الموضوع: يعنى ايه تخبيط فى علبة الدريكسيون

المشاركة الأصلية كتبت بواسطة ahmedfra

الأخوة الأعزاء السلام عليكم
العربية افيو 2010 . الدريكسون دايما بحس انه خفيف قوى و كأنه سايب فى ايدى . و دا بيدى احساس ان العربية عايمة . و انا شاكك فى علبة الدريكسيون . بس واحد بتاع عفشة قال لى العلبة لو بايظة تخبط معاك . قلت له لأ ما فيش تخبيط . لكن بعد ما مشيت من عنده افتكرت فعلا ان بعد الـ 100 بحس بدقدقة خفيفة فى الدريكسون فهل ده هو التخبيط ؟
يا ترى حد يعرف يعنى ايه تخبيط فى علبة الدريكسيون . و يا ترى التخبيط ده معناه ان العلبة بايظة فعلا ؟ و ده بيتحس فى الدريكسيون و لا بيتسمع ؟ و هل بيسبب عومان العربية و تحس ان الدريكسون سايب فى ايدك ؟
اسف للإطالة .

وايه اللي يبوظ علبة الدركسيون والعربية لسه موديل 2010
مش غريبة شوية

جرب تشوف العفشه متربطه ولا لا وشوف الزوايا والاتزان بتاعة العجل انما لو العربيه ناعمه وعايمه ده معناه ان الباور شغال بكفائة 200%
العلبه لو بايظه فالاول هتلاقي تهريب للزيت صوت زنه مثلا وانته بتلف الطاره لو لو بايظه خالص الدريكسيون هيبقى تقيل اوي
متلعبش في حاجه وهي سليمه الميكانيكيه بيحبو يجربو لانهم لا بيدو ضمان ولا غيرو وبيتعلمو فينا
لو الحاجه اتفكت مش هترجع زي الاول
هيطلع في الاخر سبب بسيط جدا

روح لمتخصص هيونداى
والافضل الوكيل

هو لما الدركسيون كان عايم معايه
كان بسبب ان السير كان بيتنسل وكانت حالتو وحشه اوي فكانت لفاتو مش مظبوطه
ولما غيرتو اتظبطت شوف حالة السير بتاع الباور

لو بتحس بوجود رجرجه فى الدركسيون بعد ال ١٠٠ يبقى الكاوتش بتاعك محتاج ترصيص وملهاش دعوه بالعفشه لاكن لو مش على السرعات بتحس بالرجرجه دى تبقى العفشه فيها حاجات عايزه تتربط سواء فى الميزان او علبه الدركسيون والكلام ده عن تجربه عربيتا بيجو ٤٠٦

الحكايه ده كانت حصلت معايا و فعلا كنت رايح للعفشجى و انا رايحله قولت اضبط هواء للعجل و اروح مشوارى
الراجل ضبط هوا العجل بالكمبيوتر و لسه جاى امشى لقيتها ضبطت معايا اوى زى الاول

فممكن حاجه زى ده تكون بس ضبط هواء و ترصيص
فى مشاكل كبيره اوى و حلها بيبقا بسيط اوى ابسط من ان صنايعى يفكر فيه