الموضوع: مطلوب تغيير حاجة بسيطة في القسم

انا اهلاوى
وبرضه محدش يلك كتير

انا حاسس ان المنتدى ده مستر كريم عمله كده وقال يلا عشان الي معاهم موتوسيكلات يهيصوا ده مفيش اي اهتمام خالص بالقسم ومرمي اخر حاجه فوق الشكاوي عامل مثلا زي مكتب مثلا بتاع حكومة ملوش لازم ومرمي في اخر الطرقه شمال يعني على الاقل يعني المفروض يتقسم 6 اقسام رئيسيه قسم بيع وشراء قسم للريس قسم للكاستم قسم للستريت قسم للتورينج قسم للصيني عشان الناس متزعلش هههههههههه وجوا كل قسم يبقى مكتوب نوع الموتوسيكل هوندا ياماها سوزوكي دوكاتي كوازاكي الخ ولا حتى يعملوا قسم للهوندا والسوزوكي وبقيت الانواع يبقلها قسم عام وخلاص وفي كل قسم يبقى موجود قسم للصيانة يعني على الاقل يعني لو مش حيعملوا كل ده يبقى قسم للريس قسم للكاستم قسم للتورينج قسم للستريت قسم للصيني عشان ميجيش حد في وسط الهوندا ويسال على دايون وكده اما نشوف مشرف القسم ياسكرو حيعمل ايه ولو انه بعد ما بقى مشرف مشفناش منه حاجه يلا خلينا نسخنه يمكن يعملها ههههه

المشاركة الأصلية كتبت بواسطة boshy911

أولاً : إحنا مش بنتكلم في السياسه ولا حاجه ...
ثانياً : وفيها إيه لوالعميد دياب طلع زملكاوي يعني , بالعكس ده حتي يبقي باشــــــــــــــــــــــ ا أخر حاجه ,,, علي الأقل قلبه أبيض ذي الفانله البيضا
وفعلاً إحنا عايزين متحدث رسمي بإسم مالكي الكساتم ( جمع كستوم ) .
وطبعاً بما إننا في عهد بعد ما الثوره و في ظل الديموقراطيه , يبقي إختياره يكون بالإنتخاب ... و علي الموافق التفضل برفع يده ......
..................
.................
موافقه

موتنى من الضحك يا بوب

المشاركة الأصلية كتبت بواسطة tamertamer

انسى يا معلمين الريس هو فارس الموتوسكلات بجدارة واستحقاق

ماشي ماشي يا تمور
يعني هارد وأقول ايه
انا مش طالب غير المساواة والعدل
زي ما يكون الكاستم ده درجة تانية
طب بزمتك لما تشوف تجمع كاستم مانفسكش تكون في وسطيهم بكاستم ؟؟؟؟؟؟
شوفت !!! أديك فكرت

المشاركة الأصلية كتبت بواسطة yascro

اللى هيتكلم ف السياسه هعتقله محدش يفتح بقه
انصحهم يا برازيلى
هههههههههههههههههههه

يا جماعة الراجل ده شراني ممكن يعتقل اي حد ويركبه وراه الريس ويمشي بيه 250 فيما فوق وينزله وهايقوله
يا باشا خلاص حرمت والله مش هاتكلم عن الموتوسيكلات تاني ومش هافكر اركبهم , يا باشا ده انا قلبي انخلع من ضلوعي
يا باشا ده انتاا لو كنت كهربتني كان احسن وممكن استحمل لاكن تجري بيا ده موت يا راجل
وشوف بقه لو دياب رفع بيه حصان وهو علي السرعة دي
كان ممكن يقول ايه تاني ؟؟؟؟؟؟ او كان ممكن يعملها علي نفسه مش ده تعذيب برده

