+ حكاية جهاز الزوايا اللى طول عمره بايظ؟؟؟؟؟
+ حكاية جهاز الزوايا اللى طول عمره بايظ؟؟؟؟؟
شكراً أستاذ أحمد على مواضيعك المتميزة و هذا ليس بجديد عليك، تعليقى على موضوعك كالتالى:
1-أنت تعلم أن مصنع نيسان موتور إيجبت عملياً هو وكيل نسيان فى مصر حيث كل الموزعين الحاليين معتمدين منهم و بالتالى لابد من رقابة على الموزعين و بخاصة مراكز الصيانة و أنا لى تجربة عملية منذ أسبوعين فقط فى مودرن موتورز الإسكندرية بالحضرة القبلية حيث كنت أجرى صيانة الـ 10000 كم و الإكصدام الخلفى كان مخبوط و كذلك الشنطة خبطة خفيفة تسببت فى كسر كلبسات الإكصدام الخلفى و تسببت أيضا فى عدم فتح الشنطة لا من داخل العربية و لا بالريموت بتفتح بالمفتاح و بالمحايلة فدخلت للسمكرة مع صيانة الـ 10000 كم و صدقنى شغلانة بسيطة جداً ، المهم سلموا العربية لفنى سمكرة عندهم و بطبعى كمهندس ميكانيكا و مدير ورش ميكانيكية بحب أتفرج على أى ورش أزورها فخرجت أتفرج و يا ليتنى ماخرجت
1.1- وجدت السمكرى بيشتغل فى طرقة أمام باب دخول السيارات ، طيب فين ورشة السمكرة و فين معداتها لا أعرف
1.2- الصدمة أن الفنى كان كل همه أن يقنعنى أنه عنده ورشة سمكرة و ممكن أبقى أعدى عليه و ثمن الإصلاح حايبقى أقل و عنده قطع غيار زى ما أنت عايز
1.3- حاولت أخليه يركز فى شغله لأن ده مش ضمير و لا ذمة و لم أجد مهندس يتابعه أو يشوف هو بيعمل إيه
1.4-خلص و أنا قلبى بيتقطع على الشغ اللى عمله
1.5-بعد ما خلص جربت الباركنج سنسور لاقيته مش شغال رحت للمهندس تخيلوا اللى قام بالشغل فى الموضوع هو نفسه السمكرى طيب فين الكهربائى مش عارف (علشان يستعدل الشنطة قام بحل الفوانيس الخلفية و زى ما أنتم عارفين دفيرة الباركنج سنسور مع كابلات الفوانيس الخلفية)
1.6-بعد ما خلصوا صيانة الـ 10000 كم قلت أجرب العربية لو فيها ملاحظات قبل ما أمشى لاقيت نفس المشكلة مازالت قائمة ، الشنطة مش عايزة تفتح لا بالريموت و لا من الداخل نادوا على نفس السمكرى و الله العظيم قعد يشتغل فيها فى الشارع لعدم وجود مكان و فى النهاية إستلمت العربية الشنطة بتفتح و لكن راجل إقفلها بقى لازم ترذعها 3 أو 4 مرات و قلبك بيتقطع علشان تقفل و حاول السمكرى يقنعنى أبقى أعدى عليه و كتب رقم تليفونه و تركه فى التابلوه ، أكيد كل إخوانى حايقولوا على سلبى و إيه اللى سكتنى على كده و لكن كنت فى رمضان و عندى ظروف عائلية قهرية كنت محتاج العربية بأى شكل و لكنى بأغلى من وقتها حتى هذه اللحظة و لكن عاهدت نفسى أن لو إتصل أحد من نيسان أن أحكى له ما حدث و يدلنى إيه الخطوات الرسمية اللى أتخذها لتقديم شكوى مكتوبة و لكن حتى وقت كتابة هذه السطور لم يتصل أحد
2- موضوع الإكسسورات لابد أن تكون أصلية و معتمدة من نيسان موتور إيجبت
3- لابد أن تكون هناك متابعة دورية لعملاء نيسان بخاصة بع الإنتهاء من أعمال الصيانات المختلفة لمعرف جودة مراكز الصيانة
أخيراً أعتذر جداً على الإطالة
السلام عليكم ورحمة الله وبركاته
موضوع جميل جدا انا نفسى عانيت منه حيث ان توكيل نيسان باسيوط و التابع لناشونال موتورز اسوأ دعايه لسياره نيسان فالتوكيل كما يلى
1_ اغلب قطع الغيار الاساسيه للسياره غير موجوده به و خاصه الصاج و ان وجدت يشترط ان يكون التصليح من خلاله ليبيع لك قطعه الغيار
2_ التوكيل لايوجد به الكمبيوتر الخاص للسياره ؟!!!!!!!!!!!
