نداء الي ثورجية التحرير - يوم 8 يوليو

**khaloooda** · 09-07-2011 10:19 PM

الاستاذ الفاضل AshTurbo
يسعدني اولا مرورك ومشاركتك في الموضوع

بس مين اللي قال لحضرتك ان القضاه ملايكه
فيهم فاسدين - بس نصيحة ياريت ميكنش مصدر معلومتك هشام البسطويسي .
انا قلت ان فيهم فاسدين لكن الحمد لله قلة
زي ما قلت ان القاضي ملوووووووووش غير الورق والادلة
معرفناش نثبت ان غالي وجرانة حرامية ولا ان الظباط قتلوا متظاهرين
دي مشكلتنا
انما والله الذي لا اله غيره لو القاضي هيسلم ودانه لما يريده التحرير
يبقي خان الامانة والقسم اللي اقسم عليه
ويشهد علي كده حديث رسول الله صلي الله عليه وسلم " ‏إِنَّكُمْ تَخْتَصِمُونَ إِلَيَّ وَلَعَلَّ بَعْضَكُمْ ‏ ‏أَلْحَنُ ‏ ‏بِحُجَّتِهِ مِنْ بَعْضٍ فَمَنْ قَضَيْتُ لَهُ بِحَقِّ أَخِيهِ شَيْئًا بِقَوْلِهِ فَإِنَّمَا أَقْطَعُ لَهُ قِطْعَةً مِنْ النَّارِ فَلَا يَأْخُذْهَا "
الرسول نفسه وهو المعصوووووم بيقول انه لا يأخذ الا بالادلة ويدعو الناس اذا قضي لاحد بسبب حجته ولم يكن صاحب حق الا ياخذ ذلك الحق فهو قطعة من النار

القاضي ملوش غير الورق
والله لو مقدرناش نثبت حتي ان حبيب العادلي قتل المتظاهرين واخد براءة
يبقي براءة
اثبت بالادلة للقاضي وبعدين لومه
ده لو هنحاسب العادلي ومبارك علي ظلم 18 يوم في التحرير
انما لو هنحاسبهم علي قهر وظلم واستبداد وعبودية 30 سنة
ده موضوع تاني
وبرضه هات ادلة وبراهين واثبت كلامك
طالما عاوز قضاء مدني
لكن قلتلك عاوز محاكم عسكرية
روح
بس متقلش اي

الجيش فيه الفاسد وفيه الصالح
ومع الاسف كلما عليت الرتبة كثر الفاسدون فيهم وقل الصالحون

محدش قال ان كلهم ملايكة
لكن نطالبهم بالرحيل في الظروف المهببة دي
لأ
دول مش حسني مبارك
هيرحل نعمل انتخابات وعندنا غيرهم يحل محلهم يحفظ البلد
اذا كانت الداخلية وقعت
مين اللي هيحرس الشوارع عشان انا وانت نقدر نمشي واحنا مطمنين
عشان اختي واختك متتعرضش للخطف والا لا قدر الله اكثر من كده في غياب الامن

يا ريت نحسبها صح

كل اللي بقوله
فكررررررررررررررررررر قبل ما تنزل الشارع او تتكلم
فكر وبعدين القرار قرارك لو قررت تنزل بعد ده كله
انت صاحب القرار وانت اللي هتتحاسب عليه ادام نفسك قبل اي حد
وادعي ربنا يعدي الفترة دي علي خير

وشكرا

**dr_magdi2009** · 09-07-2011 10:30 PM

المشاركة الأصلية كتبت بواسطة khaloooda

حرام عليكم اللي بتعملوه ده
البلد بتقع
واحنا عمالين نهد القايمين اللي فاضلين فيها واللي واقفة عليهم بعد الباقي ما انهار
ضاعت الداخلية وحكمنا علي جمييييييييييييييييع الظباط بانهم قتلة وظلمة وكأنهم من الهند مش من مصر
مفيش حد فينا تقريبا الا ويعرف ظابط شرطة محترم
صحيح هم قلة بالنسبة للاغلبية الغير محترمة
لكن ده مش معناه اننا نلعنهم كلهم

اسوأ ما في الثورة اعلامها اللي اتحول لشئ حقييييييييير
لا يعرف المهنية ولا المصداقية
بيطبل ويهلل للكسبان
الليلة دلوقتي مع مين
الثورة والثورجية
خلاص طبل يا عم وهلل وذييييييييع
حاجة فعلا بقت مقرفة
نفسي الاقي صحفي او مذيع واحد في قناة مصرية
"موضوعي"
يقول اللي للثوار وكمان يقول اللي عليهم

