uعايز انظف السربنتينه

**mr_sameh** · 14-07-2011 06:47 PM

سربنتينة ايه اللي موجوده تحت التابلوه السربنتينة موجوده في وش العربيه عند الرديتاتير واللي موجود تحت التابلوه الكولر بتاع التكييف ومروحة السرعات فقط

**mohammadrashee** · 15-07-2011 12:42 AM

المشاركة الأصلية كتبت بواسطة asemx1

موجوده ورا الحته بتاعت بكر التكيف بس لازم تفك البلاستيكات بتاعتها علشان تجيبها

هتلاقيها موجوده ان شاء الله حسب الرسومات والتجربه خليك هادى وانتا بتفك كدا علشان ما تبوظش سلوك البكر

تانى حاجه فك سلوك الاير باج مش هياثر على حاجه بس هينورلك لمبه فى الطابلوه وخلاص بخلل فى الاير باج وعند توصيلها هتنطفىء

شكرا ليك يا هندسه وهقولك عملت ايه

**mohammadrashee** · 15-07-2011 12:44 AM

المشاركة الأصلية كتبت بواسطة magedtiti

البلستك الابيض ده هوه كفر التلاجه ولازم تفكه علاشان توصلها

كلامك صح ميه ميه

**mohammadrashee** · 15-07-2011 10:17 AM

المشاركة الأصلية كتبت بواسطة mr_sameh

سربنتينة ايه اللي موجوده تحت التابلوه السربنتينة موجوده في وش العربيه عند الرديتاتير واللي موجود تحت التابلوه الكولر بتاع التكييف ومروحة السرعات فقط

هوه ده اللي احنا بندور عليه ويسمى كولر او ثلاجه او سربنتينه داخليه

**mohammadrashee** · 16-07-2011 02:54 AM

السلام عليكم اخواني
انا بعتذر لأني كنت من المفروض اكتب الرد ده امبارح بس كنت مجهد جدا فمعرفتش اكتب
المهم
انا امبارح قولت انا لازم انظف الثلاجه الداخليه وطبعا بما اني قاعد طول النهار جنب الراجل بتاع الدوكو مبعملش حاجه قولت اجرب
فكيت الكونصول والكاسيت والحته بتاعة بكر التكييف لقيت وراها فعلا البلاستبك الأبيض اللي جواه الثلاجه دورت فيه افكه ازاي لقيته عشان يتفك لازم افكه من بدايه المروحه وافك فيه حته حته ولاقيته عاشق ومعشوق
المهم خفت افكه معرفش ارجعه صح او تحصل مشكله خصوصا ان معلوماتي عن دورة التكييف ومراحلها زي معلوماتكو كلكو عن الفنكوش
رحت واخد العربية ورحت لواحد بتاع تكييف في الشارع اللي قبلي على طول وانا فاكك الطابلوه لقيت صاحب الورشه مش موجود والصبي بيقولي اديهالك هوا قولتلوا انا جاي عشان دتيها هوا مش عايز ورجعت عند بتاع الدوكو استلفت منه خرطزم الهوا ونظفت انا بس برضه مش هوه ده اللي احنا عايزينه
ياجماعه انا عايز واحد نظف تكييف ياريس قبل كده ويكون بيفهم
احلى ما في الموضوع اني استلمت العربيه انهارده والحمد لله كويسه بس بكره بقه استلم في النور الصبح مش بالليل
وشكرا لكم

**swimmer25** · 16-07-2011 04:43 AM

المشاركة الأصلية كتبت بواسطة mohammadrashee

السلام عليكم اخواني
انا بعتذر لأني كنت من المفروض اكتب الرد ده امبارح بس كنت مجهد جدا فمعرفتش اكتب
المهم
انا امبارح قولت انا لازم انظف الثلاجه الداخليه وطبعا بما اني قاعد طول النهار جنب الراجل بتاع الدوكو مبعملش حاجه قولت اجرب
فكيت الكونصول والكاسيت والحته بتاعة بكر التكييف لقيت وراها فعلا البلاستبك الأبيض اللي جواه الثلاجه دورت فيه افكه ازاي لقيته عشان يتفك لازم افكه من بدايه المروحه وافك فيه حته حته ولاقيته عاشق ومعشوق
المهم خفت افكه معرفش ارجعه صح او تحصل مشكله خصوصا ان معلوماتي عن دورة التكييف ومراحلها زي معلوماتكو كلكو عن الفنكوش
رحت واخد العربية ورحت لواحد بتاع تكييف في الشارع اللي قبلي على طول وانا فاكك الطابلوه لقيت صاحب الورشه مش موجود والصبي بيقولي اديهالك هوا قولتلوا انا جاي عشان دتيها هوا مش عايز ورجعت عند بتاع الدوكو استلفت منه خرطزم الهوا ونظفت انا بس برضه مش هوه ده اللي احنا عايزينه
ياجماعه انا عايز واحد نظف تكييف ياريس قبل كده ويكون بيفهم
احلى ما في الموضوع اني استلمت العربيه انهارده والحمد لله كويسه بس بكره بقه استلم في النور الصبح مش بالليل
وشكرا لكم

موضوع خرطوم الهواء ده انا عملته ... جبت مسدس هواء وفكيت مروحة التكييف ودخلت المسدس جوا فتح المروحة لحد ما صل لطرف الثلاجة وفضلت موجهه ناحيتها كتير
كمان دخلته في فتحات التكييف نفسها
ونظفت المروحة نزلت تراب كتير
بعد كل ده مفيش فرق خالص
انا عندي المشكلة دي بتحصل بالنهار ... الهواء اللي طالع بيبقي دافي حتي مش بارد..يعني مفيش تبريد بالنهار
لكن بالليل التكييف بيبقي شغال عادي

**asemx1** · 16-07-2011 10:50 AM

المشاركة الأصلية كتبت بواسطة ابوشريف

نفخ او تنطيف الكولر بنحتاجه فقط عندما نلاحظ قلة الهواء الخارج من فتحات التكببف

ولكن لا يزيد من نسبة تبريد الهواء

لكى تزيد من نسبة التبريد جرب نفخ السربنتينه الخارجيه

fatal mistake :D

كلام خاطىء 100%

السربنتينه الداخليه مؤثره جدا فى زياده التبريد نظرا لتككون الاوساخ عليها بيصعب عمليه انتقال الحراره وبالتالى بتقل كفائه التبريد

الداخليه والخارجيه عليها عامل كبير فى تغيير درجه الحراره وزياده كفائه التبريد وغير كدا تقليل استهلاك الوقود

**swimmer25** · 16-07-2011 12:53 PM

جربت احط مياه ببريل في فتحة التكييف الوسطي واعتقد وصلت للمبخر لانها نزلت من الفايظ
طبعا البريل مش مؤثر اوي زي منظف التكييف تفتكروا نجرب؟

الموضوع: uعايز انظف السربنتينه

LinkBack

أدوات الموضوع

عرض

-

-

-

المواضيع المتشابهه

غسيل السربنتينه مهم جدا

السربنتينه

مكان السربنتينه او الثلاجه في الميجان ؟

uعايز اشترى طنابير ميجان و تيل

ما هو انظف زيت باور ..... ولا كله زى بعضه ؟؟

الكلمات الدلالية لهذا الموضوع

المفضلات

المفضلات

ضوابط المشاركة