انفجار مجهول فى القاهرة والجيزة

**م. عمرو شرف** · 06-07-2011 08:53 PM

المشاركة الأصلية كتبت بواسطة misoalex

طياره اخترقت حاجز الصوت ؟؟؟؟؟؟؟؟؟؟

هو الموضوع بسييييييييييييط اوى كده

يرعبو المواطنين ويخوفو الناس والاطفال عشان باشا من البشوات بيتدرب

هو مش المفروض ان التدريبات دى تتم فى اماكن بعيد عن المدن والسكان

ولا لما تقع الطياره دى على منطقه سكنيه ويموت مئات المواطنين والاطفال عادى ساعتها مش مشكله الديه جاهزه كل واحد 2000 جنيه واهو يبقو خفو حمل من على البلد

ولا نسيتم الطياره اللى وقعت من سنه تقريبا ولحسن الحظ وقعت فى غيط والحمد لله

المشاركة الأصلية كتبت بواسطة misoalex

ياريت بلاش نستخف باللى بيقول محاوله لتخويف الناس عشان مينزلوش يوم الجمعه لانه ممكن يكون كده فعلا
مجرد محاوله لتفكير الناس باللى بيحصل وشايفينه فى سوريا وليبيا

مجرد رساله من الجيش للناس
ان هى طياره واحده ممكن تدمركم بس احنا اللى سايبنكم تعيشو

واديكم شايفين اهو صوت طياره اثار الرعب والفزع فى قلب كام واحد

بلاش خفه الدم والاستخفاف بالامور

المشاركة الأصلية كتبت بواسطة amahmed

الاستاذ axel كلام حضرتك مش سليم عما حدث يوم 28 يناير .. الطائرات النفاثة لا تقوم بهذه المهام اللي حضرتك ذكرتها في المدن
و هذه الطائرات كانت في الجو لانتظار تعليمات و تقوم بتنفيذها
لكن لاسباب ما لم يحدث ذلك و هبطت الطائرات

و الحمد لله .. لان في حالة تنفيذ هذه التعليمات كان سيكون لها اثر سلبي جدا جدا علي الارض
لكن ربنا كريم

اما ما حدث اليوم .. فأرجوا الا يخرج من نطاقه و يتحمل اكثر من قدره .. هو حادث سخيف لان الطائرات ممنوعة من كسر حاجز الصوت فوق المدن و التدريبات بتكون في عمق الصحراء
و لا يجب تفسيره علي انه محاولة ارهاب
لان عملية الارهاب عن طريق كسر حاجز الصوت بالطائرات النفاثة يكون بشكل مكثف بتكرار المرور فوق المنطقة المستهدفة و في اوقات متأخرة ليلا او مبكرة صباحا لاحداث اكبر قدر من الفزع مش في عز الظهر

لو كنا فى أوقات تانيه محدش كان هيقول نظرية المؤامره

وأكتر شخص كاره للجيش عارف أن الجيش لا هيضرب حد ولا هيخوف حد

أختراق حاجز الصوت بيحصل كتير بس قبل كده محدش كان بيركز , لكن دلوقت كل الناس مركزه مع أى حاجه بتحصل

ومفيش حاجه أسمها ليه يعملوا مناوره فوق المدن , المناورات بتكون فى الصحرا لكن أنتوا متخيلين لما طياره حربيه تتحرك ممكن تاخد من القاهره لأسوان فى وقت قد أيه , بسيط جدا , فمش معنا كده أنها بتعمل مناوره فوق القاهره ,لأ تحركها الطبيعى بيجيب كل المدن.

بالنسبه لموضوع الطيارات أيام الثوره أنا وضحتها كذا مره وهوضحها تانى غير أنها لطمأنة القوات على الارض

الطيارات دى خرجت تمسح مصر كلها من أسوان للأسكندريه ونقلت بث مباشر لموقف المظاهرات لغرفة عمليات المقطم وكان فيها مبارك وكل القيادات وكان غرضها تبين لمبارك حجم المظاهرات وأن الموضوع أكبر من ما هو متخيله

لأن لما طنطاوى وعمر سليمان وقائد الحرس الجمهورى قالوا لأ مش هنضرب حد ( ترتيب الأسماء صحيح ) مبارك مكنش مصدق ودانه

يعنى ده كان رساله لمبارك مش للمتظاهرين

مبارك كان بيحكم مصر وهو ضامن محدش هينقلب عليه لأن القوات الجويه معاه , أتفاجئ لما لقى القوات الجويه بتتحرك بأوامر طنطاوى اللى بيقوله لأ مش هضرب حد

