الموضوع: انفجار مجهول فى القاهرة والجيزة

في ايه يا جماعة متخلو عندكم ثقة شوية فجأة ناس كتيير قفشت و مظاهرة و تخويف و ترهيب و هننزل يعني هننزل في ايه يا جماعة ارحمونا من الكلام ده بقي عيب و الله اننا نعمل كده

المشاركة الأصلية كتبت بواسطة ashturbo

كل الأحتمالات واردة والبيان اللي أتنشر بيان سخيف ومفروض يقولولنا الطيارة بتاعة الجهة السيادية عملت كدة ليه سواء تدريب ومناورات أو غيره وليه الكلام ده أتعمل فوق سماء القاهرة والأهم أيه هي الجهة السيادية دي لا مؤاخذة يعني رياسة ولا جيش.. وبعدين جهة سيادية على نفسها مش علينا أحنا الشعب أحنا الجهة السيادية ومش هنخاف وهننزل يوم الجمعة لو حتى هنتضرب بالصواريخ .

على فكرة الناس اللي زعلانة أن في حد بيفكر بنظرية المؤامرة بقالكوا 30 سنة مش عاوزين تفكروا في النظرية دي وأنتم أساساً كنتم عايشينها ليل نهار لحد ما أصبحت واقع ملموس بس للأسف القلوب عميت قبل العيون .

للعلم فقط يوم 28 يناير حلقت الطائرات المصرية فوق سماء القاهرة على أرتفاعات منخفضة وكانت بتلف حوالين مناطق المظاهرات وكل المحللين على البي بي سي وقنوات عالمية وعربية قالوا ان الكلام دة بيتعمل علشان ترهيب المتظاهرين .

و يا استاذي الفاضل الكلام اللي حضرتك بتقوله ده مينفعش و حتي لو تدريب او غيره ديه حاجة لا تخص احد سوي الجهة المعنية بها يعني من الاخر ملناش فيه
و موضوع جهة سيادية اللي المفروض تعيب علهي في الكلمة ديه الجريدة نفسها لأن كلمة زي كده بتولع الدنيا و محدش واخد باله زي ما حضرتك زعلت اوي و مسكت فيها

و متشكر ع موضوع العمي معلش هنبقي نروح لدكتور يصلح العمي اللي بتتهمنا به

اما يوم 28 انا شاكك ان حضرتك حضرت هناك لو واقف هناك و خاصة عند المدرعة اللي علي مدخل الميدان
طبعا كانت في طيارات اف-16 فوق , بس سعادتك الموضوع و لا ليه علاقة بمظاهرة و لا تخويف و لا اي كلام من ده الطيارات ديه استطلاع و تأمين للقوات اللي علي الارض و لو يومها حضرت كنت هتشوف ان الناس اصابها الرعب فعلا و جيه وقت اللي بيولعوها
لكن افراد الجيش ظلوا يفهموا في الناس و ناس كبار من المتظاهرين قعدوا يفهموهم ان ديه تأمين و استطلاع و بتأمن القوات اللي ع الارض و بيفهموهم انهم بيتابعوهم من فوق يعني اجراء روتيني
و عيب اوي اوي اوي اوي يا مصري انك بتمشي ع كلام محللين من قناة مش عارف ايه و قنوات ايه و تكدب كلام الجيش اللي هو لولاه خاصة اليومين اللي فاتوا الله اعلم كان ممكن يحصلك ايه و هم كل يوم بيعرضوا نفسهم للخطر عشان خاطر اننا نبقي امنين بالرغم انها مش مهمتهم
و اظن اليومين اللي فاتوا اثبتت اد ايه فيه ناس بتولعها اساسا و منهم قنوات كمان اللي حضرتك ماشي ع كلامها

يا ريت حضرتك تراجع نفسك في الكلام اللي قولته

ترهيب وترعيب
ايه النظريات دى
لو عايزين يرعبوا
فيه ميه طريقة احسن من الكلام ده
وعلى فكرة
فيه تاريخ للحوادث دى
ياريت بس نفتكر قبل كدة

المشاركة الأصلية كتبت بواسطة amahmed

الاستاذ axel كلام حضرتك مش سليم عما حدث يوم 28 يناير .. الطائرات النفاثة لا تقوم بهذه المهام اللي حضرتك ذكرتها في المدن
و هذه الطائرات كانت في الجو لانتظار تعليمات و تقوم بتنفيذها
لكن لاسباب ما لم يحدث ذلك و هبطت الطائرات

و الحمد لله .. لان في حالة تنفيذ هذه التعليمات كان سيكون لها اثر سلبي جدا جدا علي الارض
لكن ربنا كريم

اما ما حدث اليوم .. فأرجوا الا يخرج من نطاقه و يتحمل اكثر من قدره .. هو حادث سخيف لان الطائرات ممنوعة من كسر حاجز الصوت فوق المدن و التدريبات بتكون في عمق الصحراء
و لا يجب تفسيره علي انه محاولة ارهاب
لان عملية الارهاب عن طريق كسر حاجز الصوت بالطائرات النفاثة يكون بشكل مكثف بتكرار المرور فوق المنطقة المستهدفة و في اوقات متأخرة ليلا او مبكرة صباحا لاحداث اكبر قدر من الفزع مش في عز الظهر

اى قوة ارضية بيكون ليها غطاء جوى
طبعا الكلام ده فى الحرب
اعتقد ان الطائرات طلعت برده لتأمين الجيش
لان المجهول كان بيواجه الكل ساعتها
لو فرضنا فرضك ان القوات الجوية كانت هتضرب
الطائرات الهليكوبتر كانت هتكون ادق فى اصابة الحشود لانتشارهم بين الشوارع

المشاركة الأصلية كتبت بواسطة AmAhmed

انا لم افترض انها كانت حتضرب .. انا قلت تنفذ تعليمات .. و حضرتك اللي فسرتها علي انها حتضرب

و عموما يا خبر النهاردة بفلوس بكره يبقي ببلاش

ماشى انا غلطان
وانت تقصد تعليمات انها كانت هترش بونبونى وشيكوليته عليهم