الموضوع: العربية لا تقوم....... ضرورى افادكم الله

السلام عليكم جميعا

مبدايا انا عربيتى كييا بيكانتو موديل 2008.... اعترف انى بهدلتها جامد و اخر حاجة انى قعدت الزيت فيها حوالى 25000 كم...... و هو بيقعد 10000 بس..... :(
المشكلة انى و انا رايح الشغل لقيت لمبة الزيت منورة و بعدين سامع صوت كركرة كل مادوس بنزين.... قلت مش مشكلة الشغل قررب و اركنها هناك.... و انا ماشى لقيتها عمالة تبطل و انا ماشى و اشغلها و شوية و تبطل.... المهم وصلت الشغل.... و سبتها مركونة يومين تقريبا و بعدين قيست الزيت لقيته عند النقطة الادنى رحت جبت زيت و قلت اكملها و اروح اغير زيت و فلتر.... المهم جبت لتر زيت و حطيته اللمبة طفت و بعدين رحت اغيره لقيت بتاع الزيت قفل تانى يوم رحت الشغل بيها و بعدين رحت مشوار بتاع 10 كيلو فجاة الكركرة بدات تعلى و بعدين بقت على كل السرعات و على كل ال rpm دقيقة و العربية مش راضية تسحب و بعديها على طول طفت و ما رضيتش تشتغل تانى....... سحبتها على البيت..... عايز اروح اصلحها بس عايز ابقى فاهم علشان الميكانيكى مايشتغلنيش عشان عرفت من هنا فى المنتدى ان اشتغالات و فتى الميكانيكة كتييير و خصوصا فى موضوع الموتور و القصص ديه.......
افيدونى افادكم الله