ياريت تكون وصلت

**wael17** · 06-07-2011 09:01 PM

ما حصلتش في التاريخ ولا حتي في ليبيا ولا سوريا ان طائرات حربية تقصف ميدان في بلدها مليان ناس
اولا الميدان كان فيه قوات برية و ما ينفعش الطيران يضرب غير لما يسحب قواته البرية بعيد
ثانيا احنا الطيارات بتاعتنا بيقودها طيارين مصريين مش جايبيين طيارين مرتزقة من اسرائيل
ثالثا التعامل مع التجمعات البشرية مش بيبقي بالقصف الجوي...في هليكوبتر و في دبابات و مشاة للحاجات دي...الطيران الحربي بيضرب اهداف عسكرية و منشأت...لكن عشان تضرب مجموعة من البشر بالطيران يبقي زي اللي بيقتل ناموسة بمدفع رشاش
مش عارف ليه الناس بتشك في جيشها و كأنه جيش من اسرائيل مش مصريين زينا

**wesam_salom** · 06-07-2011 09:10 PM

المشاركة الأصلية كتبت بواسطة sharafconsult

لو كنا فى أوقات تانيه محدش كان هيقول نظرية المؤامره

وأكتر شخص كاره للجيش عارف أن الجيش لا هيضرب حد ولا هيخوف حد

أختراق حاجز الصوت بيحصل كتير بس قبل كده محدش كان بيركز , لكن دلوقت كل الناس مركزه مع أى حاجه بتحصل

ومفيش حاجه أسمها ليه يعملوا مناوره فوق المدن , المناورات بتكون فى الصحرا لكن أنتوا متخيلين لما طياره حربيه تتحرك ممكن تاخد من القاهره لأسوان فى وقت قد أيه , بسيط جدا , فمش معنا كده أنها بتعمل مناوره فوق القاهره ,لأ تحركها الطبيعى بيجيب كل المدن.

بالنسبه لموضوع الطيارات أيام الثوره أنا وضحتها كذا مره وهوضحها تانى غير أنها لطمأنة القوات على الارض

الطيارات دى خرجت تمسح مصر كلها من أسوان للأسكندريه ونقلت بث مباشر لموقف المظاهرات لغرفة عمليات المقطم وكان فيها مبارك وكل القيادات وكان غرضها تبين لمبارك حجم المظاهرات وأن الموضوع أكبر من ما هو متخيله

لأن لما طنطاوى وعمر سليمان وقائد الحرس الجمهورى قالوا لأ مش هنضرب حد ( ترتيب الأسماء صحيح ) مبارك مكنش مصدق ودانه

يعنى ده كان رساله لمبارك مش للمتظاهرين

مبارك كان بيحكم مصر وهو ضامن محدش هينقلب عليه لأن القوات الجويه معاه , أتفاجئ لما لقى القوات الجويه بتتحرك بأوامر طنطاوى اللى بيقوله لأ مش هضرب حد

ياريت تكون وصلت

هقول لحضرتك على حاجه

انا مولود فى طنطا وفيه قاعده جويه هناك
كتير كنا بنسمع اصوات الطائرات واصوات الانفجارات دى وكانت بتهز البيت عندنا
كنت بسمع انه تفريغ هوا (مكنش حد لسه عنده انترنت علشان يعرف كسر حاجز الصوت)

والنهارده بكلمهم فى البيت عرفت ان عندهم نفس الاصوات دى
رغم انهم من فتره طويله محدش سمعها بس النهارده كانت مزعجه جدا هناك
رغم ان طنطا مفيهاش اى مظاهرات ولا اى قلق

**Everlasting** · 06-07-2011 09:11 PM

قصف جوي إيه بس ... بنقول ترويع .... تخويف ... بث الذعر في قلوب المتظاهرين.
والمجلس العسكري هو اللى حط نفسه في موضع الشبهات، ولم يثبت العكس حتى الآن. التباطئ أصبح تواطئ.
والجيش على العين والراس دا جيشنا اللى بيتكون مننا.. لكن المجلس مبارك ونظامه الفاسد هو اللى شكله، ومختارهم بعناية وعلى الفرازة. ولائهم حتى بعد رحيله الصوري لايزال له ولنظامه ... وأظن دا واضح جداً من إختيارتهم سواء للوزراء أو المحافظين وتمسكهم بقيادات الهيئات الحكومية ورؤساء الجامعات.. وطبعاً القيادات الشرطية والقضاه المحسوبين ع النظام .. إلخ إلخ. بالإضافة طبعاً لمهزلة محاكمات النظام، وتفريطهم في دم الشهداء، ........ إلخ.