3_ الفنيون الموجودون بالمركز بعيدين كل البعد عن اى معلومات فنيه عن السياره
اكثر تعاملى كان مع مودرن موتورز الرواش و لكن لكونى من الصعيد ومع صعوبه السفر اتمنى ان تعيد نيسان مصر نظرها فى توكيل اسيوط و تمنحه لاحد يكود بمثابته دعايه جيده للشركه
ارجوا ان يكون السبع حيث انى سمعت عن خدمتهم الممتازه و قريبا ساسافر لهم ان شاء الله
تجربتى الى غيرت انطباعى عن نيسان ( ادارة و ليس كعربية) 180 درجة
نزلت حملة الفحص المجانى من الاسكندرية للقاهرة علشان عرض فلتر التكييف و الخصم
و انا راجع عديت على مودرن ابو رواش اخدت الفلتر بدون تركيب لانى مش بتعامل معاهم وركبته فى اسكندرية
الخصم الى على قطع الغيار و المصنعية مدته 3 شهور فسبته علشان استعمله فى صيانة ال 40.000 كم
المهم قبل الميعاد ما يخلص اتصلت بالشركة الهندسية ( بالاسكندرية) الى بتعامل معاها قالولى الخصومات دى ميعرفوش عندها حاجة ولازم نيسان تبلغهم
اتصلت بنيسان لقيتهم بيقولولى ان الخصم ده للقاهرة فقط (يعنى ايه للقاهرة فقط )
قولتلهم ان ورقة الفحص مكتوب فيها حامل هذه الورقة يستمتع بخصم 10 على قطع الغيار و 15% على المصنعية بجميع مراكز خدمة نيسان المعتمدة و مزكرش القاهرة و لا محافظات
يقولولى هو ده الى عندنا طيب هاتوا حدمن المديرين اكلمه ولا سالوا فيا ( و كل شوية حضرتك تحب تعمل شكوى فى مركز الخدمة و انا اقولهم انا عايز اعمل شكوى فيكم انتم )
اقسم بالله انا كنت محضر نفسى علشان اقدم بلاغ فى جهاز حماية المستهلك لان فى مادة فى قانون جماية المستهلك بتعاقب على الاعلانات المضللة و الغير واضحة و الاعلان ده كان نازل على الموقع الرسمى لنيسان ايجبت بس حصل ظروف منعتنى ان اقدم البلاغ و كان اخر معاد عدى فكان ممكن يتلككوا على موضوع ال 3 شهور
بس انا ناوالهم فى اى حاجة حتى لو هايفة
الخط الساخن بتاعم 16244 مبيطلبش غير من الموبايل فى الاسكندرية يعنى انا غارم مكالمات ليهم بس اكتر من 50 جنيه لان الدقيقة بتتحسب ب 35 قرش و انا عارف ان كنت حلاقى الخصم ده هو كبيره 100 جنيه لانه حيقولك الزيوت ( متور و فتيس و فرامل ) معالهوش خصم و بيحسب الضريبة بعد الخصم
غير كده الصيانة بتاعة ال40000 مبالغ جدا فى سعرها
اخيرا اجب اشكرك استاذ احمد مصطفى على اهتمامه باعضاء نايل موتورز و ربنا يخزيك خيرا ان شاء الله و يارب صوتنا يوصل و نلاقى اهتمام
وليه ماروحتش مودرن الحضرة .. هل بردوا قالولك كدا
ارجوكم اشتروا مكيال في كل مراكز الخدمه عشان ميحطوش زيت زياده
يا استاذ احمد انا بعد ما كلمت المركز الي بتعامل معاه (الشركة الهندسية)
كلمت نيسان نفسهم علي الرقم المختصر
انا لغاية دلوقتي معملتش الصيانة لاني مضايق اني مأخدتش حقي
وبفكر اقاطع نيسان بشكل نهائي
بالاضافة الي المقترحات السابقة
يرجي ان يتم فتح مركز للصيانة (نيسان ) لمحافظات القناة
وشكرا لكل الاعضاء
حد من الاعاضاء جاب سيره عن الصيانه المتنقله للاعطال او الانقاذ السريع زي توكيل بيجو و بي ام كده لما يبعتلك عربيه فيها اتنين فنين لحل المشاكل البسيطه زي العربيه مش عايزه تدور و الكلام الصغير ده و تكون ليها مصاريف خاصه تقدر عند حل المشكله علشان ماحدش يفكر انها هاتبقي سهله يعني اي حد يبعت
و تكون سياره ميكروباص مثلا ولا حاجه علي اد الامكانيات و تكون مجهزه بكل قطع الغيار الخفيفه زي السيور و بطاريه احتياطي و حاجات من دي يعني
مش عارف هل هيا موجوده اصلا ولا لأ بس ماشوفتش المنظر ده قبل كده في الشارع اني الاقي عربيه نيسان مكتوب عليها نيسان سيرفس و واقفه جنب عربيه نيسان عطلانه و لو موجوده يبقي تفعيل الخدمه او تقلليل التكلفه اي حل يعني علشان تنتشر