فرش الأرضيات والشنطة

**أبو عبدالرحمن** · 21-05-2008 05:34 PM

يا جماعة كنت عايز أسأل عن فرش الأرضيات والشنطة ،،،أشكالهم وأسعارهم وبيتعملو عند مين؟؟؟؟
ويا ريت كمان أعرف لو فيه فرش للشنطة بيبقى بلاستيك hard يعني ياخد شكل الشنطة بالظبط ،،،،أنا شفته في كماليات السيفيك بره مصر ،،هل ممكن حد يعمله هنا؟

**medomada** · 21-05-2008 06:31 PM

أنا شفت قطعة الشنطه دى عند الوكيل لكن كانت لتوبوتا و كانت غالبه , حوالى 350 جنيه فعملت فكره يمكن تعجبك:
روحت موكيت ماك و اشتريت قطعة موكيت أكبر من الشنطه شويه و فردتها فى الشنطه و ميت فل و عشره , و كمان جبت 4 قطع تحت الدواسات و لأنها أكبر أصبحت تلم كل التراب اللى بينزل من حوالين الدواسات.
و كمان سهل أوى أشيلهم أغسلهم و أرجعهم
بالمناسبه القصه دى كلها إتكلفت 64.00 جنيه

**أبو عبدالرحمن** · 21-05-2008 11:58 PM

شكرا ليك يا ميدومادا ،،،بس أنا أقصد الجلد اللي بيبقى ثابت تحت الدواسات وفرش الشنطة ،،،وبالنسبة للبلاستيك بتاع الشنطة فده بيبقى جامد وبيستحمل المية والرمل وبيطلع كله حتة واحدة ماسك نفسه ،،،،وبيبقى فعلا ليه حواف عالية سنة وعلى قد الشنطة بالظبط،،،،
حد ممكن يفيدني يا جماعة

**goodwave** · 22-05-2008 10:22 AM

السلام عليكم يا أبو عبد الرحمن

يا عم ما أنا موجود وبتسأل بره...... ده إحنا مدمنين زي بعض :) (صيد سمك علشان محدش يفهم غلط)

بالحق .... هي العروسة الجديدة شرفت ولا إية ؟ ربنا يبارك لك ويديك خيرها ويكفيك شرها يارب.

في واحد عندنا في إسكندرية في الأزاريطة اما كلية سان مارك .... أسمه هاني وصنايعي زي الفل ... عملت عنده الفرش الجلد للأرضية والشنطة ب 200 جنية وكان عامل معايا واجب علشان ناس حبايبنا في المنتدى...... الفرش جميل ونوع الجلد محترم والتقفيل كويس والموضوع بياخد بالكتير 4 ساعات .

تشرفنا يوم نطلع نصطاد وترجع تلاقية جاهز.

بس طبعا لو عايز تعمله عندك في القاهرة قولي وأنا أجيبلك عنوان أجدع واحد من كريم منير حبييبي وراجل جدع وعامل فرش جلد أرضية لعربيتة زي الفل.

**أبو عبدالرحمن** · 22-05-2008 02:07 PM

جزاك الله خيرا يا عمنا،،،،فيك الخير والله ،،بس أنا ناعرفش إنك عامل الجلد ده في عربيتك ،،،طيب يا عم ابقى فرجني عليه ولما تيجي العربية (لسه قدامها شوية) نروح مع بعض بإذن الله ،،،،
أتاريك بتحط العدة والأيس بوكس في الشنطة بقلب جامد :)

**adawy** · 22-05-2008 02:19 PM

tab belnesba lil ragel el gamed ely fe cairo dah feeen ba2a ???3alashane el wa7ed law 3ayez ye3mel farsh el 3arabya mn gowa yero7lo bel mara :)

**goodwave** · 22-05-2008 02:27 PM

يا باشا هو إنت فاكر إية .... ماهو لو معملتش الفرش ده .... سامحني.... ماحدش كان حيشوف العربية في مشاوير صيد خااااالص! وكنت حقضيها مواصلات أحسن :)

مستنيك يا أخي في أي يوم تشرفني وتتفرج براحتك زي عربيتك بالظبط...... وعلشان بردة تبقى تديني لفة بالهوندا :) ولا لسة ما أستقرتش؟

**adawy** · 22-05-2008 02:38 PM

ya basha enta maradetsh 3alia liih tayeb ...howa feen el ragel beta3 kareem dah beta3 farsh el 2ardeyat ??:D

**smsmbakr** · 24-05-2008 08:19 PM

انا عملتها مشمع للعربية والشنطة بــ 160 ج بالتركيب

**د. علاء ابراهيم** · 03-06-2008 08:29 AM

يا جماعة افيدونااااااا
فى حد فى القاهرة بيعمل الموضوع ده عشان انا عربيتى اتبهدلت

الموضوع: فرش الأرضيات والشنطة

LinkBack

أدوات الموضوع

عرض

فرش الأرضيات والشنطة - انشر الموضوع فى :

-

-

-

-

المواضيع المتشابهه

الزجاج اتكسر والشنطة أتسرقت

المثلت والشنطة ولا بد من وافقة

عاوز اعمل الكراسي كلها جلد و الأبواب و السقف و الطابلوه و الأرضيات كمان

فتحة التنك والشنطة

بطانة الكبوت والشنطة نوبيرا

الكلمات الدلالية لهذا الموضوع

المفضلات

المفضلات

ضوابط المشاركة