتلعب عليها منذ بداية الثوره حتي الأن لأنهم الأغلبيه العظمي من الشعب المصري وممكن هما اللي يرجحوا الكفه المضاده للثوره ويفشلوا الثوره القادمه هذا هو الهدف المنشود
من مصادر موثوق بيها هناك توتر وقلق داخل بعض الأجهزه السياديه بخصوص يوم 8 القادم وبيتم حاليا رفع حاله التأهب والأستعداد القصوي وبيقولوا لو يوم 8 عدي بدون ان يحدث اي تغيير او استجابه لأي مطالب هتكون الثوره بذلك فشلت فشل ذريع علشان كده توقعوا اي شيئ في الأيام القادمه
ربنا يستر ويسلم مصر من كل سوء ويمكر الله بكل من يريد لنا السوء والشر فهو خير الماكرين
عليكم جميعا بترديد هذه الأيه كثيرا
يمكرون ويمكر الله والله خير الماكرين
فهي خير عون لنا بأذن الله
خالص تحياتي وتقديري لكم جميعا