الموضوع: من اشترى سيفيك 2012 او شافها فى الحقيقه يقولنا ايه انطباعه عنها للى ناوى يشترى

بالنسبه ليا حسيت انها فى الحقيقه احسن من الصور ... مش وحشه اوى للدرجه ... بس ما ارتحتش لما قعدت جواها اوى ... جايز بسبب خامه قماش الكراسى بتاعتها ... مع ان اللى كان واقف فى المعرض قالى ان الكراسى بتاعتها اتعدلت فى الفئه دى بحيث تبقى مريحه اكتر .... احسن حاجه عجبتنى انها فيها نظام ال esp اللى يخلى العربيه فى نفس مسارها مع المنعطفات وشكلها برضه من جوه كويس خصوصا لو اتركب جهاز ال gps هايخليها احسن ... سعرها فى رايى المتواضع انه كتير عليها اوى .... جايز عملوا كده عشان يديها قيمه وتبقى عربيه غاليه بس ده هايخلى على ما اعتقد اللى هايفكر يشتريها هايحطها فى مقارنه مع عربيات كتير تانيه بنفس السعر ده اللى نتيجته فى الاخر احتمال كبير متكنش فى مصلحه السيفيك

شكلها بشع من ورا

سعرها مبالغ فيه قوى و شكل الفوانيس الخلفيه وحش قوى

فى كذا موضوع اتعمل عليها قبل كده و ممكن حضرتك تبص عليهم و هتلاقى اراء الناس اللى شافوها

http://www.nilemotors.net/Nile/261788-2012.html
http://www.nilemotors.net/Nile/261696-a-2.html

المشاركة الأصلية كتبت بواسطة wshawky

سعرها مبالغ فيه قوى و شكل الفوانيس الخلفيه وحش قوى

فى كذا موضوع اتعمل عليها قبل كده و ممكن حضرتك تبص عليهم و هتلاقى اراء الناس اللى شافوها

http://www.nilemotors.net/nile/261788-2012.html
http://www.nilemotors.net/nile/261696-a-2.html

مواضيع مفيده جدااا ... بس ناس كتير كان تعليقاتها كانت من الصور مش انهم شافوها فعلا فى الحقيقه ... لما الواحد بيشوف فعلا العربيه فى الحقيقه ويقعد جواها وياسلام كمان لو مشى بيها اكيد تعليقاته ونصايحه لينا تكون مفيده ان شاء الله ... ويكون الموضوع مفيد لكل اللى ناوى او بيفكر يشترى

اللينك التانى صاحب الموضوع شافها فعلا و كان بياخد تدريب عليها. هى لسه قدامها شويه على ما تشوفها ماشيه فى الشارع لو ده قصدك يعنى مش قبل كام شهر و طبعا الشكل ده اذواق بس الملاحظ ان الكل متفق على ان السعر بتاعها مبالغ فيه

المشاركة الأصلية كتبت بواسطة Unendlich

سعر مبالغ فيه جدا بالنسبة للكماليات و بالنسبة لانهم مغيروش في الموتور والفتيس (هم هم بتوع الشكل اللي قبليها)
خامات التابلوه والأبواب سيئة
حجزناها لأختي و بعد ما شافتها و اتقفلت منها كانت عايزة تلغي و بعدين الرجل اتفق معاها على تست دريف محترم يوم السبت إن شاء الله عشان تشوف إيه نظام الثبات مقارنة بال 2009 (النقطة دي مهمة قوي بالنسبالها) و بما إنها عليت و قاعدة العجلات قصرت والكاوتش صغر, فـأنا متوقع إنها بعد التجربة هتقول مش عايزها

ياريت بعد التست درايف تقولنا حصل ايه ... وايه ال feedback
شكرا جدااا

--------------------------------------------------------------