هو الفاميه و الاستيكر مزعل الباشوات في ايه

**shooda2020** · 15-03-2011 07:58 PM

الرايح اقوله اكيد اتقال كتييير جدا
انا كنت مفيم قبل الثوره و اتسحبت رخصتي من ظابط تنك و رخم رخامه و اصر اني اروح اعمل فحص
انا دلواقتي عايز افيم العربيه مش هاقول علشان المنظر و كدا و من حقي اصلا اني اشوف عربيتي شكلها حلو هو انا هاعمل حاجه ببلاش و لاايه لكن بامانه في الصيف الداخل علينا دا مايعلم بيه الا ربنا هايكون جهنم عالارض فلو انا ركبت ستاير كبس في الازازين الخلفي و افيم سنه خفيفه من قدام اكيد هاتفرق كتير بالذات لما اجي اشغل التكييف و ساعات كتير العربيه بتتركن في الشمس بس ال 7 ساعات و اكتر فا اكيد لما يكون فيه ستاير كبس و فاميه و شماسه من قدام بتحمي العربيه جامد جدا واانا كنت عامل كدا فعلا بدخل العربيه ولا كان في حر جوا و بشغل التكييف و مش بيتعب و بيسقع بسرعه
فايه بقي حوار الشرطه اليومين دووول مش يتلمو بقي و يسيبو الشعب يعمل العايزه في عربيته هي دي عربيتي و هما المتكرمين عليا و جايبنهالي مش كفايه سعرها الغالي اصلا عكس اي دوله تاني
و كل بلاد العالم بتسمح بالفاميه بدرجه معينه و مادام خلاص ان فيه عربيات بتنزل دلواقتي بفاميه و ازاز ملون يبقي خلاص بقي يخلو الموضوع دا سهل مش تعقيد و كدا.... منتهي القرف و النجاسه الكانت في الشرطه صحيح يا ريت تبقي احسن في الحكايه دي مش بقول طبعا تبقي سداح مداح ........... بقول بعقل و حدود و لما بيقولو علشان حاجب رؤيه و كدا طب مانا كدا كدا بقف في الكمين و لو عايز يفتش العربيه يفتش لو كان قصدهم حاجب رؤيه لسعادتهم علشان مش بيشوفو مين جواها و الهبل دا اما ان كان قصدهم حاجب رؤيه للشخص السايق يا عيني و خايفين علي صحه المواطن و دي انا اشك فيها للصبح انا اصلا بسوق من الازاز القدماني و دا مش بيتفيم مش الجناب حتي لو بصيت من المرايات و هي مقفوله بشوف برضه لانها درجه خفيفه ف ياريت الشرطه ماتستخفش تاني بالشعب المصري لان مش كل البيفيم دا جاهل او مش مثقف دي ناس مثقفه و جايبه تقديرات اعلي منهم كمااااااااان ف ياريت لو حد في الايام الغبرا دي شاف ضابط او لجنه مرور رخمه و كان مركب ستاير الكبس دي و ماكلموش و عادي يقولنا يا ريت اي حد يقول الموقف الحصله في ظل الايام السودا دي
ويقولنا ايه الاجراءات البياخدوها دلواقتي انا من سكان اسيوط فيه امين شرطه بيقولي احنا بننزل بس مش بناخد ايصالات خالص معانا ولا دفاتر امناء شرطه تانيين يقولولي ان احنا مش بنسحب رخص احنا بنعمل غرامات فوريه
يا ريت بس نرسي علي بر لان انا ناوي اركب الستاير الكبس دي و الفيميه يكون خفيف جدا قدام
شكرا و انا اسف اني طولت عليكم و لو انا غلط في كلامي حد يصححه بلييييييييز

