الموضوع: مطلوب تغيير حاجة بسيطة في القسم

المشاركة الأصلية كتبت بواسطة GMC

انا حاسس ان المنتدى ده مستر كريم عمله كده وقال يلا عشان الي معاهم موتوسيكلات يهيصوا ده مفيش اي اهتمام خالص بالقسم ومرمي اخر حاجه فوق الشكاوي عامل مثلا زي مكتب مثلا بتاع حكومة ملوش لازم ومرمي في اخر الطرقه شمال يعني على الاقل يعني المفروض يتقسم 6 اقسام رئيسيه قسم بيع وشراء قسم للريس قسم للكاستم قسم للستريت قسم للتورينج قسم للصيني عشان الناس متزعلش هههههههههه وجوا كل قسم يبقى مكتوب نوع الموتوسيكل هوندا ياماها سوزوكي دوكاتي كوازاكي الخ ولا حتى يعملوا قسم للهوندا والسوزوكي وبقيت الانواع يبقلها قسم عام وخلاص وفي كل قسم يبقى موجود قسم للصيانة يعني على الاقل يعني لو مش حيعملوا كل ده يبقى قسم للريس قسم للكاستم قسم للتورينج قسم للستريت قسم للصيني عشان ميجيش حد في وسط الهوندا ويسال على دايون وكده اما نشوف مشرف القسم ياسكرو حيعمل ايه ولو انه بعد ما بقى مشرف مشفناش منه حاجه يلا خلينا نسخنه يمكن يعملها ههههه

كلامك حلو جدا ودماغك شغاله بس
فيه حاجه مهمه مخدتش بالك منها..
لو فكرتك اتنفذت والقسم بقه عدة أقسام
كوازاكى وسوزوكى وياماها وهوندا ودوكاتى الى اخره
فى رأيك كام واحد هيبقى فى كل قسم؟؟
ده مش بعيد تلاقى واحد بس فى قسم الكوازاكى مثلا
وعمال يكلم نفسه ليل ونهار وممكن متلاقيش حد اصلا
فى بعض الاقسام...
لو حضرتك متابع معانا من فتره هتلاقى اننا اصلا
بنتعد على الصوابع تقوم تيجى عايز تقسمنا كمان؟؟
احنا بنقول يارب متحصلش فتنه بين الريس والكاستم
عشان منتفرقش وانتا عارف احنا مش ناقصين
انقسامات كفايه اللى بيحصلنا من وراها