uعايز انظف السربنتينه

**swimmer25** · 20-07-2011 03:31 PM

فيه أي جديد؟

انت عندك المشكلة زي عندي:
انا عندي المشكلة دي بتحصل بالنهار ... الهواء اللي طالع بيبقي دافي حتي مش بارد..يعني مفيش تبريد قوي بالنهار
لكن بالليل التكييف بيبقي شغال عادي مع ان الجو بيكون حر جدا بالليل عشان انا في الامارات

هل نفس الكلام ده عندك...؟

**swimmer25** · 21-07-2011 08:48 AM

المشاركة الأصلية كتبت بواسطة mohammadrashee

المشكله عندي مش كبيره كده انا بس ساعة الظهريه 12 لحد 3 العصر بشغل التكييف على 3 مش على 1 انما بيكون كويس لما اعليه وبالليل على 1 وشوية واسقع انما دافي ديه مشكله
طالما انت في الامارات يبقى معاك 1500 مش 1300 صح
على العموم ليا واحد صاحبي كان معاه ياريس في الامارات ممكن اسألهولك عن واحد كويس

هي فعلا 1500 مع ان اغلبية الياريس هنا 1300
انا دورت كتير علي حد وكله هنا مش بيفهم حاجة خالص والاسعار نار فقلت مادام كده كده هلبس حجزت في التوكيل يوم الأحد (مع اني حتي مش مقتنع بالتوكيل هنا بس أهو أحسن الوحشين) بس لو عرفت حد كويس قبل كده قولي عليه وانا أروحله
إحمد ربنا إنك في مصر صنايعية بيفهموا ومصنعيات رخيصة

**swimmer25** · 25-07-2011 11:06 AM

بص يا باشا انا رحت لواحد فكلي التابلوه كله...كل مسمار في التابلوه وورا التابلوه بيتفك
وطلع الثلاجة وكانت زفت ونضفها وخليته يحط عليها كمان منظف كويل وده عبارة عن حمض بيتخفف وبينضف كل ريش الثلاجة
معرفتش اصور عشان النور كان ضعيف بس دول صورتين علي الماشي
الصورة دي فيها كل حاجة مفكوكة ماعدا الجزء البلاستيك الابيض اللي في النص ده
وعشان يطلع كمان بيضطر يفك حوالين عامود الدركسيون والحديدة الطويلة اللي بعرض العربية كمان

دي الثلاجة بعد التنضيف:

النتيجة إن التكييف إتحسن في النهار بس لسه مش حاسس ان البرودة جامدة أوي...يعني وسط
أنا طبعا شاكك في نوع الفريون اللي حطه
قعد يقولي فيه نوع أحسن وبجيبه من التوكيل وكلام كتير وازيد في السعر بسيط والكلام ده خلاني اقتنع
اسطوانة الفريون كان مكتوب عليها صناعة فرنساوي وتعبئة اسباني
والاسطوانة التانية اللي بيتعامل بيها مع كل الناس كان مكتوب علي الكارتونة صناعة امريكي بس الاسطوانة نفسها مش مكتوب عليها صناعة ايه....بس التانية دي الامريكي ماركتها honeywell

دلوقتي مش عارف أشحن تاني ولا لا؟ وهل اللي مكتوب عليه صناعة امريكي علي الكارتونة ده أحسن وهيفرق فعلا في التبريد ولا خلاص ده اخرها؟...وخاصة إن الياريس أعتقد إن تكييفها ضعيف والجو هنا أصلا نار

**swimmer25** · 25-07-2011 01:50 PM

المشاركة الأصلية كتبت بواسطة mohammadrashee

الله ينور عليك swimmer25 هو ده تمام اللي انا كنت عايز اعمله
بس اسمحلي فيه حاجه لازم أقولها عشان اللي هيقرا الموضوع تاني
كل اللي انت عملته صح ميهميه بس الغلطه الوحيده انك خليته يفك السربنتينه بره العربيه وبكده لازم تتشحن فريون تاني
وهنا تكمن المشكله نوع الفريون والظبطه بتاعته ممكن تخليك مش مبسوط
انا منصحش اي حد خالص يغير الفريوم الأصلي ‘لا اذا هوه اتسرب لوحده
الياريس تكييفها ممتاز ومش وحش حتى في الجو الحر اللي عندك
بالنسبه لأنواع الفريون انا معرفش عنها حاجه ممكن حد من الخبراء يفيدنا اكتر
بس ليه سؤال السربنتينه فين جوه البلاستيك الأبيض ده اللي عشان افكه لازم افك الحديده اللى بالعرض ولا مكان تاني

تعرف اني اصريت انه يطلعه عشان يقدر يغسله كويس لان الريش بتاعته كانت مسدودة خالص وهو بس كان هيحط مادة التنظيف ومش عارف يغسله بعد كده ازاي
المهم الحمد لله علي كل شئ وانا مستني أعرف الانواع عشان أقدر أقرر أشحنه تاني ولا ده أخره

بالنسبة لمكان المبخر (evaporator) ..الصورة دي هتبينلك كل حاجة:

بالنسبة بقي اذا كنت مش هتفك لمبخر من مكانه...بالتالي انت مش محتاج تفك التابلوه كله ولا الحديدة دي
هتحتاج بس تفك كل حاجة ناحية اليمين وفوق درج التابلوه وتفك العلبة البلاستيك البيضا اللي شايلة المروحة وتفك بس الجزء الأعلي من التابلوه...الفبر الأسود
وأي استفسار أنا تحت أمرك