**AmAhmed** · 06-07-2011 09:11 PM

المشاركة الأصلية كتبت بواسطة wael17

ما حصلتش في التاريخ ولا حتي في ليبيا ولا سوريا ان طائرات حربية تقصف ميدان في بلدها مليان ناس
اولا الميدان كان فيه قوات برية و ما ينفعش الطيران يضرب غير لما يسحب قواته البرية بعيد
ثانيا احنا الطيارات بتاعتنا بيقودها طيارين مصريين مش جايبيين طيارين مرتزقة من اسرائيل
ثالثا التعامل مع التجمعات البشرية مش بيبقي بالقصف الجوي...في هليكوبتر و في دبابات و مشاة للحاجات دي...الطيران الحربي بيضرب اهداف عسكرية و منشأت...لكن عشان تضرب مجموعة من البشر بالطيران يبقي زي اللي بيقتل ناموسة بمدفع رشاش
مش عارف ليه الناس بتشك في جيشها و كأنه جيش من اسرائيل مش مصريين زينا

+1
الهدف كان اثارة الزعر و استعراض العضلات .. المشكلة ان ساعة الزعر تتوه العقول و يحصل حاجات مش مقصودة تسبب مشاكل اكبر خصوصا و نحن نتحدث عن مدنين غير منظمين و عشوائيين
الحمد لله علي كل حال

**misoalex** · 06-07-2011 09:41 PM

المشاركة الأصلية كتبت بواسطة amahmed

+1
الهدف كان اثارة الزعر و استعراض العضلات .. المشكلة ان ساعة الزعر تتوه العقول و يحصل حاجات مش مقصودة تسبب مشاكل اكبر خصوصا و نحن نتحدث عن مدنين غير منظمين و عشوائيين
الحمد لله علي كل حال

+1111111
رساله مش اكتر ولا اقل

واللى بيقول طيارات بتنقل اخبار لمبارك ايام الثوره مبارك كان عنده كاميرات جايبه اللى بيحصل فى ميدان التحرير لايف

**م. عمرو شرف** · 06-07-2011 10:07 PM

المشاركة الأصلية كتبت بواسطة misoalex

+1111111
رساله مش اكتر ولا اقل

واللى بيقول طيارات بتنقل اخبار لمبارك ايام الثوره مبارك كان عنده كاميرات جايبه اللى بيحصل فى ميدان التحرير لايف

أنا اللى بقول كده وقلت كمان بتمسح المظاهرات من اسوان لأسكندريه

لكن مكنش فيه كاميرات تنقل لايف من كل المحافظات , السويس والاسماعليه والصعيد

أتمنى ما يكونش ده تهكم على كلامى

لأنى بقول حقائق مش أشاعات

**ahmed-moga** · 06-07-2011 10:15 PM

المشاركة الأصلية كتبت بواسطة sharafconsult

لو كنا فى أوقات تانيه محدش كان هيقول نظرية المؤامره

وأكتر شخص كاره للجيش عارف أن الجيش لا هيضرب حد ولا هيخوف حد

أختراق حاجز الصوت بيحصل كتير بس قبل كده محدش كان بيركز , لكن دلوقت كل الناس مركزه مع أى حاجه بتحصل

ومفيش حاجه أسمها ليه يعملوا مناوره فوق المدن , المناورات بتكون فى الصحرا لكن أنتوا متخيلين لما طياره حربيه تتحرك ممكن تاخد من القاهره لأسوان فى وقت قد أيه , بسيط جدا , فمش معنا كده أنها بتعمل مناوره فوق القاهره ,لأ تحركها الطبيعى بيجيب كل المدن.

بالنسبه لموضوع الطيارات أيام الثوره أنا وضحتها كذا مره وهوضحها تانى غير أنها لطمأنة القوات على الارض

الطيارات دى خرجت تمسح مصر كلها من أسوان للأسكندريه ونقلت بث مباشر لموقف المظاهرات لغرفة عمليات المقطم وكان فيها مبارك وكل القيادات وكان غرضها تبين لمبارك حجم المظاهرات وأن الموضوع أكبر من ما هو متخيله

لأن لما طنطاوى وعمر سليمان وقائد الحرس الجمهورى قالوا لأ مش هنضرب حد ( ترتيب الأسماء صحيح ) مبارك مكنش مصدق ودانه

يعنى ده كان رساله لمبارك مش للمتظاهرين

مبارك كان بيحكم مصر وهو ضامن محدش هينقلب عليه لأن القوات الجويه معاه , أتفاجئ لما لقى القوات الجويه بتتحرك بأوامر طنطاوى اللى بيقوله لأ مش هضرب حد

