الموضوع: ياناس حرام

المشاركة الأصلية كتبت بواسطة lonedoctor

يبدو انه الاخ ماجد استمع لنصيحتى وباع العربية الصينى التعبانة واشترى حاجة يابانى محترمة وقرر الانسحاب من المنتدى ولذلك فهو لن يخبر احد برقم الشاسيه والموتور
تقبلوا تحياتى والى اللقاء فى تمثيلية اخرى

تن ترالالا لن تمتم

يا جماعة لو سمحتم وبعد أذنكم نكتفي بهذا القدر من الردود لأن الكلام الكتير مالوش لازمة وحيدخلنا في القيل والقال وجدال مالوش أي ستين لازمة .

ولو فيه نية عند صاحب الموضوع لحل مشكلته بدلاً من الصراخ والتنديد بالوكيل وبالعربية .. ولو وقته الثمين يسمح يتفضل ويجي المقابلة الجاية .. أو أضعف الإيمان زي ما قال أيمن يعرض المشكلة على استاذ/ عماد وهو جدير بحلها مع التوكيل .. وأيه كان لازمة المنتديات إلا للتعرف على أشخاص يقدر يساعدهم ويساعدوه في مثل هذه المواقف .

المشاركة الأصلية كتبت بواسطة yassin_samir

تسمحولى اتكلم معاكوا انا صحيح معنديش العربية
بس لو امكن فى حجات عايز اقولها اولا الواحد بيبقى محروق جدا عاى عربية و خصوصا لو لسة شاريها جديدة و بعد كدة يدخل المنتدى و يلاقى كل المواضيع شكر و ثناء على العربية يبقى شئ مش طبيعى دة شئ اكيد لا جدال علية و اللى يفرس بجد تبقى انت معاك العربية و هتتجنن و تعرف الحل لمشكلة ما و تلاقى حد بيقول لا دى اوهام انت متهيالك هى كدة مظبوطة ممكن الواحد يقول و يعمل كتير
الرجاء انى الاقى حد بيتكلم بموضوعية شوية عن اى شى و يفتكر ديما ان فى ربنا فوق بيراقب اعمالة مش علشان الشغل يبيع نفسة او اى شئ
انا طبعا مليش دعوة ان العربية حلوة و بدون عيوب و جميلة و رخيصةو كلة تمام او الرائ الاخر انها زبالة و حرام فيها الفلوش و بصراحة كدة مقدرش احكم عليها الالما اجربها مدة و مش مدة ة و خلاص لا مدة كبيرة كمان علشان لما اقول لحد اشترى و يشترى ما شيلش انا زنبة يار يت نبقى و اضحين و على الحياد و الصدق دائما و ابدا و السلام عليكم و رحمة الله و بركاتة
عذرا على اللغة الرقيقة فى الكتابة ما انا متعشم انى مش غريب بقة

أستاذ/ ياسين . تسمحلي أني أتكلم معاك شوية .. بصفتي برضه ممعاييش العربية ولكني من المعجبين بيها وربنا يكرمني إن شاء الله وأجيبها عن قريب .

أنا كنت زي حضرتك كدة أول مرة دخلت القسم هنا لاقيت ناس عمالة تشكر في ناس (بعيداً عن التوكيل) ومدح لأخلاق فلان وصفات علان ... إلخ .. وكنت بقول بيني وبين نفسي أيه الناس الغريبة دي اللي فاتحينها حفلة شكر زي ما بتقول وغيرك بيقول .. المهم من تكرار دخولي في المنتدى وجدت أن معظم الأعضاء تقريباً يتمتعون بدرجة عالية من الثقافة والعلم سواء في مجال السيارات أو المجالات العامة وأصحاب أخلاق رفيعة يصعب أن تقابلها في الزمن الحالي .. ده من جانب لغة الخطاب بين الأعضاء .

