الموضوع: اعـــــــراض تلـــف العفـــــــشة في اللانــــسر

وعلى فكرة انا لسة عامل عنده البارات والاتياش بتاعت علة الدريكسيون وجلبة بتاعت المساعدين وبعد ما عملت الموضوع ده حسيت قد ايه انا ظالم نفسى لانى مكنتش بشتكى من حاجة غير لما باجى فى شارع غير ممهد بحس العربية مفكوكة وكام صوت كده يطلع من تحت لما روحتله علشان اعمل جلبة المساعد والكاوتش البيانو بتاع علبة الدريكسيون قاللى انت البارات الداخلية بايظة خالص لكن اللى برة سليمة بس انا جبت طقم على بعضه خارجى وداخلى وماشاء الله اتارينى من سنة وانا لسة مشترى العربية كانوا عايزين يتغيروا وحسيت بنعومة وتماسك رهيب مكنش موجود فى الاول خالص وثبات زاد جدا فى السرعة والملفات عن الاول بكتيير وانا اللى كنت فاكر انى تمام وعجبى والحمد لله رب العالمين

المشاركة الأصلية كتبت بواسطة prisoner

انا اعرف عفشجى كويس جدا واعرفه من حوالى 3 سنين وشغله ممتاز ومش غالى خالص يعنى لما كانت معايا 128 ربطللى العربية كلها من تحت امامى وخلفى واخد 10 جنيه وكذا مرة يربط حاجة ويبص لو انا بشتكى من حاجة ومايرضاش ياخد فلوس وعلى فكرة انا كنت مرة قريت هنا ان فيه ناس كتيير قايله عنه هوة اسمه وحيد فى عين شمس بعد مساكن عين شمس ومزلقان العشرين او من ناحية شارع عين شمس اخر الشارع وبعد المزلقان بتاع القطار على طول فيه شارع يمين اسمه الفيروز هوة بعد 500 متر من اول الشارع على الشمال ولو ممكن احط رقم تليفونه علشان ميبقاش اعلان ولو حد عايز يروح بس يقوللى انا ممكن اظبطهولوا بالتليفون لو ما امكنش انى اجى معاه لان مواعيد شغللى مش مستقرة وتحت امركم

يا مصطفي باشا مفيش مشكلة وممكن تحط التليفون عشان الكل يستفاد وده هدف المنتدي

ويا ريت اي حد يعرف عفشجي كويش ينوه عنه
وشكرا

ياريت يا استاذ مصطفي
والادارة ميرضيهاش تحرم عفشه الغلابه من دكتورها

حط الرقم وتوكل علي الله او ابعته فرسالة

رقم تليفون الاسطى وحيد العفشجى واى حد يكلمه يقوله انا من طرف مصطفى بتاع الانسر الكريستالة الفضى قريب وائل السمكرى والسمكرى ده لو قصة ان انا اتصاحبت عليه لانه شاب ممتاز اخلاقه كويسة ومش حرامى ويعرف ربنا واتعرفت عليه لما والدتى كانت عاملة حادثة بال الفيات 127 وكانت جامدة شوية وبفضل الله طبعا مرجعتش زى الاول خالص لان هوة برضوا على قده بس فيه حاجات خبطات بسيطة بيقدر يعملها وقنوع جدا وهوة اللى عرفنى على وحيد على اساس انى قريبه ومن ساعتها ووحيد بيعمللى الف حساب وبيكرمنى بصراحة وانا لو موجود فى المنطقة بيبقى تقريبا من يوم الخميس بليل لغاية الجمعة بليل وانا بزور اهل وطبعا جمعة وجمعة علشان حماتىههههههههههههههههههههههههه ه اسف للاطالة بس انا عايز اخدمكم على قد ما اقدر تحياتى واليكم رقم التليفون 0124960019 وحيد عفشة

يا ريت يا جماعة نكمل موضوع العفشة +++++++1

لسة عاملين عنده لمومو معانا هنا فى المنتدى بميراج عليات خلفية لانه كان بيشتكى من هبوط العربية جامد من الخلف وركب عليات وبصراحة شكل واداء العربية اختلف واخد 65 جنيه ثمن العليات والمصنعية وبصراحة شغله ممتاز ووفرلنا ثمن سوست ومساعدين جديدة تحياتى

اي حد يعرف صنايعية في العفشة كويسين يا ريت يقول عليهم

ياجماعه عاوزين نكمل الموضوع انا شايف الردود قلت عاوزين تفاعل اكتر من خبراء الكريستاله