ياريت تكون وصلت

بشمهندس شرف ازي حضرتك اولا ...........بقالك كتير لم تشارك معنا
عايز اطلب من حضرتك طلب ورجاء وهذا بمثابة انك اخ اكبر لنا ورمز من رموز بلادنا الشريفه لذا نتوسم بك الخير والثقه
ياريت يبقي فيه شفافيه اكثر من ذلك والناس ينبغي ان تعلم الحقيقه
فماحدث يوم ميدان التحرير اثناء تحليق الطائرات الأف 16 كان الهدف هو حماية الرئيس السابق وتامين المجال الجوي له وهو قادم في الطائره الهليكوبتر ليري المظاهرات وحشود واعداد المتظاهرين الحقيقيه بعينه ويعرف الحقيقه كما حضرتك اوضحت مشكورا
اما ماحدث اليوم ويتم التشويش عليه حاليا ....... فمن المؤكد ان سيعلمه الشعب عاجلا ام آجلا ووقتها سيكون الموقف سيئ لنا جميعا
خالص تحياتي لحضرتك

**Amr Axel** · 07-07-2011 02:43 AM

المشاركة الأصلية كتبت بواسطة amahmed

الاستاذ axel كلام حضرتك مش سليم عما حدث يوم 28 يناير .. الطائرات النفاثة لا تقوم بهذه المهام اللي حضرتك ذكرتها في المدن
و هذه الطائرات كانت في الجو لانتظار تعليمات و تقوم بتنفيذها
لكن لاسباب ما لم يحدث ذلك و هبطت الطائرات

و الحمد لله .. لان في حالة تنفيذ هذه التعليمات كان سيكون لها اثر سلبي جدا جدا علي الارض
لكن ربنا كريم

اما ما حدث اليوم .. فأرجوا الا يخرج من نطاقه و يتحمل اكثر من قدره .. هو حادث سخيف لان الطائرات ممنوعة من كسر حاجز الصوت فوق المدن و التدريبات بتكون في عمق الصحراء
و لا يجب تفسيره علي انه محاولة ارهاب
لان عملية الارهاب عن طريق كسر حاجز الصوت بالطائرات النفاثة يكون بشكل مكثف بتكرار المرور فوق المنطقة المستهدفة و في اوقات متأخرة ليلا او مبكرة صباحا لاحداث اكبر قدر من الفزع مش في عز الظهر

يا استاذ احمد واضح ان حضرتك مدخلتش الجيش او متعرفش ابسط القواعد و ده مش عيب كلنا اكيد منعرفش حاجات كتيير
حضرتك اي قوات ارضية لازم يكون ليها غطاء جوي اولا يأمن من فوق ثانيا يستطلع و ينقل المعلومات لغرفة العمليات
ده كله اجراء روتيني
لأن مثلا اي قوات ارضية هتخرج خارج مظلة الدفاع الجوي او غطاء جوي هتبقي في خطر او مفيش معلومات توصل
ع سبيل المثال لو تفتكر ثغرة الدفراسوار السبب فيها ايه ؟؟؟ اننا طورنا الهجوم شرق القناة اكتر من 15 كيلو في العمق و احنا الدفاع الجوي ساعتها مكنش يقدر يغطي اكتر من 15 كيلو و بالتالي القوات الارضية بقت بدون غطا جوي مما ادي لحدوث ثغرة الدفراسوار و خسرنا فيها حوالي 250 دبابة من القوة الضاربة بتاعتنا ده مثال للقوات اللي بتخرج بدون غطا جوي
و حتي لما الجيش انتشر في المناطق كانت في طيارات هيلوكوبتر بتمشط المناطق و احنا واقفين لجان شعبية و بعد التمشيط نزلت المدرعات يعني اجراء روتيني

و زي ما حضرتك قولت مش معقولة زي ما الناس عمالة تقول ترهيب و الكلام الفشنك ده لازم يكون عندنا ثقة بالجيش اكتر من كده

-

الموضوع: انفجار مجهول فى القاهرة والجيزة

LinkBack

أدوات الموضوع

عرض

-

-

-

-

-

-

-

المواضيع المتشابهه

عودة اضراب سائقي ميكروباصات القاهرة والجيزة

10طرق فى القاهرة والجيزة يتوقف فيها الزمن

رجالة القاهرة والجيزة حد بيودي أكل لميدان التحرير؟

رابطة القاهرة والجيزة وحلوان و 6 اكتوبر

الكلمات الدلالية لهذا الموضوع

المفضلات

المفضلات

ضوابط المشاركة