المشاركة الأصلية كتبت بواسطة brazili

بلاش يا اولاد كلام فى السياسة
كله الا السياسة
و ربنا يسترها عليكم من الراجل ده

ماشي طبعا حضرتك بين الجبهتين بس انا عارف قلبك ميال لمين أكتر

المشاركة الأصلية كتبت بواسطة boshy911

أولاً : إحنا مش بنتكلم في السياسه ولا حاجه ...
ثانياً : وفيها إيه لوالعميد دياب طلع زملكاوي يعني , بالعكس ده حتي يبقي باشــــــــــــــــــــــ ا أخر حاجه ,,, علي الأقل قلبه أبيض ذي الفانله البيضا
وفعلاً إحنا عايزين متحدث رسمي بإسم مالكي الكساتم ( جمع كستوم ) .
وطبعاً بما إننا في عهد بعد ما الثوره و في ظل الديموقراطيه , يبقي إختياره يكون بالإنتخاب ... و علي الموافق التفضل برفع يده ......
..................
.................
موافقه

هو حضرتك بوشي سرور ولا ايه ؟
بس جامدة والله يا بوشي طالعة منك زي العسل
طبعا احنا اخوات فاهمني طبعا ولا علشان دياب بلدياتك ؟؟؟

المشاركة الأصلية كتبت بواسطة yascro

انا اهلاوى
وبرضه محدش يلك كتير

خلاص انا هاتنازل عن الدعوة طالما الدوري السنة دي للأهلي والعميد بتاعنا طلع اهلاوي

المشاركة الأصلية كتبت بواسطة gmc

انا حاسس ان المنتدى ده مستر كريم عمله كده وقال يلا عشان الي معاهم موتوسيكلات يهيصوا ده مفيش اي اهتمام خالص بالقسم ومرمي اخر حاجه فوق الشكاوي عامل مثلا زي مكتب مثلا بتاع حكومة ملوش لازم ومرمي في اخر الطرقه شمال يعني على الاقل يعني المفروض يتقسم 6 اقسام رئيسيه قسم بيع وشراء قسم للريس قسم للكاستم قسم للستريت قسم للتورينج قسم للصيني عشان الناس متزعلش هههههههههه وجوا كل قسم يبقى مكتوب نوع الموتوسيكل هوندا ياماها سوزوكي دوكاتي كوازاكي الخ ولا حتى يعملوا قسم للهوندا والسوزوكي وبقيت الانواع يبقلها قسم عام وخلاص وفي كل قسم يبقى موجود قسم للصيانة يعني على الاقل يعني لو مش حيعملوا كل ده يبقى قسم للريس قسم للكاستم قسم للتورينج قسم للستريت قسم للصيني عشان ميجيش حد في وسط الهوندا ويسال على دايون وكده اما نشوف مشرف القسم ياسكرو حيعمل ايه ولو انه بعد ما بقى مشرف مشفناش منه حاجه يلا خلينا نسخنه يمكن يعملها ههههه

لأ يا باشا مش زي ما حضرتك بتقول خلاص
الكلام ده كان مثار في وقت قريب وتفهمنا جميعا وجوده في المنطقة دي بالذات والقسم كام مقتصر بس بالنسبة للمشاركات وانتا حتي تدخل القسم كان علي الاعضاء فقط
وتم حل المشكلة وكان الاخ برازيلي هو اللي أثار الموضوع ده والفضل لربنا ثم ليه وطبعا بتدخل من العميد (دياب) علي زيادة عدد الاعضاء
وبصراحة تحس ان القسم ده مختلف خالص عن اي قسم في المنتدي
وعن باقي المنتديات عموما بدون ذكر اسامي
وحلوة انك تسخن دياب دي
بس اعتقد الراجل ده قلبه هادي و مش بيسخن بسرعة ولو سخن مش هانشوفه !!!!!
هايطيرررررررررررررر

المشاركة الأصلية كتبت بواسطة alfath8

أنا مصر كاستم بردو وانا هاستحمل التعذيب فى سبيل تحقيق الأهداف يلا ربنا يستر بقى

يا ويلك من دياب
انتا اللي جبته لنفسك
استحمل بقي يا حلو