انا معايا فكترا 94 اوتو 2000 سى سى
دلوقت العربيه كل ماتحرك بيها الحراره على العداد بتبقى بالكتير 93 بس لما بحط ايدى على الكبوت بتاع العربيه بيبقى سخن جدا جدا جدا جدا لدرجه انو بيلسع اللى يسند عليه فعاوز اعرف ازاى اتاكد من انو عداد الحراره قرايتو صح

دى اول حاجه
ثانيا بقا عندى العربيه بتهرب زيت باور و لما سالت بتاع العفشه قالى علبه الدركسيون عاوزه تتغير عشان الجلد ناشفه او حاجه زى كده بس انا مش مستريح لكلامه و كنت عاوز اعرف علبه الدركسيون ليها تظبيط انها تتصلح و تتظبط ولا فعلا كده لازم تتغير عندى

ثالثا عاوز اظبطلها عفشه 4 مساعدين و مش عارف اى تانى عشان محدش بص عليها بس هو اللى واضح المساعدين عشان بتتنطط جامد مع المطبات و المساعدين اللى ورا لما بدوس عليهم لما بييجو يرفعو لفوق بيطقطقو فعاوز اعرف المساعدين بردو ليهم حل ولا بردو يتغيرو و لو هيتغيرو اى الافضل الجديد و لا المستعمل و اى الانواع و اجيبها منين

رابعا عداد البنزين عندى مش شغال فالميكانيكى بيقولى العيب فى حاجه اسمها الشريحه بتاعه العوامه يا ريت لو حد يعرف تمنها و يقولى اجبها منين

معلش انا عارف انى اسالتى كتير بس انا لسه جايب العربيه من 3 اسابيع و بحاول اظبط الدنيا فيها و مستنى الردود من العصابه