الموضوع: بداية فوضى الامن

المشاركة الأصلية كتبت بواسطة axel

و حصلت قدامي امبارح عسكري قفل الاشارة علينا عشان يفتح الاشارة التانية سواق تاكسي قعدت يزعق و يهلل و كله عايز يمشي بمزاجه لو اي حد في الموقف ده هيقولك خلاص سيبهم يعيشوا مع بعض و للأسف الناس اللي السبب
انا مش مع طبعا انه يطنش الطريق و يسيب لكن بقولك اللي السبب انه بعضهم يعمل كده

المفروض يسيبه يتفلق وممكن يديله مخالفه لأن ده شغله
ولو عمل كده الناس دي هتدخل جحورها

لو عربية الشرطة جاية عكس لسبب قهري زي مصيبة حصلت او بتلحق حاجة هيكون ليهم عذرهم انما لو مش لسبب قهري اكيد مش موافق و اعترض بشدة

للأسف مش لسبب قهري السبب القهري ان الملف اللي بعده بأمتار عند طب أسنان حيخليه يمشي كام دقيقه في الزحمه
فالأفضل يمشي عكسي ويتضرب له تعظيم كمان!!!

ثانيا الناس المفروض تلتزم ملهاش دعوة بغيرها منتلككش ان في حد بيمشي غلط و نقول مهو بيمشي زي اللي بيرمي القمامة في الشارع هل عشان لقينا شخص بيرمي اعمل زييه و اقول مهو بيعمل اكيد لأ
ابدأ بنفسك عشان غيرك يتغير انما الناس هنا كلها بتفكر بنظرية مهي بايظة انا يعني اللي هعمل حاجة
انا مازلت فاكر الجملة ديه لمدرس جغرافيا كان بيدرسلي في الثانوية كان دايما بيقول لازم الشخص يغير من نفسه عشان الباقي يتغير انما كل الناس بتقول انا مالي و مهي كده كده بايظة انا يعني اللي هعمل حاجة

مين الناس المقصودين في كلام حضرتك ؟؟
الناس الغير ملتزمه بتاخد التصرفات دي ذريعه لعدم الإلتزام
لما المسئول عن تنفيذ القانون يخالف القانون
ده وقعه وتأثيره أكبر من ان الأشخاص العاديه تخالف القانون
زي ما تسمع الدكتور ينصح المرضى بعدم التدخين وهو بيدخن مع الفارق طبعاً
انا نفسي السلوك هو اللي يتغير يبقى في رقابه عليهم وتوعيه
بالإلتزام الصارم بالقوانين حتى لو كان مع وزير

لو عربية الشرطة وراها حاجة زي الاسعاف يبقي انا اقف حتي لو هقف نص ساعة طالما وراه بلاغ او فيه مصيبة غير كده لأ
و ع فكرة انا دايما بشوف عربيات الشرطة بتقف في الاشارات زيها زيينا طالما مش فاتح الاضاءة او السرينة بيفضلوا واقفين و محدش بيتكلم و مش بعد الثورة لأ قبل الثورة كمان

نفس الرد اللي فوق
وعلى فكره الشرطه لو وراها حاجه بتشغل السرينه

معاكي عشان كده بنتمني اننا نحكم عقلنا و كل حاجة تبقي بالعقل مش بالعنف و الدنيا تهدي
و احنا في انتظار حركة التنقلات بتاعت 15-7 اللي وعد بيها وزير الدخلية و قال انها هتكون مرضية
يا مسهل يا رب

اتمنى يكون في تغيير حقيقى في السياسه والعقول وما يكونش الموضوع مجرد مسكنات
حصل معايا موقف النهارده زود عندي الإحباط من ناحية التغيير
الموقف كان في شارع عدلي والناس راكنه صف واحد على الشمال كالمعتاد مفيش صف تاني ولا حاجه
ولسه بنشوف ركنه ظهر ضابط مرور وقرب من العربيه اعتقدنا في حاجه علشان المظاهرات
يمكن مش عايزين حد يقف في الشارع دلوقتي ولا حاجه
فبنسأل ايه مفيش ركنه ..... فرد بسخافه وقاله لأ فيه (اركن وخد استيكر)
انا لزقت استيكر على كل العربيات دي وهو بيضحك ولغاية كده اعتقدنا انه مجرد استظراف
سيبناه ومشينا علشان مستعجلين
وركنا وسيبنا العربيه وبعدها بساعه اول ما طلع بالعربيه ظهر سيادته
وايده على الشباك اليمين بيشيل استيكر صغير او بمعنى اصح بيوريهولنا علشان ندفع الإتاوه

المشاركة الأصلية كتبت بواسطة m.elwan

واضح انهم نفذوا الفتوى بسرعه لان الخبر ده بيتكرر على تويتر من الصبح بس مفيش تأكيد عليه من اى مصدر موثوق

عاجل|السويس| أهالي السويس ينفذون حكم الاعدام الثوري بحق النقيب محمد زين معاون مباحث السويس !!!

اُغتيل صباح اليوم النقيب محمد زين معاون مباحث قسم شرطة السويس السابق والمتهم فى قضايا قتل المتظاهرين بعد أيام من صدور قرار بنقله لمديرية القاهرة. فوجئ زين خلال قيامه بإحدى مهام عمله بالقاهرة بأحد الخارجين عن القانون يطلق عليه وابلاً من الرصاص .

اتمنى الخبر يطلع كاذب وما نكونش وصلنا للمرحله السوداويه دي
وكمان ازاي الأهالي عارفين اللي قتلوا الشهداء بالإسم؟؟