خلينا نتفق على ان مقياس الزيت الجيد حاجتين
اللون اولا -ودا مش مقياس سليم 100% - لأن بطبيعة الحال اي زيت بيقوم بالوظفايف بتاعته لو اتحط في الموتور 1000 كم فقط هتلاقي لونه اتغير وبقا غامق عن الاول والزيت اللي بيفضل يلمع ودهبي لنهاية الاستخدام دا زيت مش كويس عشان مش بيقوم بالوظيفة بتاعته على اكمل وجه -
المقياس التاني والاهم هو لزوجة الزيت ودي بتقدر تعرفها من العرق اللي بين ايديك
طلع مقياس الزيت وخد منه نقطة على صباعين السبابة والابهام وشوف العرق بينهم قد ايه وقارنه بالزيت اول ما اتحط
اول ما يختفي العرق دا يبقا الزيت انتهى اجله والمفروض يتغير -
النقطة التانية:-
بالنسبة للزيوت المعبأة في مصر كلها واحد بلا اي اختلاف خالص
تعاون زي زيت مصر زي زيت شل زي زيت توتال زي زيت موبيل لأنهم كلهم بيعبوا من تشغيلة واحدة فقط وبيختلف العبوة فقط لا غير
فمفيش حاجة اسمها زيت محلي احسن من زيت محلي تاني ما دام معبأ هنا بتختلف العبوة وعلى اساس اسم الشركة بيختلف السعر
فلو ناوي تحط حاجة محلي يبقا خليك في التعاون او زيت مصر عشان دول ارخص حاجة وهما هما شل وموبيل بلا اختلاف
لو هتحط حاجة زي كاسترول فدا زيت انجليزي الأصل معبأ في الامارات
اخر غيار زيت انا حطيت كاسترول ايدج وهو فعلا ب 270 جنيه حاليا وبيتغير كل سنة او كل 15000 كم وهو زيت تخليقي بالكامل
وحاليا عامل عليه 6800 كم وهو رائع جدا الحمد لله
بس مش هقدر احكم عليه غير في نهاية المدة بتاعته وهي بالنسبالي على الاقل 13000 كم
لو قدر يثبت كفاءته لحد 13000 كم يبقا زيت رائع وهستمر عليه على طول ان شاء الله
المفضلات