بسم الله الرحمن الرحيم
مشكلتى كلفتنى 2500 ونص بلا حل
مشكلتى تنقيط زيت الفتيس اكورد81 هاف اتوماتيك رحت لمكانيكى اتوماتيك قالى فك وتغير اويل سيل وتركيب 200 قولته ماشى بعد لما فك قالى هات طقم اصلاح من ساسكو الى فى رمسيس وفوجئت لما رحت اشترى قالى الطقم ب300 عباره عن اويل سيل+اورنجات +جونات وراح الميكانيكى مركب وانا عندو قبل لما امشى لقيت زيت فى داير الفتيس من ناحيه القربه اكن معملتش اى حاجه طبعا حسبته على الاتفاق واستعوضت ربنا رحت لمنير فى الحرفين وقبل لما اروحله قولتلوه فى الموبيل بعد لما اخدت نمرته من المنتدى هنا مشكلتى تنقيط زيت قالى هات العربيه وتعالى ديه بسيطه خالص فك وركب وبرضوه تنقيط زيت روحت لواحد غيره فى عين الصيره نفس الحوار فك وتركيب وتغير اويل سيل والمشكله ان التنقيط فى الثلاث حالات عند ال3 المكانيكيه الى روحتلهم من الداير الى فيه القربه والله ان صرفت حق فتيس استراط ايه العمل دلنى بما يرضى الله والثلاث مرات كل مره اغير زيت ب 150 6 علب موبيل غير العطله وتضيع الوقت المشكله الكبيره انى دورت فى عزبه شلبى على الفتيس لم اجده ولا فى الوكاله ولا فى الحرفين وسالت التجار قالولى ده نادر حتى فى بور سعيد
واوعى يا ابو السماسم تقولى اقلب منول اكيد فى حل للمشكله ديه انشاء الله