الموضوع: بداية فوضى الامن

المشاركة الأصلية كتبت بواسطة wael17

+111111
...ظابط الشرطة و الجيش مش شغلته يناقش اوامر قيادته و ينفذ اللي يعجبه و ما ينفذش اللي مش عاجبه...القيادة هي اللي بتبقي شايفة كل حاجة و كل المعلومات عندها و الظباط و العساكر بينفذوا الاوامر و بس....لما ينتج ضحايا ابرياء نتيجة تنفيذ الاوامر يبقي نحاسب القيادات (وزير الداخلية و مساعديه) و كلهم مرميين في السجن...لما العادلي ياخد براءة انا اول واحد هانزل الميدان

هو حضرتك بتتكلم عن روبوتات بتتحرك بالريموت كنترول ولا عن بنى ادمين زىى وزيك يعنى يضربو نار بعشوائية وناس ملهاش ذنب تموت عشان غباء ناس ما بتفكرش

بالنسبة لتسلسل القيادة الاوامر تبلغ لرتبة قائد فى موقع زى مأمور القسم مثلا ومن حقه المناقشة ومن حقه يرفض التنفيذ لو هو مقتنع ان قراره صح وفى الحالة دى القيادة تلتزم بقراره وبعد مرور الظرف الاستثنائى يتم ايقافه عن العمل وتحويله لمحاكمة عسكرية لرفضة تنفيذ اوامر قيادة عليا ولو كان قراره صحيح حيقدر يثبت حقه ويتم محاسبة القيادة وهو يعود للعمل

لكن لو نفذ القرار والقرار كان خطأ ومات ناس ابرياء يكون مشترك فى الجريمة كفاعل اساسى والقيادة العليا تهمتها التحريض والاتنين يحاكمو امام محاكمة عسكرية مش مدنية زى اللى بيحصل دلوقتى

فى نقطة تانية صغيرة هى ان لو ظابط رايح يقبض على مجرم خطير والظابط قتله وثبت ان المجرم مكنش معاه سلاح ولم يكن يشكل تهديد على حياة الظابط يتم محاكمة الظابط بتهمة القتل العمد امام محكمة عسكرية

يعنى لو افترضنا ان اللى راحو عند الاقسام كانو مجرمين وده مش صحيح - لانهم فى اغلب المناطق مش كلها كانو اهالى ناس متاخده فى الاقسام بدون ورق ومرميين بقالهم سنين -
فمش من حق اى ظابط اعطاء الامر باطلاق النار الا فى حالة ان المجرمين بدئو باطلاق النار وده محصلش لان اللى راحو عند الاقسام مكنش معاهم سلاح

المشاركة الأصلية كتبت بواسطة wael17

حضرتك لما بيبقي في محاولة اقتحام لقسم الناس مش بتبقي واقفة صفين...البلطجية شمال و الناس العادية يمين...بتبقي زحمة و ضرب نار من الطرفيين و ماحدش يقولي ان الاقسام مانضربش عليها نار...يعني في وسط الزحمة في ناس بتضرب نار و مولوتوف علي القسم و حواليهم ناس مغطيين عليهم عن جهل او عمد

اه فى اقسام كتير منضربش عليها نار والظباط فيها انسحبو وده فى منطقتنا بالتحديد فى احد احياء مصر الجديدة
وفى اقسام الظباط جواها خرجو المساجين ومتصوره فيديو

تانى حاجة هما البلطجية دول مين بلانا بيهم مش برده الداخليه هى اللى كانت بتشغلهم بشكل مباشر او غير مباشر وخصوصا وقت الانتخابات

المشاركة الأصلية كتبت بواسطة wael17

يعني حضرتك شايف ان المأمور او الظابط لما يجيله أمر عادي ما ينفذهوش و يتحول لمحاكمة عسكرية...و كأن المحاكمة العسكرية دي حاجة بسيطة و هايتخصم له 3 ايام عشان مانفذش الأمر

يعنى المفروض انه يخاف من المحاكمة العسكرية وينفذ الامر ويقتل ابرياء لكن ميخافش من ربنا وحساب الاخره وانه حيشيل فى رقبته دم شخص برىء طول عمره لحد ما يموت بس طبعا اهم حاجة ينفذ الاوامر ويهرب من المحاكمة العسكرية

المشاركة الأصلية كتبت بواسطة wael17

طب و هم يضمنوا منين انهم ما ينفذوش الاوامر و بعدين الثورة تفشل و ساعتها المأمور اللي ساب قسمه و سلاحه يتسرق هايبقي متهم و يترمي في السجن...لما الاوامر وصلت لهم كانت جاية من النظام الشرعي القائم في الوقت ده (حتي لو فاسد و بنكرهه) بس كان هو السلطة الي بتصدر اوامر و تحاسب في حالة عدم تنفيذها...بعد كده النظام ده فقد شرعيته بنجاح الثورة و دلوقتي اللي من حقه يصدر اوامر و يحاكم في حالة عدم تنفيذها هو المجلس العسكري
لو كانت الثورة فشلت كان المأمور اللي هايدافع عن قسمه و يحافظ عليه هايبقي بطل و المأمور اللي يسيب قسمه و يهرب هايتحاكم و يتسجن
لكن لأن الثورة نجحت بقي المأمور الي ساب قسمه و هرب في السليم و اللي دافع عن قسمه متهم و مدان حتي من غير محاكمة

ده مكنش كلامى خالص لانى مجبتش سيرة الثورة اساسا لا نجاحها او فشلها
قرار الظابط اى كان رتبته يجب ان يكون ثابت بغض النظر عن النظام الحاكم او الظروف حكمه بيكون نابع من ضميره واخلاقياته ودينه وانه يكون عارف ان افعاله حيحاسب عليها امام ربنا

المشاركة الأصلية كتبت بواسطة wael17

انا مع محاكمة القيادات اللي كانت أمامها الصورة كاملة و بتحمي النظام رغم فساده (وزير الداخلية و مساعديه) لكن محاكمة الظباط اللي علي الارض و بينفذوا اوامر هي مجرد نوع من التشفي و الرغبة في الانتقام

القيادات اللى اعطت الاوامر فى النهاية تهمتهم تحريض وومكن ياخده عقوبة الفاعل الاساسى لكن اللى نفذ الامر ولغى عقله وضميره ونسى دينه ونسى ربنا وقتل وايدىه محملة بدم الابرياء ياخد برائة !!!!

المشاركة الأصلية كتبت بواسطة wael17

و بعدين لو افترضنا ان في ناس بتتهم ظابط بعينه ان مجنون و طلع ضربهم بالنار من غير سبب...الناس دي تروح تشتكي و تجيب شهودها و الظابط برده يجيب شهوده و القاضي يحكم و لو حكم بالبراءة ماحدش يعترض لكن تلاقي القاضي جوة قاعة المحكمة و بره مظاهرات و هتافات و محاولات اقتحام للمحكمة ...بقي اسمه قضاء و محاكمة عادلة؟؟؟؟؟ قاضي ايه ده اللي هايحكم حكم عادل و فيه ناس واقفة بره المحكمة حالفة تولع فيها لو الحكم مش علي هواها

حصل يا فندم بس ينفع حضرتك ظابط متهم بالقتل يفضل فى شغله ولا يتم ايقافه عن العمل لحين الانتهاء من المحاكمة ويمارس كل انواع الارهاب على الشهود لاجبارهم على تغيير شهادتهم مستخدم نفوذه وسلطته