اللي عمله فينا اعلام الثورة في شهور قليلة
معملوش اعلام امن الدولة وحسني مبارك في سنين

يا بهوااااااااات اصحوا
فوقوا

النهاردة اااااااااخر قايمين في البلد
القضاء والجيش

بدأت الناس تشتم في القضاء وتشكك فيه
البيه اللي بيقول في تحايل وتحيز للظباط المتهمين وازااااااااي يفرجوا عنهم ؟؟؟؟

حضرتك قريت قانون الحبس الاحتياطي
قريت قانون العقوبات
قريت قانون الاجراءات الجنائية
تعرف حاجة عن تعليمات المكتب المكتب الفني للنائب العام بخصوص التحقيقات وقرارات النيابة المتعلقة بيها
الاجاااااااااااااابة لأ لأ لأ لأ لأ لأ لأ لأ لأ لأ لأ لأ

يبقي حضرتك تروح تسأل حد كبير - اقصد حد متخصص وهو يقولك
الحد الكبير ده هيقولك ان اخلاء سبيل ظباط السويس وااااااااااجب قانونا علي القاضي اللي اصدره بسبب نص القانون الصريح في هذا الشأن
هتستغرب !!!! اسأل قبل ما تتكلم
وبعدين هو اخلاء السبيل يعني البراءة
ما هم لسه متهمين

وبعدين ايه المطلوب من القضاه انا عاوز افهم ؟؟؟؟!!!!!!

يهللوا ويطبلوا للثورة والثوار ويسبحوا بحمدهم زي اعلامنا الهمام

يا سيدي الفاضل القاضي ملوش غير الورق بسسسسسسسسسسس

احنا مش عارفين نثبت التهمة علي حبيب العادلي او غيره من الظباط او حتي علي مبارك
دي مشكلتنا احنا
لكن القاضي محدش هينزل معاه قبره
محدش من الثورجية هيتحاسب بداله
اقولها تاني ... حاضر
القاضي ملوش غير الورق بس - الادلة - البراهين فقططططططط

لكن احد الثوار فاجئنا بتصريح من يومين ان " الثورة اوجدث حالة من الشرعية الثورية وان علي القضاء ان يحترم هذه الشرعية وينزل عليها " يعني البيه عاوز احكام علي مزاج الثوار
لييييييييييييييه ... عشان الشرعية الثورية

وعشان نكون منصفين
فيه فعلا بطء في اجراءات المحاكمات وده من السهل التدخل بتعديله
ممكن يكون محل مطالبة وهيتم الاستجابة ليه لان ده اجراء مش محتاج اكتر من قرار بسيط بتعديل جدول الجلسات وتعجيل موعيدها
لكن نعمم زي الاخ اللي بيقول ان " الفساد متفشي في القضاة "
لأ لأ لأ لأ
عايزين محاكم عسكرية وماله روحوا اعملهم محاكم عسكرية بس متهدوش الله يكومكوا في القضاء
فيه فاسدين ويحتاج لتطهير - اه مننكرش - ما هو نظام افسد بلد بحالها 30 سنة مش هيطول القضاء حاجة بسيطة
بس الحمد لله هي فعلا حاجة بسيطة
مجرد بقع صغيرة علي ثوب ناصع البياض
نشيلها ونرجع الثوب زي ما كان ولا نحرقه احسن ؟؟؟

القايم التاني : الجييييييييييييش

ابوس اديكو

حد يقدر من الثورجية يقولي لما نوقع الجيش من هيدير البلد في الفوضي اللي احنا فيها دي

يا ريت اللي ياخد موقفه يكون قده ويحسبه كويس

يعني هو كان الاحسن ان الجيش يعلن الاحكام العرفية ويعتقل اي حد ينزل الميدان ويضرب بايد من حديد ويعمل محاكمات عسكرية لرموز النظام ولاي بني ادم ويقتل ويعتقل اي حد يفتح بؤه كنتو هتستريحوا ؟؟؟؟؟؟؟!!!!!!!
لما الحرية اللي قامت عشانها الثورة ينتهكها ويلغيها المجلس العسكري ببساطة

البلد علي شفا جرف هار - تقسيم - ازمة مياه - اقتصاد منهاااااااار - فتنة طائفية - اعداء في الجوار وغيرها من المصااااااااااايب

