الموضوع: مالكى الرينو -- لوجان أرجوا المساعدة

المشاركة الأصلية كتبت بواسطة ehab_11_22

السلام عليكم ورحمة الله وبركاته

يا جماعة أنا بقالى مدة على النت بقرا عن اللوجان المغربى مميزات - عيوب بس للأسف أغلب الموضوعات تواريخها قديمة وأنا بإذن الله خلال 4 أو 5 شهور ناوى أن شاء الله أجيب العربية دى

بس فى عيوب أنا قريت عنها فى العربية دى فعايز أعرف مالكى السيارة قدرو يتعاملو مع العيوب دى أزاى وأية العيوب الى مقدروش يتعاملو معاها ورضو بها على كدا وكمان اية العيوب دى الى ممكن تكون فردية (( يعنى أنت وحظك )) وأية العيوب الى فعلا شائعة وموجودة بالسيارة عموماًُ

وياريت ياريت يا جماعة لو حد عندو مشكلة مع العربية دى ومش قادر يحلها يقول عليها عل وعسى حد من الأعضاء يشوفها ويقولنا أتعامل معاها أزاى

1- سخونية بتيجى من تحت القدم

الكلام دا فى موديلات 2009 وبعض من 2010 واختفت فى 2011


2- دواسة البنزين فيها زنة وكأن دواسة البنزين مربوطة فى موتور السيارة وبتنقل زنة الموتور بالكامل للقدم

لحد الغيار التانى زمن اول التالت مش هتحس بحاجة ومع مرور الوقت مش هتلاحظ الزنة دى


3- أسعار قطع الغيال مرتفعة وبعضها غير موجود

فانوس اللانوس ب 150 صينى فانوس اللوجان 300 جنية تركى ودى اخر حاجة انا سال عنها بنفسي ومن شهر تقريبا تقدر تقول قطع غيارها غالية سنة بسيطة بس معمرة عن الصينى

4- مش أى ميكانيكى يقدر يشتغل فيها ولازم نفضل متابعين مع الوكيل للأبد

اللوجان بالذات فى فئة الرينو تقدر تصلحها عند اى ميكانيكى لانها بسيطة وانت نفسك لو بتفهم افتح الكبوت وهتعرف بنفسك بس هو بنفضل اول 3 سنين او اول 100 الف كيلو تبع التوكيل بسببب ان العربية بتكون فى الضمان وانو بسبب سمعه التوكيل الجيدة جدا واللى بيحفظلك العربية من اخطار كتير انت فى غنى عنها مستقبليا


5- التكيف مش قوى أوى بمعنى أنو لا يقارن بتكييف الفيرنا وبيأثر على أداء السيارة بشكل ملحوظ

تكيفها اقوى من تكيف الفيرنا وبياثر فعلا على السحب بس مش ملحوظ اوى لانى انا جبت بالعربية 180 بسهولة وكنا 6 اشخاص بالعربية من غير تكيف

موضوع الـ 180 واحنا 6 وكنت باخد بيها غرز كمان

http://www.nilemotors.net/Nile/229610-180-6-a.html

وانا مشغل التكيف جبت بيها الـ 160 بس مكنتش عاوزة تزود عن كدة

6- الفتيس بيعض أحيانا وساعات بيعمل حاجات غريبة مثلاً ( ينقل على وضع المور مع نفسو )

الكلام دا فى الموديلا القديمة برضوا 2009 - 2010 وكل الحكاية دوس دبرياج جامد على الاخر لان دبرياجها سلك مش بنزين ودبرياجها ناعم جدا


7- تسارع السيارة ضعيف لحد ما

تسارع اية بس هو انت راكب بوجاتى العربية بعد ما تعدى معاك الـ 5000 بعد ما تلين يعنى هتلاقيها بتنط وعاوزة تجرى


8- سعر أعادة البيع مش كويس (( ودا أنا مش بفكر فية أوى لأنى فعلا مش جايب عربية عشان أبيعها الا لو لقدر الله حصل أى شىء أضطرنى لبيعها ))

الكلام دا مش صحيح فى اللوجان وعندك فى القسم عربيات بتتباع لسة فول اوبشن كسر زيرو على 60 الف والهاف اوبشنز على 58 - 57 الف

يا جماعة أنا والله ماجبت حاجة من عندى دى خلاصة قراية وتدوير على النت لما طلع عينى

بس أنا حبيت أعمل الموضوع دا فى قسم الرينو لأنى فعلا محتاج أراء الناس ال جابت العربية وأتعاملت معاها أنتو عارفين الواحد مش هايجيب عربية كل يوم

وان شاء الله تجيبها والعربية تحفة والله وانا بجد فرحان بيها اوى اوى اوى
وعقبالك كدة ان شاء الله وتبقى لوجاونى رسمي

