ممكن حد يقولى ابتدى ب اية فى تظبيط العربية دى

**omiga** · 08-07-2011 02:33 AM

هيا fiat regata 1985 بس من جوة نص نص و من برة نص نص برضوا فانا اولت اصرف عليها شوية بس اظبطها و تبقى جامدة يعنى انا عندى 18 سنة فممكن حد يدينى نصيحة...............
وكمان هى لونها احمر و انا من المعادى و هى مليانة خبطات بس معدولة و متلونة فكنت عايز اغير لون الغربية كلها فكنت عايز اعرف هتتكلف كام و لو حد يعرف حد كويس و اة اللون الى هيبقى شكلو حلو عليها و هيبقى عادى انى اغير لونها ولا فى اجراءات لازم اعملها الاول............شكرا

**إبراهيم المصرى** · 08-07-2011 10:12 PM

نصيحه متغيرش لون العربيه علشان تغير اللون هيعبها اوى ومش هتعرف تبيعها بعد كده وعلشان تخرج منها هتخسر كتير جدا وعلشان تظبط العربيه اهم حاجه ابداء بالميكانيكا ثم العفشه والكوتش والفرامل ثم الكهرباء (المارش والدينامو والفوانيس) واكشف على البطاريه القصد انك تروح بيها اى مشوار الصبح او بالليل متقصرش معاك وده المهم وبعد كده ادخل فى السمكره والدكو ونصيحه متفتحش فى العربيه كلها مره واحده اعمل الاهم ثم المهم على مراحل وفى الاخر خالص الفرش علشان ميتوسخش خليه اخر حاجه

**omiga** · 09-07-2011 12:28 AM

الف شكر يا باشا على المعلومات الحلوة دى بس مش عارف ارش الاكسصدامين باللون الاحمر زيهم ولا شكلهم هيبقى وحش؟

**KemozTanta** · 10-07-2011 09:35 AM

بص عشان تريح نفسك ودماغك متروحش وتيجي كتير وتتعب .. شوف العربية اصلها اية و سيبة زي ماهو يعني لونها احمر اوعي تغير لونها هتجيبها الارض انت كدا ومش هتعرف توصل لنفس طبقة الفبريكة لو وديتها التوكيل نفسة + الاكصدامات خليها زي ماهي لان دا اصلها وشكلها حلو الاسود لانها اسود كلها مع عتب الباب و شكلها كدا كويس اوي
وبعدين انت ممكن ببساطة تظبط العربية من برة بوية جديدة و ميه ميه وهوب تنزل تلاقي واحد ابن حلال خابطها لاقدر الله فانت شوف اعرفها قاعدة العربية النضيفة اوي بتتبهدل اوي لو مش من المطبات اللي مالية الشوارع و الارصفة اللي طولها متر وتحضن عليها.. فامتركزش في الشكل اوي و كل اللي انت عايزة منها انها تسد معاك في مشاويرك زي مانت عايز ومتقصرش معاك + انك تتعلم يعني ايه عربية و تصليحها والمحافظة عليها.. وعالفكرة عمرك ماهتعرف تحافظ علي اي عربية زي مانت عايز لاسباب كتيرة انت هتعرفها مع الايام وفي سواقتك وسط الناس والميكروباصات .. الخ

عايز تصرف بقي وفلوسك متروحش هدر شوف الاول ميكانيكا العربية و الكهربا و العفشة و البطارية و بعدين ظبط نظام صوت كويس سماعات + كاسيت.. ولو في باقي فلوس ممكن تظبط فرش كويس جوا وتمام كدا

**إبراهيم المصرى** · 10-07-2011 02:40 PM

المشاركة الأصلية كتبت بواسطة omiga

الف شكر يا باشا على المعلومات الحلوة دى بس مش عارف ارش الاكسصدامين باللون الاحمر زيهم ولا شكلهم هيبقى وحش؟

اى خدمة يا زعيم انت تأمر يا رب اكون افادتك

**إبراهيم المصرى** · 11-07-2011 12:49 AM

وبالنسبة للاكسدامات زى مقال الاستاذ رميو خليهم على لونهم اسود احسن بلا ترشوهم لون العربيه لانها لما نزلت فبريكا نزلوا اسود بلون الفبر الطبيعى فبلاش تغير من اصل العربيه وعموما دى ازواق لو شفت حد عاملهم وكويسين وعاجبينك يبقى ماشى الكلام