نفسي أخمس بقى .... إيه صعبة دي ؟؟

**Bassem Taha** · 09-07-2011 01:16 AM

اولاً احب اوضح حاجه انا مش من هواة التخميس بالعربية علشان عارف انها هتيجي فوق دماغي في الأخر وهشتري كاوتش جديد
بس مش معنى كده ان الهاند بريك عندي تبقى كأنها مش موجوووودة بردو

الهاند عندي شغاله تمام و كل حاجه بس لو شدتها و أنا ماشي بتهدي العربية لكن مش بتخلي العجل يزحف
ونزلت النهاردة و ربطت السلك بتاعها شوية ( فكيت علبه السجائر اللي قدام الكنبة اللي ورا و ربطت الصمولة بتاعت الهاند شوية وفعلاً لقيت الهاند جمدت و معدتش بتطلع للأخر زي الأول يدوب هما 4 تكات و بتكون حجر ) ونزلت زقيت العربية علشان اطمن ان الفرامل مش ماسكه في الطنابير والحمد لله كله تمام
قلت اطلع بالعربية اجرب بقى

بردو العربية سرعتها هديت لكن مزحفتش ولا حاجه
يا تري العيب ايه دلوقتي ؟؟؟؟ اربط الصامولة شوية كمان ؟؟ ولا العيب في الهاند ولا ممكن يكون التيل بتاع الفرامل اللي ورا تعبان ؟؟؟؟؟
يا ريت تساعدوني في المشكلة دي

**amrelsaqqa** · 09-07-2011 01:34 AM

لازم العربية تبقى واخدة عزم جامد
نقلة مناسبة وسرعة مناسبة وكدة
ولازم الموتور يبقى تمام
والاهم من ده كله السواق ;)

**Bassem Taha** · 09-07-2011 01:41 AM

المشاركة الأصلية كتبت بواسطة amrelsaqqa

لازم العربية تبقى واخدة عزم جامد
نقلة مناسبة وسرعة مناسبة وكدة
ولازم الموتور يبقى تمام
والاهم من ده كله السواق ;)

ليه الاحراج ده بس يعني العيب طلع فيا و الهاند طلعت براءة

أوريها وشي ازاي بعد كده

طيب يعني علشان العربية تزحف علي الأرض لازم اكون فوق 40 مثلاً ؟؟؟
اصل انا دايما بجربها و انا رايح اركن علشان اقف جنب الرصيف بس دايماً تحرجني و أضطر ارجع تاني و اطلع لأن وش العربية مش بيظبط و العربية مبتلفش

**mr_vampire** · 09-07-2011 01:57 AM

المشاركة الأصلية كتبت بواسطة tiktaktok2008

ا........................................ علشان عارف انها هتيجي فوق دماغي في الأخر وهشتري كاوتش جديد
......................

كاوتش بسسسسسسسسسس !!!!!!!!!!!!!!! ده الكاوتش ده اخر حاجة لانه مش هيبوظ من تخميسة او اتنين انما ده هيفتح معاك حوارات كتيييييييييييير عد معايا :

-كبالن ومقصات لو عربية امامي.
-سير كاتينة ممكن يتقطع وتبقي ليلة.
-تاثير كلي علي اجزاء التعليق الخلفي لان اكييييييييييد هتشد الهاند مع الحرق عشان العربية تلف حولين محورها عالعجل الواقف الخلفي.

بلاش احسن يامعلم اكتفي بالفرجة بس زي حالتي واستمتع بعربيتك واقفة وشادة حيلها مادام مش مزعلاك فالسحب والجري وقت ماتحتاج انما تخميس اهانة للعربية من غير داعي.

**Bassem Taha** · 09-07-2011 02:00 AM

المشاركة الأصلية كتبت بواسطة mr_vampire

كاوتش بسسسسسسسسسس !!!!!!!!!!!!!!! ده الكازتش ده اخر حاجة لانه مش هيبوظ من تخميسة او اتنين انما ده هيفتح معاك حوارات كتيييييييييييير عد معايا :

-كبالن ومقصات لو عربية امامي.
-سير كاتينة ممكن يتقطع وتبقي ليلة.
-تاثير كلي علي اجزاء التعليق الخلفي لان اكييييييييييد هتشد الهاند مع الحرق عشان العربية تلف حولين محورها عالعجل الواقف الخلفي.

بلاش احسن يامعلم اكتفي بالفرجة بس زي حالتي واستمتع بعربيتك واقفة وشادة حيلها مادام مش مزعلاك فالسحب والجري وقت ماتحتاج انما تخميس اهانة للعربية من غير داعي.

ههههههههههه ليه يا عم كل ده هو انا هدخل بيها في حيطه انا مش عايز اخمس بيها علي طول انا بس عايز لما اشد الهاند توجب معايا مش أكتر

لكن زي ما قلت في الأول انا مش من هواه التخميس علشان عارف ان بعد كده هزعل

**osama.m** · 09-07-2011 02:36 AM

لو العجل مش بيقفش يبقى ترجلش فرامل العجل الخلفي و ان شاء الله تظبط معاك
بس خللي بالك من الرصيف :d

**Bassem Taha** · 09-07-2011 02:39 AM

المشاركة الأصلية كتبت بواسطة osama.m

لو العجل مش بيقفش يبقى ترجلش فرامل العجل الخلفي و ان شاء الله تظبط معاك
بس خللي بالك من الرصيف :d

حاضر يا اسامه هخلي بالي بس قصدك ايه ارجلش الفرامل الخلفية ؟؟
احطلها زي ورده مثلاً جنب الطنبورة مش فاهم

**osama.m** · 09-07-2011 03:31 AM

رجلاش الفرامل دي مش هتعرف تظبتها بنفسك الاحسن توديها لحد يعملها .. هيا مش حوار كبير بس عشان فية فك كتير و عشان يظبتلك العجلتين زي بعض

**mrastra** · 09-07-2011 12:38 PM

والله انت زى العسل
بس طول ما انت راكب 131 عمرك ما هاتخمس لان الايطالى عمر الهاند بريك ما بيقفش العجل
تقبل مرورى

**Bassem Taha** · 09-07-2011 01:31 PM

المشاركة الأصلية كتبت بواسطة mrastra

والله انت زى العسل
بس طول ما انت راكب 131 عمرك ما هاتخمس لان الايطالى عمر الهاند بريك ما بيقفش العجل
تقبل مرورى

ربنا يخليك ده من ذوقك والله
بس انا مش معايا 131 دي راحت لحالها خلاص دلوقتي لانوس

وال 131 عموماً مش بتحتاج هاند بريك ده شوية بنزين و اتفرج علي اللعب يا معلم

الموضوع: نفسي أخمس بقى .... إيه صعبة دي ؟؟

LinkBack

أدوات الموضوع

عرض

نفسي أخمس بقى .... إيه صعبة دي ؟؟ - انشر الموضوع فى :

-

-

-

-

-

-

-

المواضيع المتشابهه

مقارنة صعبة الى حد ما

نفسي .. نفسي .. نفسي .. نفسي اروح اسكندرية

بجد نفسي نفسي في ورشة فيها الاتي

مقارنة صعبة

اسئلة صعبة

الكلمات الدلالية لهذا الموضوع

المفضلات

المفضلات

ضوابط المشاركة