الموضوع: عاوز اظبط ١٢٧ ازااااااي

على فكرة الموضوع مش صعب انت منين الأول علشان نعرف نقلك على اقرب مكان ليك ؟؟؟؟؟

على فكرة على كل اللى انت بتقولو ده حرام فيها بصراحه علشان اهم حاجه فى العربيه المتور فا انا رأى تسأط متور حلو وبعد تعمل الشغل ده كلو الا اذا انت مش من اللى بيهتمو بالسرعه وكده

علي فكره يا شباب انا اكتر حاجة عجباني في العربيه ديه ماتورها مش محتاجة ان يتغير وشغال زي الفل ده غير انه لسه معموله عمره من حوالي سنتين والعربيه في العموم حركتها كانت قليلة جدا

وعموما انا ساكن في مدينة نصر

انا الي عاوز اعملة

اني اغير الفرش بواحد شكلة كويس

واغير الكاوتشات وطبعا الجنوط

والتبلوة لانه خربان اساسا

وكمان الشكمان السبور

وفاميه باللون دخاني كده ولا حاجة عشان المرور

علي شوية شغل فايبر يعني كساحات وحورات كده

ده غير كاست علي قده خالص بسماعتين ٥٠ وات ولا حاجه

عشان حتي الكاسيت مش شغال

مش بقلولوكوا عربيه تمام :p


واحب اعرف الحجات ديه تتكلف كام تقريبا واعملها فين

ويسلام بقي لو في مدينة نصر

انما الزينون وتغيير الكراسي وتغيير اللون مش في دماغي خالص

انا رأي انك تبيعها على كده و بالتظبيط ده تشتري عربية تانية اعلى منها ,
يعني لو كيا برايد أو اكسيل هاش باك او اكسيل سيدان 1300 ,
بس في الآخر هيبقى معاك عربية أقوى و انعم و ممكن تكييف و باور و إزاز ,
على فكرة انا كانت معايا العربية دي فترة طويلة , يعني عارفها كويس ,
صحيح هي شالتي و رحمتني من المواصلات و خلافه لكن دي مش عربية العمر ,
يعني متكلفش ...............

الف شكر علي نصيحتك يا اكرم باشا

انا الي في دماغي سيات ابيزا مو ٩٦ او ٩٨ الي بيكون معاها تكييف وبتكون ١٠٠٠ سي سي

انما الكيا برايد والاكسيل بصراحة ان مش شايف ال ١٢٧ اقل منهم بكتير الا في التكييف والباور بس

وكمان العربيه مريحاني وزي منتا قلت بترحم من المواصلات

ده غير اني طالب جامعي يعني مش محتاج عربيه كبيره انما محتاج عربيه متسحبش بنزين وخفيفه وسريعه

ناشفه بقي مش ناشفه متفرقش