الموضوع: بداية فوضى الامن

المشاركة الأصلية كتبت بواسطة axel

دول كده ممكن يدخلونا في حرب و مش بعيد زي ما استاذ احمد قال نلاقي كام قطعة بحرية بحجة انهم بيأمنوا المجري الملاحي
و سلملي ع الثورجية الوطنيين اللي واخدهم الجلالة لحد ما هيضيعونا

و اتفرج بقي لو حرب قامت مش هتلاقي واحد منهم بيتطوع في الجيش...كله هايستخبي جوه بيته...اصل الحرب مش خروجه و صور و يفط هزلية و كاريكاترية و رسم علم مصر علي الوش و الجدع اللي يطلع فوق عمود النور ...الحرب حاجة تانية و غالبا معظم اللي بينزلوا التحرير دلوقتي هايقعدوا في بيوتهم ساعة الجد و انا و حضرتك اللي هانروح نحارب....شايف الكوميديا السوداء!

المشاركة الأصلية كتبت بواسطة sara2001

وكمان ازاي الأهالي عارفين اللي قتلوا الشهداء بالإسم؟؟

اقول لحضرتك حكاية القصاص دي ما لهاش معني ليه

دلوقتي لو كنت حضرتك زيي من الناس اللي نزلت يوم 28 و اتضربت رصاصة و استشهدت...اهل حضرتك هايعرفوا منين اسم الظابط اللي ضرب النار؟يا جماعة ما كلنا نزلنا المظاهرات انا مش متخيل اني لو كنت اتقتلت في ميدان الجلاء ولا ميدان التحرير يوم 28 يناير والدي هايعرف اسم الظابط ولا المجند اللي ضرب النار في وسط الزحمة و يطالب بالقصاص..و اللي المفروض يتحاسب في الحالة دي هو وزير الداخلية و مساعديه و دول كلهم مرميين في السجن دلوقتي

طيب الظباط الي بيتحاكموا دول الناس جابت اسمائهم منين؟ دول ظباط الاقسام اللي الاهالي و البلطجية حاولوا يقتحموا اقسامهم و يطلعوا المساجين و يسرقوا سلاح و ينتقموا منهم و دول بيبقوا معروفين بالاسم للسكان و للمسجلين خطر في دائرة القسم...يعني انا مثلا دكتور ساكن في 6 اكتوبر...اسألني اسم مأمور قسم اكتوبر ايه...ولا أعرف...لكن انزل منطقة شعبية و اسأل الناس في دايره القسم هتلاقيهم عارفين اسم المامور و الظباط و الأمناء...و بالتالي اهالي البلطجية و اهالي الناس اللي ماتت بالصدفة و هي واقفة تتفرج هما دول اللي عاملين القلق ده كله و بيتاجروا بكلمة شهداء و البعض بينساق ورائهم عن جهل او عن سوء نيه بقصد استغلالهم لتمرير مطالب و اهداف اخري