المشاركة الأصلية كتبت بواسطة ehab_11_22

السلام عليكم ورحمة الله وبركاته

يا جماعة أنا بقالى مدة على النت بقرا عن اللوجان المغربى مميزات - عيوب بس للأسف أغلب الموضوعات تواريخها قديمة وأنا بإذن الله خلال 4 أو 5 شهور ناوى أن شاء الله أجيب العربية دى

بس فى عيوب أنا قريت عنها فى العربية دى فعايز أعرف مالكى السيارة قدرو يتعاملو مع العيوب دى أزاى وأية العيوب الى مقدروش يتعاملو معاها ورضو بها على كدا وكمان اية العيوب دى الى ممكن تكون فردية (( يعنى أنت وحظك )) وأية العيوب الى فعلا شائعة وموجودة بالسيارة عموماًُ

وياريت ياريت يا جماعة لو حد عندو مشكلة مع العربية دى ومش قادر يحلها يقول عليها عل وعسى حد من الأعضاء يشوفها ويقولنا أتعامل معاها أزاى

1- سخونية بتيجى من تحت القدم
انا عرببتى موديل 2010 و مفيهاش اى سخونة و محتاجتش اركب العازل ده الحمد لله .
2- دواسة البنزين فيها زنة وكأن دواسة البنزين مربوطة فى موتور السيارة وبتنقل زنة الموتور بالكامل للقدم
الكلام ده انا حسيته فى الاول خالص لكن دلوقتى العربية عاملة معايا 14000 و اختفى تماما موضوع رجة الدواسة ده.
3- أسعار قطع الغيال مرتفعة وبعضها غير موجود
بالنسبة لقطع الغيار الاستهلاكية زى تيل الفرامل البوجيهات او مثلا فوانيس مرايات اكصدامات رفارف .. اسعارها قريبة جدا من الفيرنا و بقت موجودة فى محلات كتير .. لكن القطع التانية المعمرة "ممكن تقعد بالعربية 10 سنين و اكتر و متحتجش تغيرها الا لو لا قدر الله حصلك حادثة او حاجة" زى الكبالن و باقى اجزاء العفشة او علبة الدريكسيون او طلمبة الباور .. دى فعلا سعرها غالى و مش بتبقى موجودة دايما فى التوكيل بس بيبعتوا يجيبوها من فرنسا و ده عن تجارب كتيرة جدا منى ومن اصدقائى .

4- مش أى ميكانيكى يقدر يشتغل فيها ولازم نفضل متابعين مع الوكيل للأبد
يا راجل مش اللوجان اللى يتقال عليها كده .. اللوجان عربية بسيطة جدا و اى ميكانيكى بيفهم هيعرف يشتغل فيها
بس انتا خليك مع التوكيل خلال فترة الضمان عشان تحمى حقك..
5- التكيف مش قوى أوى بمعنى أنو لا يقارن بتكييف الفيرنا وبيأثر على أداء السيارة بشكل ملحوظ
التكييف مستواه فى وجهة نظرى "مقبول" .. انا مجربتش تكييف الفيرنا .. لكن انا جربت تكييف التيوتا و بصراحة كان افضل من تكييف اللوجان .. لكن تكييف اللوجان زى ما بقولك "مقبول" .. يعنى مش تلاجة و مش مروحة
6- الفتيس بيعض أحيانا وساعات بيعمل حاجات غريبة مثلاً ( ينقل على وضع المور مع نفسو )
كان بيحصل معايا الكلام ده و رحت التوكيل و عملوهولى على طول فى يوميها و من ساعتها ماشية تمام الحمد لله
7- تسارع السيارة ضعيف لحد ما
فعلا .. ده حقيقى من وجهة نظرى .. لأن العربية 8 صباب بس و لو كانت نزلت 16 صباب زى اللى بتنزل اوروبا كانت بقت وهم .. بس ال8 صباب دول حلوين اوى فى استهلاك البنزين يا معلم.. استهلاك العربية قليل فعلا و هتريحك جامد.. بس الموتور بيفوق جامد بعد 5000 كم لكن برضه انا شايف ان سحبها مش عالى .. و دى وجهة نظر
8- سعر أعادة البيع مش كويس (( ودا أنا مش بفكر فية أوى لأنى فعلا مش جايب عربية عشان أبيعها الا لو لقدر الله حصل أى شىء أضطرنى لبيعها ))

يا جماعة أنا والله ماجبت حاجة من عندى دى خلاصة قراية وتدوير على النت لما طلع عينى

بس أنا حبيت أعمل الموضوع دا فى قسم الرينو لأنى فعلا محتاج أراء الناس ال جابت العربية وأتعاملت معاها أنتو عارفين الواحد مش هايجيب عربية كل يوم

اتوكل على الله يا معلم و هاتها و ان شاء الله مش هاتندم ابدا .. و اهلا بيك اخ جديد لينا فى قسم اللوجان :)