اولا احب اشيد بالرجل الذي يقع علي كاهله صيانه اسكندريه فهو رجل بشوش معطاء وتحس وانت بتتكلم معاه انه راجل فاهم هو بيعمل ايه ودود عنده استعداد لتقبل الرأى الاخر ومتفاني في عمله لاكثر من الازم وهو م/اسامه مبروك الرجل العملاق الذى يديرالصيانه في الاسكندريه
نتكلم الان علي الصيانه اقلعت من القاهره فى ال6 صباحا وصلت عند المركز الساعه 8,5 ووصل العمال الساعه 9,5وتم عمل الjop وقابلت المهندس


اسامه بوجهه البشوش واكد عليا ان كل شىء هيتعمل علي اكمل وجه وقد كان و كان عندي مشاكل في

  1. البنزين وتم وضع السياره علي الجهاز وضبطها
  2. الزجاج الخلفي يمين كان بيعلق وتم تغير الماتور
  3. السياره كانت بتحك في اي مطب وجد ان الشكمان هو الي بيحك وتم استعداله
  4. دواسه البنزين كانت تقيله تم ظبط الواير في الجراب
  5. تم ظبط الدبرياج الصراحه من غير ما اقول
  6. تم تغير التيل والبوجيهات وفلتر الهواء والبنزين والتكيف والزيت
  7. تم تغير الزيت لموبيل 1
  8. تم في النهايه غسيل السياره بالكامل
  9. قام المهندس اسامه بتجربه السياره واطمئن عليها
تم دفع التكاليف وكانت 583 ج وسلمت عليه ورحت اصيف يومين في الاسكندريه والي اللقاءفي تقرير اخر وقبل ما انسى احب اشكر الاساتذه المحترمين وليد واسامه 22