**shooda2020** · 17-03-2011 02:41 AM

70 مشاهده و ماحدش عبرني شكرا شكرا شكرا

**prisoner** · 17-03-2011 10:06 AM

الاخ الكريم انا كنت زيك كده فى يوم من الايام وفيمت وعملت استيكر وقابلنى نوعية الظابط الرخم والتنك اللى حضرتك بتقول عليه وده لسببين الاول ان حضرتى مش فلان الفلانى ابن فلان باشا علشان الظابط يسبنى وثانيا ان هوة بيطبق القانون وده مش موضوع مناقشة القانون صح والا غلط بس هوة فى منطق نفكر بيه لو كان صح ليه الشركة المصنعة متنزلش العربيات كلها بدرجات زجاج ملون ولما حضرتك بتسوق بس من الزجاج الامامى كانوا عملوا ليه شبابيك اصلا علشان التهوية للعلم ان الاربع ابواب ليها علاقة بالرؤية مش كل الرؤية من الزجاج الامامى فقط وبما ان حضرتك انسان محترم ونيتك كويسة وبتفيم علشان خاطر الشمس فى ناس بتفييم علشان حاجات كتيرة تانية منها المخدرات والاعمال المنافية للاداب ودى اكتر حاجة المصريين بيعملوها او احنا بنعملها اللى يسمح لنفسه انه يعمل كده اصلا اكيد مش كلنا ولو انا وحضرتك بنقول والله نيتنا سليمة اكيد هما مش هايدرسوا اخلاق وطباع الناس كلها انما الغلط بعينه ان الظابط يمنعنى انا افيم ويسمح لظابط زيه انه يعمل كده واكيد الظابط اللى مفيم بيعمل حاجة غلط للاسف احنا بنستغل المواضيع بشكل سئ يعنى ايه انا ظابط اكون مسموح بكل الممنوعات ده اكبر غلط لانه قدوة وطبعا فى ظباط محترمين لدرجة انه بيحط حزام الامان مش معنى انه ظابط انه مش معرض للخطر وموضوع حجب الرؤية ده صحيح ومتحكمش عاى نفسك بس فى ناس كتيرة ممكن متشوفش من اول درجة فيميه او بتكون تقدير الالوان غلط حتى لو كان سنه صغير انت تعرف انا اول واحد نفسى اركبه ولو نزل قانون مرور جديد وفيه نفس المادة بتاعت حجب الرؤية هاحترمها ولومسموح بدرجة خفيفة انشاء الله هاعمله المفروض ان القانون ده معمول لحماية الناس الشرفاء زى حضرتك وفعلا لو فكر منطقيا وشفت بره بيعمله ايه هاتصدق وتقتنع ان احنا المفروض نطبق الحاجات دى على نفسنا الاول ونطلب محاسبتهم معلش الموضوع مثير جدا بالنسبة لى واتكلمت كتيير بس اناعايز اقول كلمة اخيرة وبتمنى كل الناس وانا اولكم اعمل بيها العيب فينا احنا والله العيب عندنا لوحسبت احنا الشعب قد ايه والشرطة والجهات الامنية كلها قد ايه لو احنا بقينا كويسيين اكيد هما بس اللى هايكون باينين وحاجة من الاثنين يا اما يبطلوا فساد يا يحصل زى ما حصل من احداث اخيرة وفى الاخر احنا اللى عايشين مع بعض ونحافظ على بعض وادعوا لنفسى قبل ان اقول لاى حد وربنا كريم انا اسف جدا بس قولت نفكر مع بعض ونقول راينا علشان احنا لازم نعمل حاجة يمكن حد مش كويس يقرا الموضوع ويستفاد مننا والله الموفق تحياتى

**mody_mt2007** · 17-03-2011 10:36 AM

و الله كلام زى الفل بس يا ريت لما القانون الجديد يتعمل الكل يطبقة مش يتطبق على ناس و ناس لأ و هو دة اللى الناس عاوزاة

**M.Elwan** · 17-03-2011 01:30 PM

كلام مظبوط واعتقد الدرجة اللايت مش حتعمل مشكلة وبتقدر تشوف من جوة برده من غير مشاكل وفى نفس الوقت بيساعد التكييف وبيرحمنا من الشمس المميتة فى الصيف
ودلوقتى اغلب العربيات بقت بتنزل فيمية فابريقة وبيتكتب على الرخصة يعنى الموضوع مش ممنوع اهو
والمفروض ان الفيمية ده يتحط فى المواصفات المصرية للشركات المصنعة هنا وحتى للسيارات المستوردة لان احنا عندنا الصيف بقى قاتل والشمس عندنا خطر التعرض ليها بشكل مباشر نظرا للاشعاعات المرتفعة الخطرة على جلد الانسان ودى بتبقى تحذيرات للسياح القادمين من الخارج بتقليل التعرض للشمس المباشرة خلال زيارتهم لمصر يعنى احنا مش بندلع بالعكس احنا بنطلب حق بسيط جدا

**FunnyMickey** · 17-03-2011 01:54 PM

هيا خطوه سابقه لاوانها ياشباب
بس ان شاء الله ممكن لما الدنيا تهدي
يتعمل جروب باسم المنتدي هنا
لتعديل قانون المرور

يسمح بوضع فاميه درجه 0-0 و0-1
اللي هيا مسموح بيها بره اصلا
يسمح بزينون بشرط وجود عدسات في الفانوس
يسمح بوضع ستيكرات علي جسم السياره بشرط عدم وصع ستيكر مخل بالاداب
سحب الرخص والمخالفات يكون من الظباط بس
مش امناء الشرطه والعساكر

دي طلباتنا وطلبات كل شباب مصر المحترم
انما تفيم دارك تستاهل سحب الرخصه
تشتري زينون وتركبه في العالي وتعمي الناس تستاهل اعدام

ودرجه الفاميه بتكون معروفه
وعشان ننهي الخلاف ده
الحاجات دي تتعمل والعربيه تترخص كده
زينون وفميه مطابق للمواصفات

دي ممكن تكون طلبات وتتوجه بشكل رسمي لاداره العامه للمرور
ايه المشكله

**love7amada** · 17-03-2011 03:43 PM

معااااااااااااااااااااااا ااااكم

**magd_helm** · 17-03-2011 04:08 PM

يا جماعة هو منطق غريب جدا من رجال المرور وقانون المرور
لو الفاميه نازل فابريقة مع العربية هو والستائر يترخص وما حدش يقدر يفتح بقه
ولو انت اللي مركب الفاميه حتى لو أقل درجة يسحب الرخص
ما دي برضه تفرقة غريبة يا إما الفاميه ممنوع على الكل بما فيهم الباشوات وأولادهم وحتى على مصانع السيارات
يا إما مصرح للكل في حدود معينة ومعروفة للكل ويتثبت على الرخصة