ياريت اللي عايوين حتة من التورتة يستنوا شوية الدنيا مش هطير
تستوي التورتة وابقي كل ياسيدي براحتك
لكن دلوقتي
هتوجع بطنك

افهم

كلامك مضبوط جدا جدااااااااااااا و كمان شوية هايتهموك انت تبع انا اسف ياريس

على فكرة مخطط اكتمال انيهيار مصر لم يكتمل بعد ......... علشان كدا زعلانين عاوزين يجيبو البلد على البلاط

للاسف (معظم) (علشان ماحدش سقول انى بشتم الشعب الحر ) .... الشعب جاهل و عير مثقف و طبعا غبر ملم بالقوانين خالص و كله بيفتى و بيمشى ورا الاعلام المضلل

**رزق** · 09-07-2011 10:39 PM

المشاركة الأصلية كتبت بواسطة dr_magdi2009

كلامك مضبوط جدا جدااااااااااااا و كمان شوية هايتهموك انت تبع انا اسف ياريس

على فكرة مخطط اكتمال انيهيار مصر لم يكتمل بعد ......... علشان كدا زعلانين عاوزين يجيبو البلد على البلاط

للاسف (معظم) (علشان ماحدش سقول انى بشتم الشعب الحر ) .... الشعب جاهل و عير مثقف و طبعا غبر ملم بالقوانين خالص و كله بيفتى و بيمشى ورا الاعلام المضلل

صح يا فندم معظم الشعب جاهل وأنتم عارفين خبايا الأمور

**egyptawy2010** · 09-07-2011 11:44 PM

المشاركة الأصلية كتبت بواسطة hagan

سأقولها الف مرة و لن امل
(( الثائر هو من ثار علي نفسه اولا ))
و للاسف بعض من يتواجدون الان في الميادين ( بعضهم مازال يأخذ مصروفه من والده )
و لو انه فاتح بيت و يعول اطفال يمكن كان يكون له رأي اخر في وقف الطرق و تعطيل المصالح
و اتمني ان اراهم حينما يعرقون و يعملون و يجتهدون و ينتجون كيف سيكون قرارهم
يا رب سلم سلم

م.حاتم السباعي

بجد برافو عليك

انا هانقلها منك

**wael17** · 10-07-2011 12:42 AM

انا معارض للتظاهر منذ التنحي
و شايف ان الثورة اتخطفت من يوم التنحي و بدل ما نبني بلدنا بعد اسقاط النظام تحولت الثورة الي مطالب فئوية و رغبة جنونية في الانتقام و تصفية حسابات و متاجرة بدم الشهداء

رغم ان الواحد يتمني انه يموت شهيد بس انا باحمد ربنا اني ماموتش يوم 28 يناير عشان ما يطلعش شوية مأجورين يتاجروا بدمي و يخربوا البلد بحجة دم الشهيد ما يروحش هدر

**mazagngi2010** · 10-07-2011 07:41 AM

عفوا .. لاتوجد منطقة وسطى

Log In | Facebook

**tamer_a7** · 10-07-2011 01:45 PM

المشاركة الأصلية كتبت بواسطة khaloooda

اتفضل يا سيدي
وكمان عايزين يغلقوا المجري الملاحي لقناة السويس
دول ثوار
ولا بلطجية
انت عارف يعني ايه اغلاق المجري الملاحي لاهم قناة بحرية تجارية في العالم
المرور فيها تحكمه اتفاقية دولية وليس القانون المصري
معناه اعطاء مبرر لتدخل عسكري اجنبي في مصر بدعوي الحفاظ علي حرية وانسياب حركة الملاحة

اقسم بالله لو ده حصل والجيش فتح عليهم النار محدش مننا يقدر يلومه

ومش بس قناة السويس

اللي عاوز يخرب ويحرق اي منشأة
القانون المصري بيدي الظباط الحق في التصدي له بالقوة
بما فيها الرصاص الحي

وهنا يبقي عندهم حق

ربنا يستر ...

يعني اخر حاجه محتجها اي دوله عايزه تحط رجليها في مصر
من الاخر زريعه التدخل الخارجي

**A.Saad** · 10-07-2011 06:10 PM

مش بس كدة
اسرائيل صديقتهم وحبيبتهم - طبعا اسرائيل بتدعى ان ربنا يخليهم - هتعرفوا ليه
كانت زمان بتفكر تعمل قناة موازية لقناة السويس
دلوقت
هيكون عندها حجة تاخد بيها الدعم والتعاطف من العالم كله
وهو ان حرية الملاحة فى قناة السويس مهددة