موعد المقابلة القادمة الجمعة 15يوليو2011 بإذن الله الكل ينورنا

**memos** · 08-07-2011 02:52 PM

انا كل الي بطلبه اننا نصلي الجمعه في الجامع الي قبل كارفور ونتقابل هناك علي الساعه 1 عشان نلحق نقعد قبل ما الشمس تشد علينا لام خلو بالكو احنا بدأنا ندخل في التوقيت الطبيعي للصيف حيث ان درجه الحراره النهارده 40 وخصوصا المكان الي احنا رايحينه مفيش بينه وبين الشمس ساتر ربنا يقينا حر يوم القيامه ولكم مني اطيب المني وشكرا

**gad_fcis** · 08-07-2011 03:41 PM

أنا معاكو إن شاء الله

**bassem.naguib** · 08-07-2011 04:50 PM

من واحدة لأتنين يا قلبي لا تحزن .. مش حيبقى فيه فرق في حرارة الشمس .. بس حلاوة المقابلة حتقلل الشعور ده إن شاء الله .

**Ahmed.TV** · 08-07-2011 11:18 PM

المشاركة الأصلية كتبت بواسطة ziabassem

بعد أذن وليد باشا رغم أني في قمة الاحراج ومش عاوز أعمل بلبلة .. أن شايف أن يوم السبت ممكن ميكونش مناسب لناس كتير .. وأن أفضل يوم هو الجمعة (اليومين مناسبين ليه على فكرة) علشان يبقى فيه أكبر قدر متجمع من الناس .. وأقترح تأجيل المقابلة للجمعة اللي بعديها 15 / 7 / 2011 . علشان ندي أكبر قدر من الناس أنها تيجي وترتب أمورها .

ربنا يخليك يا أحمد باشا على المجاملة الظريفة دي .. وحكون سعيد لو قدرت تيجي سواء في الميعاد الجديد أو الميعاد الحالي ومتأكد أن الناس كلها حتكون عندها نفس الشعور ده .. لأنك فعلاً أنسان فوق الوصف ومفيش كلام يوفي حقك .

يا باسام .. كدا حزعل منك .. بقا انت تعرف عنى انى من الناس المجاملة ..

وصفى ليك صدقنى ظالمك كمان .. لانك حقيقى من الشخصيات المحترمة جداااا .. ومن الناس اللى الواحد لازم يتعرف عليها ويكسبها فى الحياة .. والواحد سعيد بالمقابلة الجميلة دى .. اللى حيتشرف فيها بمعرفتك وبمعرفة كل الاعضاء المحترمين جدا عندكم

ومستنين يوم الجمعة الجاية بفارغ الصبر باذن الله

تحياتى ليك يا اهلاوى ياغالى

المشاركة الأصلية كتبت بواسطة sv065

السلام عليكم ورحمة الله

إخواني الأعزاء لا يوجد أي إحراج مطلقا بالعكس ...لقائنا مش مجرد كشف حضور وإنصراف إحنا عاوزين اللقاء يكون فيه كل الحبايب وطالما أن الموعد المناسب لكم الجمعة يبقي مافيش أي مشكلة إختيار موفق بإذن الله وكمان علشان تكون فرصة نتشرف بأحبائنا الأفاضل خاصة العزيز علينا جميعا ahmed.tv

تسلم يا فندم على تقديرك الغالى وعلى محبتك لكل الناس اللى بتنم عن شخصية حضرتك الطيبة وروحك الجميلة

وفعلا حقيقى الواحد حيكون سعيد جدا بوجوده معاكم باذن الله

وان شاء الله نتشرف بمعرفة حضرتك

وتقبلوا وافر التحية والتقدير للجميع

**bassem.naguib** · 09-07-2011 01:15 AM

المشاركة الأصلية كتبت بواسطة ahmed.tv

يا باسم .. كدا حزعل منك .. بقا انت تعرف عنى انى من الناس المجاملة ..

وصفى ليك صدقنى ظالمك كمان .. لانك حقيقى من الشخصيات المحترمة جداااا .. ومن الناس اللى الواحد لازم يتعرف عليها ويكسبها فى الحياة .. والواحد سعيد بالمقابلة الجميلة دى .. اللى حيتشرف فيها بمعرفتك وبمعرفة كل الاعضاء المحترمين جدا عندكم

ومستنين يوم الجمعة الجاية بفارغ الصبر باذن الله

تحياتى ليك يا اهلاوى ياغالى

ربنا يخليك يا أبو حميد ومنحرمش من ذوقك وأخلاقك أبداً .

