الموضوع: مالكى الرينو لوجان -- أرجوا المساعدة

السلام عليكم ورحمة الله وبركاته

يا جماعة أنا بقالى مدة على النت بقرا عن اللوجان المغربى مميزات - عيوب بس للأسف أغلب الموضوعات تواريخها قديمة وأنا بإذن الله خلال 4 أو 5 شهور ناوى أن شاء الله أجيب العربية دى

بس فى عيوب أنا قريت عنها فى العربية دى فعايز أعرف مالكى السيارة قدرو يتعاملو مع العيوب دى أزاى وأية العيوب الى مقدروش يتعاملو معاها ورضو بها على كدا وكمان اية العيوب دى الى ممكن تكون فردية (( يعنى أنت وحظك )) وأية العيوب الى فعلا شائعة وموجودة بالسيارة عموماًُ

وياريت ياريت يا جماعة لو حد عندو مشكلة مع العربية دى ومش قادر يحلها يقول عليها عل وعسى حد من الأعضاء يشوفها ويقولنا أتعامل معاها أزاى

1- سخونية بتيجى من تحت القدم
2- دواسة البنزين فيها زنة وكأن دواسة البنزين مربوطة فى موتور السيارة وبتنقل زنة الموتور بالكامل للقدم
3- أسعار قطع الغيال مرتفعة وبعضها غير موجود
4- مش أى ميكانيكى يقدر يشتغل فيها ولازم نفضل متابعين مع الوكيل للأبد
5- التكيف مش قوى أوى بمعنى أنو لا يقارن بتكييف الفيرنا وبيأثر على أداء السيارة بشكل ملحوظ
6- الفتيس بيعض أحيانا وساعات بيعمل حاجات غريبة مثلاً ( ينقل على وضع المور مع نفسو )
7- تسارع السيارة ضعيف لحد ما
8- سعر أعادة البيع مش كويس (( ودا أنا مش بفكر فية أوى لأنى فعلا مش جايب عربية عشان أبيعها الا لو لقدر الله حصل أى شىء أضطرنى لبيعها ))

يا جماعة أنا والله ماجبت حاجة من عندى دى خلاصة قراية وتدوير على النت لما طلع عينى

بس أنا حبيت أعمل الموضوع دا فى قسم الرينو لأنى فعلا محتاج أراء الناس ال جابت العربية وأتعاملت معاها أنتو عارفين الواحد مش هايجيب عربية كل يوم

ياريت يا أدارة المنتدى تلغى الموضوع دا لأنى كررتو مرتين للأسف مخدتش بالى أن فى قسم للوجان بس لوحدوو

حاولت أنقل الموضوع معرفتش فكررتو فى قسم اللوجان

أرجوا من أدارة الموقع أن تقوم بأزالة الموضوع حتى لا يحدث تشتيت

وجزاكم الله خيرا