بخصوص مصدر 12 فولت للتجارب

**aliwarda92** · 09-07-2011 07:37 PM

بسم الله الرحمن الرحيم

انا سمعت يا جماعة ان الواحد ممكن يستخدم الباور سبلاى (power supply) بتاع الكمبيوتر كمصدر ل 12 فولت لتجربة اى حاجة فى البيت قبل العربية....بس ازاى احصل عليهم....و هل هيطلعو نفس الامبير بتاع العربية.........ياريت الافادة....

**mrghost** · 09-07-2011 09:16 PM

ينفع طبعا ياباشا
اولا
هتلاقى الفيشه الكبيره اوى اللى بتركب فى البورده
دور هتلاقى فى نصها سلك اخضر بعد كده اسود بعد كده اسود
هتعمل كوبرى بأى حته سلكه بين السلك الاخضر والسلك الاسود اللى بعديه بسلكه مش اللى جنبه علطول
ثانيا اى فيشه من اللى بتركب فى الهارد او السى دى روم
هتلاقى فيها لون اصفر ولون اسود
الاصفر ده كهرباء وبيدى 12 فولت
الاسود طبعا ارضى
بالنسبه للامبير طبعا مش عالى زى امبير العربيه
يعنى ممكن تجرب بيه بعض الحاجات زى الكاسيت او لمبات صغيره او حاجات مبتحتجش امبير عالى

**medododo** · 09-07-2011 09:29 PM

الكهرباء الاحمر والاسود

**smsm_nabawy** · 10-07-2011 07:00 PM

تمام ،، بس مش حيطلعلك نفس أمبير بطارية العربية ،،

**mrghost** · 11-07-2011 07:49 PM

المشاركة الأصلية كتبت بواسطة medododo

الكهرباء الاحمر والاسود

الاحمر والاسود مع بعض هيدوا 5 فولت فقط
الاصفر مع الاسود = 12 فولت

**mrghost** · 11-07-2011 07:53 PM

مانا قولتله انه مش زى امبير العربيه وينفع يجرب بيه الحاجات البسيطه بس

**KarimAbulEla** · 17-07-2011 05:00 AM

الباور سبلاى حيطلع 12 فولت بس من 10 الى 12 امبير و هو كافى لتجارب كثيرة جدا و منها تجربة لمبات الاضاءة العالى و المتوسط و ايضا تشغيل معظم اجهزة السيارة و التى فى الغالب اعتقد انها لا تحتاج الى اكثر من 12 امبير اما بطارية السيارة فهى تعطى 12 فولت 55 امبير و و 55 امبير دول تحديدا تحتاجهم السيارة فى الاشتعال عند بدء الدوران و بعد ذلك يرجع الاستهلاك داخل السيارة من البطارية الى الاستهلاك العادى و عندها يكون متركزا على الدينامو و ليس البطارية مثل التكيف مثلا الذى يسحب مباشرة من الدينامو

فى جانب اخر يوجد اجهزة باور سبلاى اخرى متخصصة تعطى ال 12 فولت 20 امبير و 30 امبير و 50 امبير

مثل باور سبلاى الاسترون و هو امريكى الصنع و هو من النوع Regulated Power supply و يمتاز بعدم صدور اى نوع من التشويش على الجهاز المستخدم مع الباور سبلاى و الذى يحتاج الى تغذية 12 فولت و امبير عالىو لكن يعيبه السعر العالى و الوزن الثقيل

بخلاف باور سبلاى الكمبيوتر الذى يعتبر من النوع Switch power supply و هى تمتاز بخفة الوزن و السعر الرخيص نسبيا لكنها تسبب تشويش عالى على الجهاز المركب عليه و لكن لا يشعر بها من لا يمثل التشويش ضررا على التطبييق الذى يستخدمه

يوجد محل اسمه رام شوب بجوار النخيلى شوف عنده انواع من الباور سبلاى نم النوع السويتش ممكن يفيدك لكن للاسف لا اعرف اى مكان اخر ممكن يبيع الريجولاتد

**ramyraby** · 17-07-2011 10:16 AM

المشاركة الأصلية كتبت بواسطة karimabulela

الباور سبلاى حيطلع 12 فولت بس من 10 الى 12 امبير و هو كافى لتجارب كثيرة جدا و منها تجربة لمبات الاضاءة العالى و المتوسط و ايضا تشغيل معظم اجهزة السيارة و التى فى الغالب اعتقد انها لا تحتاج الى اكثر من 12 امبير اما بطارية السيارة فهى تعطى 12 فولت 55 امبير و و 55 امبير دول تحديدا تحتاجهم السيارة فى الاشتعال عند بدء الدوران و بعد ذلك يرجع الاستهلاك داخل السيارة من البطارية الى الاستهلاك العادى و عندها يكون متركزا على الدينامو و ليس البطارية مثل التكيف مثلا الذى يسحب مباشرة من الدينامو

فى جانب اخر يوجد اجهزة باور سبلاى اخرى متخصصة تعطى ال 12 فولت 20 امبير و 30 امبير و 50 امبير

مثل باور سبلاى الاسترون و هو امريكى الصنع و هو من النوع regulated power supply و يمتاز بعدم صدور اى نوع من التشويش على الجهاز المستخدم مع الباور سبلاى و الذى يحتاج الى تغذية 12 فولت و امبير عالىو لكن يعيبه السعر العالى و الوزن الثقيل

بخلاف باور سبلاى الكمبيوتر الذى يعتبر من النوع switch power supply و هى تمتاز بخفة الوزن و السعر الرخيص نسبيا لكنها تسبب تشويش عالى على الجهاز المركب عليه و لكن لا يشعر بها من لا يمثل التشويش ضررا على التطبييق الذى يستخدمه

يوجد محل اسمه رام شوب بجوار النخيلى شوف عنده انواع من الباور سبلاى نم النوع السويتش ممكن يفيدك لكن للاسف لا اعرف اى مكان اخر ممكن يبيع الريجولاتد

والله تسلم يا محترم فعلا استفدت من حضرتك تحياتي الغالية ولك كل التقدير