:satelite: فعلا هو كده :ma:
فى مركز صيانة كان فاتح فى الغردقة وقفل وكل شوية يقولوا هنفتح مركز صيانة جديد وبقالهم سنة محدش معبرنا ومفيش مركز صيانة فى البحر الاحمر كلة برغم ان مبيعات النيسان كانت فى نمو متزايد هنا واعتقد هتتراجع بسبب الموضوع دة.
كل عام وأنتم بخير،، موضوع جميل جدا ، اقترح الموظف اللى بيتصل بعد الصيانة اذا كان فيه سلبيات واذا كان حلها يتصل تانى بالعميل يقوله وصل لأيه .. حتى عشان العميل يحس انه مش هيتكرر الموضوع معاه تانى.
وضع لوحة داخل المركز يضعوا فيها اخر المستجدات والعروض.
الأهتمام بنوعية الأكسسوارات والكماليات يعنى حاجة تعيش مش عشان مسكينا من الأيد اللى بتوجعنا عشان احنا فى فترة الضمان ومينفعش نركب حاجة برة.
شكرا
الموضوع ده .. حيتسلم بعد العيد لمراكز الخدمة .. وحبعته للمصنع
برجاء .. الاهتمام بالموضوع من الاعضاء .. والمشاركة من اجل تطوير خدمة الصيانات لدى المراكز من خلال مناقشاتنا فى السلبيات اللى تواجهنا من خلال تعاملنا مع المراكز .. من اجل تحسين السلبيات وتحويلها الى ايجابيات فى ا لمستقبل ترضي كل عملاء نيسان
تحياتى
منسق القسم
ما شاء الله يا بشمهندس احمد
بجد انت من اكتر الناس الي موضوعاتها قيمه وغايه في الروعه
ويمكن الي اتمناه بقي
1.يكون في كل مراكز الخدمه والصيانه من حق العميل يشوف عربيته ويتابعها وهي بيتعملها صيانه
2.يشوف كرتونه او علبه اورقه تدل علي ان القطعه الي اتركبت في العربيه اصليه وغير مستعمله من قبل زي مثلا تيل الفرامل بيتركب في العربيه عندي وعمري ما بشوف العلبه بتاعته ولما اطلب كده يقولي احنا غيرناه خلاص يافندم المهم ياريت يكون في اي اثبات ان اي قطعه بتتركب في الصيانه تكون جديده
3.يتم غسيل العربيات وبالذات في ابو رواش لان العربيه لما بتطلع وتيجي تتغسل يقولك معلشي سوري المايه قطعت وفجاه بقدره قادر المايه بتيجي لما عميل تاني يدخلها غسيل كامل الي هو ماتور وفرش ويقولهم اغسلوهالي من برا كمان ففجاه المايه تيجي علشان تتغسل من برا
4.يتم احترام العميل ويكون في صدق في الكلام في معاد تسليم العربيه ( مش كل شويه العميل يقوم ويدور علي امر الشغل علشان يخلص ويمشي ويقعد يجري من هنا لهنا يا كده يا هيفضل قاعدله بتاع كمان ساعتين )
وبالتوفيق ديما يا بشمهندس
تحسين خدمة ظبط الزوايا في التوكيل عامة
فعلا الموضوع ده مهم جدا
بس اللى عرفته ان المشكلة فى اللى بيظبط الزوايا .. لازم واحد يكون فاهم
لان لما سالت فى احد مراكز الخدمة .. قالولى ان المشكلة كانت فى الفنى اللى بيظبط العربيات على الجهاز .. وغيرناه
وربنا يسهل باذن الله .. حبقا اروح واجرب بعد العيد
فى حد عنده اقتراحات تانى لتحسين الاداء فى كل مراكز خدمة نيسان على مستوى الجمهورية يا جماعة
لان اقتراحاتكم دى حوصلها بنفسى للمسئولين عن مراكز خدمة نيسان
كل سنه وانتم طيبيبن العيد على الابواب
انا باشكر االاستاذ احمد مصطفى لانه دايما يفاجئنا بكل جديد ومفيد
مشكله النيسان المصنعه محليا فى مجموعه نقاط
اولا مشاكل فى التصنيع و التجميع
=====================
1- مشكله استخدام مكونات ليست على المستوى المطلوب
( ضفيره كهرباء - بطاريه - قرش داخلى - جلود وكاوتش الزجاج - مفاتيح التكييف - الريموت )
2- مشكله فى مراقبه الجوده
( العربيه بتطلع الكراسى بتزيق - النور يحتاج ضبط - الدبرياش يحتاج ضبط - رجلاش علبه الدركسيون يحتاج ضبط - معدل استهلاد الوقود بيكون عالى )
3-عدم حل المشاكل المتكرره السابق ذكرها والتى حدثت فى نسبه كبيره من العربيات ( العربيه تنتج من 6 سنوات وتم بيع حوالى 60 الف عربيه )
ثانيا مشكله فى الموزعين المعتمدين
======================
1- عدم عمل اختبار ما قبل التسليم pdi والتاكد من ان كل عربيه لا يوجد بها ادنى مشكله فبل تسليمها للعميل
( سلم العربيه للعمبل وخليه يكتشف المشاكل على راحته والتوكيل يبقى يحلها فى صيانه الالف )
2- عدم وجود اتفاق بين المصنع والموزعين ان العربيه لازم يتعمل عليها اختبار ما قبل التسليم pdi والا لن يتم بيعها
( ساعتها المصنع حيضطر يكثف مراقبه الجوده وتلافى كل العيوب قبل اخراج السياره من عنده )
ثالثا مشاكل الصيانه
============
1- عدم وجود خبراء بالمعنى الحقيقى فى اى مركز من مراكز الصيانه
( الخبير هو الشخص الذى عندما تعرض عليه اى مشكله مهما كانت يقدر يشخصها من اول زياره للعميل وتحديد العيب والحل بدون الدخول فى مراحل عديده للتجارب
مثال عندى شخصيا - مشكله تاخر التدوير صباحا
- تغيير البوجيهات - فى صيانه الالف - المشكله ما اتحلتش
- نغيير الضفيره -فى صيانه 10 الاف - المشكله ما اتحلتش
- العيب فى البطاريه - فى صيانه 20 الف - تم تغييرها - برضه ما اتحلتش المشكله
- العيب يمكن يكون فى حساسات الكرنك - فى صيانه 30 الف - حنبقى نجيبها ونبلغك علشان تيجى تركبها
طبعا ده اسلوب فاشل تماما فى حل المشاكل اللى مش واضحه - اللى السبب فيها فى الاساس المصنع مش مراكز الصيانه )
2- عدم تواجد الاجهز المطلوبه
( ضبط النور يتم يدوى على الحائط - منتهى التهريج - جهاز الكونسلت 3 لايتم استخدامه الا مع الحبايب فقط )
3- نقص حاد فى التدريب والتاهيل للعاملين فى اغلب مراكز الصيانه
( بيحطوا 3 ك زيت رغم ان الكتالوج مكتوب 2.75 لتر وليدهم اصرار على انها مش حتفرق - كانهم بيفهموا اكتر من اللى صنعوا المواتير )
4- عدم الكشف على العربيه بعد الصيانه والتاكد من حل المشاكل التى تقدم بيها العميل - قبل ما تسلم للعميل ويخرج هو يكتشف براحته ايه اللى اتعمل وايه اللى لسه ما اتحلش
فى الاخر اللوم يقع على المصنع بنسبه 70% وعلى مراكز البيع والصيانه بنسبه 30%
معلش طولت عليكم وكل عام اونتم بخير