الخبطة دى تترد على البارد ولا لأ؟؟

**remomemo** · 28-06-2011 06:56 PM

السلاكم عليكم
كنت عايزة اعرف خبطة الرفرف دى تترد على البارد ولا تاخد شغل اكرت من كده
عشان مش عايزة اتخم وانا عند السمكرى
شكرا

**remomemo** · 28-06-2011 07:38 PM

المشاركة الأصلية كتبت بواسطة nicegypt

الخبطة بسيطة الحمد لله .. محتاجة سمكري نضيف علشان يعملها .. هي فيها تعريجات لو سمكري بيفهم ومحترم ممكن يعرف يردها ع البارد
اما لو السمكري مش قوي وفية تعريجات كتيرة مضطر يعملها باللمبة .. وهنا هتحتاج رش ومعجون

بس فية حاجة حضرتك ممكن تجربيها وهى :
اللون الابيض دة ممكن يطلع بكل سهولة عن طريق استخدام ثـنر او جاز او شوية بنزين وبفوطة نضيفة يتم بلها بالبنزين مثلا وتنظيف الرفرف
هتلاقى اغلب اللون الابيض اختفي واصبح الرفرف بلونة الاصلي .. لان دة لون الفبريكة ودي ميزة .. لكن هيبقى فية تعريجات الخبطة هتبقى
واضحة .. لكن اللون هيرجع معظمة زى مكان ..

بالنسبة للتكلفة الله اعلم هي مختلفة بشكل كبير حسب كل سمكري .. بس من وجهة نظري كبيرها معايا 100 ج وكدة ابقى كارمة كمان
والف سلامة على حضرتك وسلامة السيارة :) .. لو امكن نعرف اية اللى حصل . والف سلامة

الف شكر على رد حضرتك الكريم

**إبراهيم المصرى** · 08-07-2011 11:04 PM

ممكن تيجى على البارد بنسبة 90 % وهيبقى وجهة نظرى احسن من السخن اللى لو الصنايعى ممتاز وعملها كويس مش هتيجى برضه المرمه اكترمن 95% ولو حد دقق هتبان برضه اكيد البارد والفابريقه افضل

**rahmanboud** · 11-07-2011 04:05 PM

مهما كانت دقة الصنايعى وحرفيته لازم تبان لو عملها على البارد

إن كانت مش فارقه معاكى أوى إنها تبان بنسبه بسيطة يبقى على البارد أفضل

وإن كنتى زى حالاتى أى خربوش فى العربيه بيضايقنى يبقى تعمليها باللمبه ويتسرق جزء من الرفرف بالدهان

وعموما قدر الله وما شاء فعل