فكترا و أخواتها ؟؟

**Consigliere** · 06-07-2011 11:14 PM

ممكن من أعضاء قسم الأوبل الكرام

*توضيح الفرق بين فكترا a و b و الفرق بين 1998-1999-2000-2001 وياريت المقارنة تتضمن وجود من عدم (زجاج الكهربا-abs-شاشة المعلومات-التكيف)

*ما هى حالة التكيف فى الفكترا من حيث وجوده من عدمه و ثمنة فى حالة انه مش موجود أو بايظ أو ضعيف ؟

اللون الأحمر للمداخلات الإدارية فقط
19ب

**tananybasha** · 06-07-2011 11:47 PM

ده انت بتتكلم فى حوار كبيرررررررررررررر قوى
فيه مواضيع مثبته فيها كل اللى عايز تعرفه

**فادى محمد** · 07-07-2011 12:41 PM

المشاركة الأصلية كتبت بواسطة m_tech

بالنسبة للموتور ال 1600 فية الكامة واحدة و دة فى فيكترا اية و بى ودة ممتاز و قطع غيارو حنينة وموجود من 1988 لحد 2003 و بيبقى مانيوال بس و فية الايكوتيك و دة تقريبا من اخر 1996لحد 2003 بردو يعنى فى فيكترا بى بس ودة قوى و عزمو كويس بس قطع غيارو صعبة شوية و نصيحة عشان تستمع بالاوبل هات موتور ال 2000 سى سى اوتو و دة قطع غيارو متوفرة بس حراق فى البنزين بس استاذ عشان تقل العربية لان الاوبل تقيلة جدا و بالنسبة لل 1600 الكامة الوحدة او النص انجكشن خليك فى الموديلات من بداية ال 2000 عشان الحالة بس و مفيش اى فرق بينها و بين الفيكترا اية الا الموديل بس بس حتى الجير بكس واحد فى الفيكترا اية اسمو اف 15 و الفيكترا بى اسمو اف 18 و هو هو حتى نفس السعر ودى سعرها حيبدا من 52000 لحد 57000 تقريبا لو نضيفة اوى وممكن تزيد او تقل حسب كويسة قد اية و فيها ميزة ان قطع غيارها متوفرة و العربية مش معقدة و مشاكلها رخمة زى المواتير الايكوتيك او 2000 الكامة الواحدة
حتلاقى الفيكترا تقيلة على الارض و فى المانيوال حتحتاج تظبط رجلك لحد متتعود على تقل العربية بس بجد حتستمتع بتقلها على الارض و قوة البودى بتاعها و حتحس بامان فعلا فيها خصوصا لو مظبوطة حتشوف العربية على الطريق انا كنت ماشى بيها فى النوة بتاعة شهر 12 و كنت عامل شلالين من حواليا و الحمد لله معطلتش منى و لا اتزحلقت و لا عومت وكنت بطرطش على اوبترا و كروز و نوبيرا وبالامانة لو غاوى تستمتع بتكاليف معقولة هات اوبل و توكل على الله و خصوصا الفيكترا لانها اقل مشاكل واكتر قطع غيار متوفرة و بالنسبة للتكييف عندك السيد زكى فى محطة الرمل جنب نقطة المسلة كويس جدا و خدمتو كويسة و بالنسبة للكهربائى عندك احسن كهربائى جربتو فى الالمانى اسمو سكر فى صلاح الدين وعلى فكرة اسعارو معقولة جدا و فية ميكانيكى معايا شغال فى اوبل بس لسة بقالو 6 اشهر فى فترة اختبار معايا و مقصرش فى حاجة و بردو اسعارو معقولة و لو نويت خد العربية التوكيل و بعد كدة ربنا ييسر و ممكن حتى تكلمنى
اسمى مهندس محمد هشام و موبايلى 0102059569

الله ينور عليك ,الايكوتك من اول موديلات سنه 2000

**Consigliere** · 07-07-2011 05:29 PM

المشاركة الأصلية كتبت بواسطة tananybasha

ده انت بتتكلم فى حوار كبيرررررررررررررر قوى
فيه مواضيع مثبته فيها كل اللى عايز تعرفه

طب ممكن اللينكات ان أمكن

**tananybasha** · 07-07-2011 05:36 PM

ده كلام جميل قوى
ربنا يكرمك

**m_tech** · 08-07-2011 03:17 AM

جزاكم الله خيرا و الله انا بس حاولت افيدو على قد ما اعرف لان فعلا العربية الاوبل تستاهل الواحد يشتريها و يصرف عليها و انتو الى حببتونا فيها اكتر و اكتر