ألف مليون مبروك على العربية وربنا يبارك ليك فيها ويكفيك شرها وعقبال ما تعمل صيانة المليون وأنت دائماً مبسوط منها .
مستنيين تقارير بصفة مستمرة عن أداء العربية بصفة عامة .. ومدى رضاءك عنها وعن التوكيل بصفة خاصة .
رقم العضوية : 3981
تاريخ التسجيل : 06Jan2008
المشاركات : 53
النوع : ذكر
الاقامة : cairo
السيارة: no
السيارة[2]: BYD F3 AT
الحالة :
السلام عليكم اولا: احب اتشرف اني بقيت واحد من ملاك العربية بي واي دي اف 3 اتوماتيك .
انا اسف اذا كنت هطول عليكما شوية بس انا هحكي الموضوع باختصار علي قد ما اقدر علشان الفائدة تعم للجميع و اتمني انوا يكون موضوع مثمر ان شاء الله و اي استفسار هجاوب عليه علي قد ما اقدر.
نبدأ بالاستلام: طبعا كان يوم جميل و الواحد متحمس جدا و عايز حد يقرصه من كتر ما هوه مش مصدق نفسه اول ما العربية جت فرحت فرحة السنين خصوصا اني كنت دايخ علي اللون الاسود.. المهم العربية في نظري الشخصي و بحيادية تامة فوق الجيدة جدا بالنسبة لتمنها
مميزات: 1- صالون فخم وواسع باللونين الاسود و البيج مع ان البيج عايز عناية خاصة علشان بيتوسخ بسرعة
2- فتحة سقف بوضعين ( علشان العربية اتوماتيك المانيوال مفيهاش حاتة الكاملة)
3- الخامات كويسة جدا جدا بالنسبة لتمن العربية
4- الكاسيت صوته بدون مبالغة تحفة جدا و جميل جدا ( 2 سماعة امامية + 2 تويتر + 2 سماعة خلفية) مع ملاحظة ان السماعات كبيرة مش صغيرة و صوتها عالي و نقي
5- سنتر لوك (كان ناقص وحدة رفع بس) + 4 ازاز كهرباء + 2 مرايا كهرباء
6- 2 اير باج + فرامل ABS و EBD + باركنج سينسور
7- فرامل قوية سواء يد او فرامل الرجل + لمبة استوب
8- شنطة واسعة جدا جدا
9- تارة مالتي فانكشن
10- باور ستيرينج
11- فوج خلفي شمال و اليمين عاكس و مفيش امامي ( العربية مجهزة لفوجات امامية)
12- مقابض نيكل خارجية و داخلية
13- فرش جلد
14- اهم حاجة بقي السحب تمام التمام بس مع التكييف بيقل شوية و الثبات تمام التمام
15- قطع الغيار سعرها كويس جدا جدا جدا
نيجي بقي للعيوب:
1- التقفيل كويس بس ممكن يكون احسن بكتير يعني بيكون في عيوب لا تذكر مسمار مش مربوط كويس .. حاجة مش متعشقة كويس حاجات كده
2- في ناس بتقول ان الشنطة لازم تترزع علشان تتقفل بس الموضوع ده مش موجود معايا
3- العربية في الملفات علي سرعة عالية عايزة تحكم شوية بس يمكن علشان انا لسه مش متعود عليها و اتمني لو حد عندوا العربية يفدني في الموضوع ده
4- دواسة البنزين تحس انها تقيلة شوية بس نسيت اعملها في صيانة ال 1000 كيلو و ان شاء الله اعملها في ال 5000 ده لو كان عيب
4- العربية لسه مكملة 1250 كيلو فمفيش لسه عيوب كتيرة ظهرت بس اول ما الاقي حاجة هبلغهلكوا ان شاء الله و ربنا ما يجيب حاجة وحشة
شكل العربية فخم جدا من جوه و من بره بالنسبة لتمن العربية و خاماتها كويسة زي ما ذكرت فوق و العفشة و الثبات كويس جدا جدا جدا جدا و ناعمة جدا علي الطريق
الترخيص: انا مش فاكر قوي بس اللي فاكره هكتبه
1- 120جنيه طفاية حريق
2- 315 جنيه ترخيص سنة (تقريبا)
3- 120 جنيه استمارة تأمين مع شركة مصر للتأمين
- بس كده بيتهيألي مفيش حاجة تاني بالنسبة للترخيص
صيانة ال 1000 كيلو بقي:
رحت عملت صيانة في مركز القطامية و الناس هناك كويسين جدا في المعاملة و يمكن انا بقعد معاهم مش في الاستراحة فوق
المهم: العربية كان فيها كام ملاحظة كده ان فرامل اليد عايزة تتشد و ان الفرامل مكنتش جامدة و ان الموتور بيتكتم اوي مع التكييف
دخلت العربية و قعدت حوالي ساعتين بالظبط طلعت و لاقيتوا مغير فلتر زيت و زيت موبيل اكس اتش بي و فرامل اليد اتشدت و الفرامل اتظبطت و العفشة اتربطت و الموتور بقي انعم و ظبطه علي الجهاز و كلفت 155 جنيه
