الموضوع: بجد ياهونداوية مش لاقيلكوا حل

طيب هو فين موضوع القهوة للاسف انا مش لاقيه عشان كده طلبت التثبيت عشان يبقى واحد لكل الناس لما مواضيع بتنزل على مواضيع بتبتدى المواضيع القديمة تتراجع فى الترتيب ومبتتشافش او بتتنسى لكن لما بيبقى موضوع الغرض منه جذب الاعضاء والمشاركات تزيد يفضل انه يبقى متثبت بحيث يسهل على كل الاعضاء المشاركة فيه
وياريت اى عضو فكر يعمل توبيك شبيه بنفس التوبيك ده ومتردش عليه كتير من الاعضاء ميزعلش اويحس بالاحباط من المنتدى وان شاء الله نبتدى بداية جديدة ونطور المنتدى

المشاركة الأصلية كتبت بواسطة no comment

موضوع أخبار العصابة أو القهوة يتثبت بتفاعل الناس معاه ورغبتهم فى المشاركة الفعالة فيه ... مش مجرد موضوع موجود قدام عينينا أكنه متعلق على الشماعة ورغم كدة محدش معبره .
مع انه اتقال من أول انشاءه انه لزيادة تفاعل الاعضاء مع بعض ... فأذا ماكنشى فيه تفاعل بين الاعضاء فملوش لازمة تثبيته .

المشاركة الأصلية كتبت بواسطة tarekzein

على فكره

ده أول ـ وممكن يكون آخر موضوع ـ أنا ضد تثبيته

رفع الموضوع بيكون بتفاعل الأعضاء

وياما مواضيع مثبته ومقبره فى نفس الوقت

التراب أكلها من قله ردود الأعضاء

وتفاعلهم

وممكن ياشباب منعا ان اى عضو يضايق او يزعل بسبب قلة الرد على التوبيكات اللى عملها ممكن نعمل موضوع جديد تماما ونثبته وكلنا نعرض فيه الافكار الجديدة وان شاء الله تبقى فكرة ناجحة وبرضه منتظرين رأى سمسم بخصوص الموضوع ده وبؤكدلكم ياجماعة الموضوع ده محتاج صبر لان الموقف ده عدى عليا فى منتدى الدفعة بتاعتنا اللى عملناه ايام الكلية

المشاركة الأصلية كتبت بواسطة tarekzein

طيب ورينا الهمه

مستبشر خير بيك يا يونس بك

ربنا يخليك ياطارق كلك ذوق انا فعلا عندى افكار حلوة وكلكم اكيد عندكم افكار حلوة برضه بس انا مستنى رأى سمسم برضه فى الموضوع ده بحيث كمان نقدر نتفق على اسم التوبيك الجديد ده وان شاء الله تبقى بداية حلوة وفعالة ولازم يبقى عندنا صبر واصرار عشان الموضوع ممكن ياخد وقت لغايت مانحقق اكبر نسبة تفاعل ومشاركات وربنا يوفقنا

مستنينك ياسمسم انت فين؟؟؟

متقلقش ياسمسم انا لاحظت ان نسبة المشاركات الى حد ما زادت عن الاول بشكل ملحوظ وده شئ مبشر بالخير مبدئيا وانا بجد كنت اتمنى ابقى معاكم فى المقابلة بس للاسف الظروف مش هتسمح بس تتعوض وقت تانى ان شاء الله وانا فى انتظار نتيجة الميتنج ونبتدى بكرة ان شاء الله بداية جديدة للمنتدى

كده يا سمسم
ماشى ماشى ماشى