الموضوع: اعـــــــراض تلـــف العفـــــــشة في اللانــــسر

المشاركة الأصلية كتبت بواسطة minded

نضيف بردو شوية حاجات لتسهيل الشرح من الاخوة ذوي الخبرة ( اعراض التلف ومدي تاثيرها علي السيارة )

بلي البطاحات

البطاحات

جلب المقصات

المقصات

المساعدين

مسمار الميزان

كاوتشة الميزان

علبة الدكسيون

التيش والبارات

قواعد الماتور

الطنابير

الفرامل


فلانشات

الله ينور عليك

امبارح انا روحت اظبط زوايا تانى لان كان عندى مشكلة فى الشمعدان كان واخد خبطة او مطب زى ما الراجل بيقول وقاللى تعملها عند سمير على بتاع الحرفيين وقاللى فى بداية الكلام ان هية بتتكلف فى حدود 250 ده الراجل بتاع الزوايا قلت لازم اعملها علشان كانت مفارقة حوالى 2 مللى من مطب جامد انا طبعا مكنتش اعرف ان هية عايزة زرجينة المهم روحت والحمد لله عملت الزرجينة والجهاز الامريكى ده ممتاز جدا وبصراحة طلع غير ماتوقعت خالص عمللى الزرجينا ب100 جنيه بس وكانت حاجة بسيطة مش جامدة هية بس كانت الاول فىها حدفة شمال بسيطة بس انا خفت على الكاوتش علشان التاكل وعلشان جديد المهم رجعت تانى لبتاع الزاويا وشافها على الجهاز وقاللى تمام كده وظبط وبقت الحمد لله ممتازة قوى بس والراجل بيربطللى العفشة اللى هوة بتاع الزوايا قاللى ان عندى البارات الداخلية خفيفة وعايزة تتغير لكن الخارجية كويسة قاللى حرام تشتريها وكمان الكاوتشة المزيكا بتاعت علبة الدريكسيون مقطوعة وفعلا بحس بطقة خفيفة قوى لما بكون واقف وارحك الدريكسيوب بالراحة قوة هزة بسيطة وان شاء الله هاعملها فى اقرب فرصة وبصراحة دى اول مرة اتعرضت لحاجة فى العفشة غير المساعدين والبطاحات والبلية كل ده عملته لكن موضوع الاتياش والبارات الخارجية والجلب والبيض والحاجات دى لسةالحمد لله وربنا يستر علينا جميعا بس انا كنت عايز اعرف هل البارات الداخلية تاثر على العربية علشان انا عايز اسافر بيها الاسبوع اللى جاى تحياتى

موضوع جميل ويارب يكمل

المشاركة الأصلية كتبت بواسطة dede_sese

موضوع جميل ويارب يكمل

يا ريت الكل يشارك عشان المنفعة تعم علي الكل

المشاركة الأصلية كتبت بواسطة funnymickey

موضوع رائع ومتابع
بالنسبه لي المشاكل اللي في العفشه كانت تتلخص في الطقطقه اللي في الدركسيون عند اي ملف
سواء العربيه واقفه ولا ماشيه
وبعد اللف والدوران بين التوكيل والعفشجي
اتضح ان المشكله في الاتي

البارات والاتياش كانت بايظه
بليه البطاحه اللي قال عليها درش كانت مكسوره وكانت بتسبب موضوع الخبطه دي
وتم تغيرهم والحمد لله المشكله راحت

طبعا المساعدين لو بايظه بتبان
ولو اني عندي تحفظ من موضوع المساعدين ده لاني اكتشفت ان العيب في الشوارع مش في المساعدين
لاني مغير 4 مساعدين في 6 شهور
اتنين امامي في اتنين امامي واتنين خلفي
والسبب مجهول لحد دلوقتي
وعاوز اقول اني ساعه ما شلت المساعد القديم وحطيت الجديد
والاحساس بالطريق هوا هوا متغيرش :)

من المعلومات اللي عرفتها بردو في جوله المساعدين ان عربيتنا ليها نوعين فقط من المساعدين

1- kyb وده الرسمي اللي اي حد في مصر بيجيبه ومكتوب عليه ياباني ولو اني اشك بصراحه لانه سريع التلف وبيبوظ بسرعه
يميزه رخص سعره بالمقارنه باي نوع ممكن تشتريه

2- مونرو وده مساعد محترم جدا بس معظم الناس مبتنصحش بيه لانه مساعد ناشف
ومع عفشه الكرستاله والطرق الزباله بتاعتنا حيضرب بسرعه
وسعره غالي كمان الطقم عامل حوالي 1600 جنيه

من احلام حياتي اني الاقي ماركه مساعدين اسمها تاكيكو ودي ماركه ياباني المفروض انها كانت بتنزل لحد فتره قريبه ومش موجوده حاليا
واللي شفته شاريها هيما لانسر وقاللي انه مساعد محترم جدا
و انضف من الkyb اللي موجوده في السوق

هههههههههههههههه عارف اجمل ما فى الموضوع التوقيع خلاص قربت اوعى تقول انك ناوى قبل رمضان خليك بقى على العيد وخلاص واخيرا ظهرت ده انا كنت هاعمل موضوع ابحث معى عن ميكى انت فيين ياعم الناس بتشتكى ان احنا نايميين فى العسل اخبارك ايه والله منور المنتدى وعايز اعرف الاتياش والبارات جبتهم منين وبكام وازاى وهل العفشجى ده كويس والا ايه انا طلع عندى البارات الداخلية خفيفة شوية.

المشاركة الأصلية كتبت بواسطة prisoner

هههههههههههههههه عارف اجمل ما فى الموضوع التوقيع خلاص قربت اوعى تقول انك ناوى قبل رمضان خليك بقى على العيد وخلاص واخيرا ظهرت ده انا كنت هاعمل موضوع ابحث معى عن ميكى انت فيين ياعم الناس بتشتكى ان احنا نايميين فى العسل اخبارك ايه والله منور المنتدى وعايز اعرف الاتياش والبارات جبتهم منين وبكام وازاى وهل العفشجى ده كويس والا ايه انا طلع عندى البارات الداخلية خفيفة شوية.

الاتياش والبارات ماركة اسمها 555 وهي في علية زرقاء ياباني وسعرها تقريبا 350 جنيها
لو في الجيزة ممكن تلاقيهم عند الخواجة في شارع البحر الاعظم
وممكن تلاقيهم عند الزقازيقي في التوفيقية

وسؤال ايه المشكلة الي انت بتحسها وانت ماشي في الطريق والي بسببها قلك العفشجي غير البارات الداخلية لانها خفيفة ؟