العربية بعد الصيانة اختلفت تماما بقي في نعومة علي الطرق جميلة و العربية حسيت انها كانت مخلعة كده بس لما العفشة اتربطت بقت تحفة جدا ما شاء الله عليها في الطريق و التكييف بقي كويس و الموتور هدي بعد ما اتظبت علي الجهاز و السحب طبيعي بيقل مع التكييف لما يشتغل زيها زي اي عربية اوتوماتيك تانية لكن كسحب عربية كويس جدا جدا و الموتوي قوي و بعد 3 ار بي ام تحس انك راكب اسد عايز ياكل الطريق.
اتمني اني مكنش طولت عليكما و اتمني يكون الموضوع فيه افادة للناس كلهم و ربنا يباركلنا في عربيتنا و يكفينا شرها يا رب .. اللهم امين
رقم العضوية : 5577
تاريخ التسجيل : 12Feb2008
المشاركات : 4,439
النوع : ذكر
الاقامة : cairo
السيارة: يا رب
السيارة[2]: Fiat One twenty eight M/T
دراجة بخارية: لا يوجد
الحالة :
ألف مليون مبروك على العربية وربنا يبارك ليك فيها ويكفيك شرها وعقبال ما تعمل صيانة المليون وأنت دائماً مبسوط منها .
مستنيين تقارير بصفة مستمرة عن أداء العربية بصفة عامة .. ومدى رضاءك عنها وعن التوكيل بصفة خاصة .
Life's too Short for the Wrong Job
ziabassem سابقا
رقم العضوية : 42321
تاريخ التسجيل : 11Jun2009
المشاركات : 1,550
النوع : ذكر
الاقامة : كون الله الرحيب
السيارة: BMW e39
السيارة[2]: LANCER 1.3 M/T
دراجة بخارية: no
الحالة :
بسم الله ماشاء الله
ألف مليون مبروك عليك الجميلة BYD-f3
والحقيقة قسم BYD كله إتشرف بسيادتك وتقرير أكثر من رائع يدل علي إحترافية في تذوق الجودة
وفي انتظار المزيد من تقاريرك الجميلة
خالص مودتي
الحمد لله والشكر لله
رقم العضوية : 46839
تاريخ التسجيل : 11Sep2009
المشاركات : 1,042
النوع : ذكر
الاقامة : Cairo - Egypt
السيارة: BYD f3
السيارة[2]: بيجو & هيونداى
دراجة بخارية: لايوجد
الحالة :
مليون مبروك ... وعقبال صيانة المليون ... وتكون دايما راضى عن العربية ... ومركز الصيانة
وربنا يديك خيرها ويكفيك شرها
واهلا بيك عضو جديد لمحبى الجميلة بى واى دى ... وماتنساش تعرضلتا الصور فى المرة الجاية
رقم العضوية : 3981
تاريخ التسجيل : 06Jan2008
المشاركات : 53
النوع : ذكر
الاقامة : cairo
السيارة: no
السيارة[2]: BYD F3 AT
الحالة :
ربنا يخليكوا يا رب يا جماعة انا اللي اتشرفت بمعرفتكوا .. انا كان نفسي احضر الاجتماع اللي فات يوم الجمعة بس حصلتلي ظروف خلتني مقدرتش اجي.. بس انا عندي سؤال لملاك العربية و خصوصا الاتوماتيك.. العربية لما بشغل التكييف السحب بيقل و ده طبيعي بس بحس انوا بيقل اوي ثانيا لما اطفي التكييف بحس ان العربية كانت بتجري و مش عارفة تاخد نفسها و بحس ان العربية كلها بتترج كده او بتتهز .. فا مش عارف هل ده طبيعي و لا ايه.. اتمني الافادة يا جماعة و اسف علي الاطالة و اتشرفت بيكوا و كل سنة و انتوا طيبين ... و في حاجة كمان عايز احكي عليها في واحدة بنت حلال جابتلي باب خلفي يمين من اسبوع كده و هروح ان شاء الله اغيره السبت الجاي علي التأمين ما خلص الاجراءات
الخبطة جابت باب و رفرف و الباب هيتغير و الرفرف هيترد و يتسمكر و الجنب اليمين هيترش و هتكلف 2225 و ده يدل ان قطع الغيار رخيصة و التوكيل كويس جدا و الحمد لله
رقم العضوية : 3981
تاريخ التسجيل : 06Jan2008
المشاركات : 53
النوع : ذكر
الاقامة : cairo
السيارة: no
السيارة[2]: BYD F3 AT
الحالة :
استاذ اس في ربنا يخليك بس انا بتكسف بلاش مجاملات كبيرة عليا .. و انا اسعد بيكوا كلكوا واتمني الافادة منكوا لاني مش ضليع في العربيات و خصوصا دي اول عربية زيرو ليا مركبتش حاجة قبل كده فا مش عارف الحاجات اللي انا حكيتها دي عادية و لا لا...