أما من جانب أن البعض لا يجد حل لمشكلته والناس تستهزأ بيه وتنكر وجود المشكلة .. عاوز أوضح لحضرتك أن الكلام ده عاري تماماً من الصحة لأنه هناك العديد من الموضوعات التي تتناول مشاكل العربية (حتلاقيها لو استعرضت المواضيع من أولها .. وطبعاً ضاعت العديد من المواضيع في فترة من الفترات لوقوع سيرفر المنتدى) .. ولكن أيضاً من تكرار دخولي (ومكنتش بشارك خالص في القسم هنا) وجدت أن فيه بعض الأعضاء بيتعمدوا تشويه السيارة والوكيل بأي شكل .. طب يا عم يلي عمال تشتم في العربية والتوكيل قول لينا رقم الشاسيه والموتور واتفق على ميعاد لتصليح العربية وسوف تلقى كل رعاية واهتمام (الكلام على لسان أعضاء من التوكيل يقوموا بخدمة الأعضاء) متلاقيش أي رد خالص .. أو الردود بتكون من نوعية المزيد من الشتائم .. بالله عليك ماذا يكون رد فعلك تجاه هذه الأفعال من بعض الأعضاء ؟!

اللي زاد وغطى بقى أنك تحس أنهم بقوا مش راضيين أن الناس مبسوطة من عربياتهم .. وأنهم يتفاعلوا مع بعض في ظل الاحترام المتبادل .. أكنهم عاوزين حريقة وحرب تقوم بأي شكل من الأشكال في القسم .

ملحوظة ليك أنت شخصياً مش لحد تاني .. أقسم بالله العظيم (وأنا في حِل عن الحلفان) أني لست تابع للتوكيل ولا موالي ليهم وستجد الكثير من المشاركات ليا سواء هنا في المنتدى أو في منتديات أخرى بتنتقد أداء التوكيل في بعض النقاط من تعاملهم مع ملاكها .. ومش أنا بس بل والكثير من الأعضاء وكذلك انتقاد للسيارة ومشاكلها وطرق حلها .. بس للي يدور واللي عاوز يعرف

المشاركة الأصلية كتبت بواسطة yassin_samir

اولا دة شرف ليا ان حضرتك رديت عليا
ثانيا انا برضة مش بكرة العربية دة و شكلها عاجبنى اول ما نزلت بس بحكم خبرتى المتواضعه
لقيتها من ورا تشبة السيتى تبيكال .. مش كدة وبس ومن جوة شبه الكرولا بالمللي .. وأعتقد أن ده لا يعيبها في شييء
مش دة الموضوع المهم انى انا و انت لو قاعدنا مع ناس من مختلف الطبقات التعليم مستحيل نجمع على شئ ان حلو و العكس تماما و دة الطبيعى فى اى نقاش على اى منتج لازم هتلاقى و احد مش مستريح دة لازم لازم و كلامى اكيد منطقى بنسبة مية فى المية و النهاية احب اشكر حضرتك

يا باشا الشرف ليا أنا مش ليك (أدينا دخلنا في وصلة مدح وشكرانية أهو .. ممكن تضايق بعض الناس) هههههههههههههه

حكاية حب أو كره عربية بعينها ده شيء مفروغ منه ومش محتاج مناقشة .. ولولا اختلاف الأذواق لبارات السلع .. إنما تنعكس الكراهية لسيارة معينة على ملاكها كأشخاص .. ده شيء ولا بد من وقفة معاه والتصدي له .

البي واي دي بصفة خاصة زيها زي أي سيارة لها مميزاتها وعيوبها .. ومحدش بيقول انها بي أم أو مرسيدس .. إنما فعلاً أعلى قيمة بتاخدها مقابل سعرها .. وأكيد فيها عيوب ولكنها ليست جوهرية .. والحكم على أي سيارة في العالم بيكون نسبي ويختلف من فرد لأخر .. يعني لو واحد واخد أنه يركب مرسيدس أو أي سيارة مش حقولك ياباني ، بل كوري من الفئات العالية ، لو ركب البي واي دي مش حتعجبه على الإطلاق .. وممكن يبدي رأيه في السيارة بدون تجريح سواء فيها أو لأصحابها .. بمعنى أنه من أبسط قواعد الذوق مينفعش أقول على سيارة حضرتك أنها زبالة وإلا أكون بعيب في ذاتك بشكل غير مباشر .

سعدت بالحوار معك .. وتقبل تحياتي .