وبلاش نكش بقى في موضوع الأهلي ده علشان فيه اتنين ممكن يزعلوا مننا ودايماً كابس على نفسهم والعملية مش حتستحمل اتنين وكفاية أنا عليهم .. وخاصة وأن الجرح جامد قوي .. عاوزك تتخيل أنك جعان وخلاص اللقمة في بقك .. ويجي واحد يعكنن عليك وياخدها منك .. متبقاش قاسي كدة وقلبك أسود . هههههههههههه

تسلم يا فندم على تقديرك الغالى وعلى محبتك لكل الناس اللى بتنم عن شخصية حضرتك الطيبة وروحك الجميلة

وفعلا حقيقى الواحد حيكون سعيد جدا بوجوده معاكم باذن الله

وان شاء الله نتشرف بمعرفة حضرتك

وتقبلوا وافر التحية والتقدير للجميع
أنا متأكد من كدة إن شاء الله .. ووليد من الشخصيات الهادية والجميلة بالإضافة إلى الخبرة في مجال السيارات .

المشاركة الأصلية كتبت بواسطة techno

ازيكوا يا جماعة انا ان شائ الله اكيد معاكو بدام يوم الجمعة علي فكرة انا لسه مستلم عربية بي واي دي اف 3 اتوماتيك و اتمني اني اتعرف بيكوا جميعا ان شاء الله .... و ان شاء اللع اتعرف بالناس الجميلة دي

ألف مبروك على السيارة وربنا يبارك ليك فيها ويبعد عنك كل شر .. وحيكون لينا الشرف بمعرفة حضرتك .. وإن شاء الله تستمتع بالمقابلة وتستفيد من الخبرات المتبادلة بين الأعضاء .

**hossam165** · 09-07-2011 03:26 PM

المشاركة الأصلية كتبت بواسطة ziabassem

الحمد لله أنك من المؤيدين لي ومكنتش لا سمح الله من المعارضين

اللهم لك الحمد يا عم انا عاوز اربي عيالي وافرح بيهم :b4_611:
خلينا ماشيين جنب الحيط احسن ههههههههههههههههههههههههه هههههههههههههه

بالنسبة لسؤالك عن نوعية الزيت إذا كان تخليقي ولا معدني .. ده بيتوقف على دماغك عامله كام كيلو (لسه بتلين ولا خلاص فتحتها) .. وكذلك الحالة العامة للنافوخ والمخيخ .. هههههههههههههه حبيبي والله يا حسام باشا .

بص هو معايا بقالو 35 سنة والحمد لله لينت وفتحته وقرصت عليه كمان وحملته في بعض الاوقات اكثر من طاقته والحمد والشكر لله لم يخزلني
اما بالنسبة للحالة العامة هو مش راشش جوه والا بره لسه بالفبريكة
ههههههههههههههههههههههههه هههههههههههه
والله وانت كمان حبيبي

عاوزين ناخد الأراء يا جماعة بسرعة .. والرأي في الأول والأخر لوليد باشا صاحب الدعوة في تحديد الميعاد النهائي .

ان شاء الله معاكم في اي موعد يتم تحديده لاني محتاج مشورتكم جدا في بعض الاشياء الخاصة بسيارتي

**bassem.naguib** · 14-07-2011 01:21 AM

للرفع والتأكيد النهائي على حضور المقابلة إن شاء الله يوم الجمعة 15 / 7 / 2011 الساعة 2 بعد صلاة الظهر في الدور التاني من بارك كارفور المعادي .

-

الموضوع: موعد المقابلة القادمة الجمعة 15يوليو2011 بإذن الله الكل ينورنا

LinkBack

أدوات الموضوع

عرض

-

-

-

-

-

-

-

المواضيع المتشابهه

المقابلة التاسعة لاعضاء نيسان يوم الجمعة القادمة 18/5 عند جينز كار

معاد و مكان المقابلة الجاية بإذن الله

مسافر يوم الجمعة بإذن الله... نصيحتكم تهمني

المقابلة القادمة في سنغافوره إن شاء الله

موعد ومكان المقابلة القادمة .. يوليو 2007

الكلمات الدلالية لهذا الموضوع

المفضلات

المفضلات

ضوابط المشاركة