الموضوع: اللى يعرف فى كهرباء المنازل يدخل

استأذنكم في توضيح بسيط
العداد العادي واحد فاز بيكون داخل عليه سلكين ارضي وكهرباء اما العداد 3 فاز بيكون داخل عليه اربعة اسلاك 3 كهرباء وواحد ارضي وبالطبع بيكون خارج منه اربعة اللي داخلين علي الشقة علشان كده بيبقي مجموع الداخل والخارج 8 اسلاك
وعند توزيع الاحمال بيكون السلك الارضي مشترك للجميع وبيكون التوزيع علي الثلاثة اسلاك الكهرباء الاخري -- معلومة اخري رغم ان الثلاثة اسلاك الاخري جميعهم كهرباء الا انهم متنافرين بشده بمعني ان في حالة لمس اي سلك منهم للسلك الاخر بيصدر عنه فرقعة شديد نظرا لوجود فرق جهد عالي بينهم دائما وفي حالة توصيل اي جهاز خطأ علي سلكين كهرباء بتكون النتيجة احتراق الجهاز في الحال
توضيح اخر العداد 3 فاز المنزلي متوافر عادي بشركة الكهرباء للشقق وقمت بتركيبه بشقتي من حوالي سنة -- ولكن موظفي الشركة كانوا بيغلسوا لعدم تركيبه لانه المطلوب منهم عمل توصيلات مختلفة لتجهيز العداد ولولا اني ابلغت الموظف ان جميع التوصيلات جاهزة عليالتركيب وحضر فعلا للمعاينة وجد ان جميع الاسلاك جاهزة كان صمم علي عدم تركيبه
تحياتي للجميع