رقم العضوية : 5577
تاريخ التسجيل : 12Feb2008
المشاركات : 4,439
النوع : ذكر
الاقامة : cairo
السيارة: يا رب
السيارة[2]: Fiat One twenty eight M/T
دراجة بخارية: لا يوجد
الحالة :
إن شاء الله تشرفنا وتكون متواجد في المقابلات القادمة اللي بتكون مفيدة للكل وأكيد حتستفاد الكثير منها في الأمور الفنية بالإضافة إلى معرفة ناس غاية في الاحترام (أنا بتكلم عن المجموعة كلها)
Life's too Short for the Wrong Job
ziabassem سابقا
رقم العضوية : 42321
تاريخ التسجيل : 11Jun2009
المشاركات : 1,550
النوع : ذكر
الاقامة : كون الله الرحيب
السيارة: BMW e39
السيارة[2]: LANCER 1.3 M/T
دراجة بخارية: no
الحالة :
أهلا بحضرتك لا كسوف ولا حاجة دي فعلا حقيقة لأن تقريرك من التقارير المميزة في طريقة العرض
وإحنا كإخوة لحضرتك كلنا سعدنا بيك وبنتمني إن شاء الله نتشرف بلقاءك المقابلة القادمة بإذن الله
والحقيقة كلنا بنتعلم في المنتدي الرائع ده كل يوم معلومات جديدة والأهم بنكسب ناس قمم في سواء في الأخلاق او في الخبرات
خالص تحياتي
الحمد لله والشكر لله
رقم العضوية : 42321
تاريخ التسجيل : 11Jun2009
المشاركات : 1,550
النوع : ذكر
الاقامة : كون الله الرحيب
السيارة: BMW e39
السيارة[2]: LANCER 1.3 M/T
دراجة بخارية: no
الحالة :
بخصوص المشكلة اللي حضرتك وضحتها أعتقد كده بالإضافة إلي إن المحرك محتاج ظبط فيه جزء من مكونات التكييف أعتقد إسمه السولونايد ده وظيفته تعلية المحرك درجة بسيطة عند عمل الكمبرويسور بتاع التكييف ليحافظ علي إنتظام المحرك في السلانسيه بنفس فكرة الشفاط الإلكتروني لما تدور المحرك وهو بارد
والأفضل الكشف بأحد مراكز الصيانة لتحديد المشكلة وحلها بالظبط
الحمد لله والشكر لله
رقم العضوية : 68385
تاريخ التسجيل : 19Apr2010
المشاركات : 307
النوع : ذكر
الاقامة : cairo
السيارة: BMW ان شاء الله
السيارة[2]: BYD F3 GLI 2010
دراجة بخارية: لا املك
الحالة :
اولا الف مبروك وعقبال صيانه ال100الف ثانيا المشكله بتاعتك غريبه واول مره الاحظها المفروض لما يطفي التكيف العربيه تسرع اكتر لكن عند فيه مشكله ولازم تروح الصيانه مش شرط في ال5 الاف عشان لو فيه حاجه تلحقها ومره تانيه الف مبروك
لا تنسي ذكر الله
المفضلات