الموضوع: ياناس حرام

أولاً .. تصحيح للأسم .. انا أسمي باسم .. وليس زياد باسم

ثانياً .. أنا فعلاً معنديش السيارة .. بس معجب بيها يا أخي الفاضل .. وشايفها مناسبة ليا وأتمنى شرائها في القريب إن شاء الله .

ثالثاً .. وده الأهم في مشاركتي دي .. يا ريت (وأتمنى) من سيادتك مترميش الناس بالباطل وتدّعي أني عميل لتوكيل الأمل .. لأني فعلاً مش كدة .. ولو تعرفني على المستوى الشخصي أنا متأكد أنك حتندم على هذا الإدعاء .. ثم أني مبتكلمش وأفتي في حاجة إلا لو على دراية بها تماماً من واقع خبرتي المحدودة مع السيارات سواء بي واي دي أو غيرها .

رابعاً .. لو المشكلة دي زي ما بتقول موجودة عندك وبتشتكي منها معتقدتش أنها قابلت أعضاء هنا .. ممكن تكون قابلتك أنت بس أو قابلت ناس بره المنتدى وده شيء وارد جداً .. وأنصحك عليك وعلى التوكيل وأعمل ما بدا لك معاهم لحل المشكلة (وده حقك الطبيعي) .. لو ملقتش استجابة أو حسيت أنك مش راضي .. أنصحك تاني باللجوء لجهاز حماية المستهلك لحل المشكلة أو أي طريقة أخرى أنت شايفها مناسبة لحل المشكلة .

خامساً .. وده مهم برضه .. الناس اللي بتدعي ناس وكأنهم في فرح (على حد قولك) أعتقد أن ده ده شيء ميخصكش في حاجة .. ولو يخصك يا سيدي الفاضل يا ريت حضرتك تشرفنا في المقابلة والناس الخبيرة تشوف المشكلة على الطبيعة وتحكم إذا كانت مشكلة أم لا ومدى خطورتها .. ولو فعلاً فيه مشكلة أكيد حيساعدوك بشتى الطرق للضغط على التوكيل من خلال المسئولين هنا في المنتدى لحل المشكلة .. وأتمنى أني أشوفك في المقابلة القادمة وإن كنت أشك في ذلك .

سادساً .. لو أنت شايف أن القسم أو المنتدى بصفة عامة مش مفيد ليك في أي حاجة .. أحب أقولك أنه مفيش حاجة جبراك على الدخول فيه لرؤية ما لا تحب أن تراه من شخصيات مثلي وغيري ... وكذلك مفيش داعي للتجريح في الناس ورميهم بالباطل .

أسف لأني حسيت أني طولت عليك في الكلام (قول لا براحتك طول زي ما تحب) وممكن تنام مني وأنت بتقراه .. بس زي ما تقول كدة كلمتين وكانوا محشورين في زوري وكحتهم .

المشاركة الأصلية كتبت بواسطة emad habib

السيد/ ماجد 122

نرجوا من سيادتك كل بيانات عن السياره وتاريخ الاستلام ورقم الشاسيه والموتور وبيانات الاتصال بك والعطل تفصيليا وهل السياره ملاكى او السياره اجره على الخاص او العام او على رقم الفاكس 22678676

مش عارف افتكرت أغنية عبد الحليم بتاعة حاول تفتكرني .. بس بالنسبة ليك حغنيهالك (أبقى قابلني .. حاول حاول)