عفوا لا يوجد شرطي شريف

**a77med** · 11-07-2011 05:12 AM

انا معاك فى ان فعلا فى غالبيه من ظباط الشرطة مخالفين للقانون وغير شرفاء ولكن ومش عارف ليه من الظباط اللى شوفتها ماشوفتش منهم ظابط محترم بيحترم المواطن المصرى الا بقا ولو كان قريبه او مابينه وبين الشخص اللى قدامه مصالح شخصية ممكن بيعامله معامله كويسة واعتقد السبب الرئيسى فى فساد ظباط الشرطة هيا كانت عدم الرقابه العليا من الجهاز بمعنى ان المفروض يكون فيه رقابة عليا من الوزارة على الظباط اللى شغلهم محتك بالمواطن المصرى ولو فيه ظابط مخالف للقوانين يتحقق معاه بجد ويتحاكم محاكمة عادله ويعزل من خدمته ولكن كل واحد ظابط قبل الثورة لو قتل او شارك فى صفقة تهريب مخدرات او تهريب اثار مش فى دماغه الدنيا تقلب او تخرب ولا تولع حتى مدام متأكد ان فيه راس كبيرة حمياه ,, اتمنى ان الفترة المقبله تكون افضل مما سبق ,, الله المستعان

**ghazy12** · 11-07-2011 05:19 AM

مع كــامل احتــرامي ليك و لرأيك, لكن ده لا يعتبر رأي, و التعميم مـرفـوض على كل المستـويـات !!!

انا مثلاً كنت امبارح في وزارة الداخلية, و كنت مع مساعد الوزير, و قابلت اكتر من ضابط بمختلف الرتب, و اقسم بالله العظيم
و دي شهادة اتحاسب عليها يوم القيامة, ان مافيش شخص من اول اللي كانوا واقفين على باب الوزارة, لحد مساعد الوزير
إلا و كانوا في غاية الأدب و الاحترام و الذوق و الأخلاق و الابتسامه لم تفارق وجه اي واحد منهم, و معاملة من ارقى ما يكون,
و اقسم بالله ان انا لا معايا واسطه و لا رايح بتوصية من حد و لا معايا كارت من اللواء فلان ولا الكلام ده... انا شخص عادي جدااا.

اعز اصدقائي تعتبر تقريباً عائلته كلها ضباط في مختلف الادارات, و ناس في غاية الاحترام و الكل بيشهد لهم و بيضرب بيهم المثل...

لو حضرتك ما قابلتش في حياتك ضابط شريف, يبقى المشكلة مش ان كلهم غير شرفاء, لكن المشكلة ان حضرتك حظك وحش مش اكتر,
و ده مش المفروض يخليك تعمم و تقول لا يوجد ضابط شريف, لان لو كان الغالبية غير شريفة, فأكيد في شرفاء كتير غيرهم يستحقوا
ان نفتخر بهم مش نحطهم مع المجموعة الغير شريفة بالرغم من انهم مش زيهم بالمره... ده يبقى ظلم و تجني و اهانة غير مقبولة للشرفاء منهم...

**MOUSTAFA_SAAD** · 11-07-2011 07:22 AM

المشاركة الأصلية كتبت بواسطة ahmed anwer

و بما إنهم جزء من الشعب

ينطبق عليهم نفس النظرية ،

محدهش يزعل بقه لما يضربوا علي دماغهم لأن ده الأسلوب الوحيد لتقويهم وفقا لوجهة نظرهم

ومين اللى قالك انهم مابياخدوش على دماغهم
عندهم جزاءات تقطم الوسط فعلا

**ahmed2y** · 11-07-2011 10:07 AM

الله يكون فى عون الشرطة على فئة من الشعب المصرى للاسف كبيرة مش صغيرة

امبارح عند نزلة المحور من الدائرى امين الشرطة وقف عربيين نقل عاوزين ينزلو بالعافية بقى واقف محلق عاليهم ولا البيحلق على فراخ والسواقين مش عاوزين يقفو وطلعو يجرى جرى وراهم ووقع فى الارض والله العظيم حاجة تقرف

ولا النقل التقيل انا ماشى فى الشمال على 80 وهو ورايا عمال يزمر ويقلب نور وزدت ل100 وهو ورايا وعندة اصرار عجيب انة يطلع منى انا بملاكى وهو بالنقل وسعتلة على 100 وسبقنى

**A.Saad** · 11-07-2011 10:24 AM

المشاركة الأصلية كتبت بواسطة ahmed2y

الله يكون فى عون الشرطة على فئة من الشعب المصرى للاسف كبيرة مش صغيرة

امبارح عند نزلة المحور من الدائرى امين الشرطة وقف عربيين نقل عاوزين ينزلو بالعافية بقى واقف محلق عاليهم ولا البيحلق على فراخ والسواقين مش عاوزين يقفو وطلعو يجرى جرى وراهم ووقع فى الارض والله العظيم حاجة تقرف

ولا النقل التقيل انا ماشى فى الشمال على 80 وهو ورايا عمال يزمر ويقلب نور وزدت ل100 وهو ورايا وعندة اصرار عجيب انة يطلع منى انا بملاكى وهو بالنقل وسعتلة على 100 وسبقنى

طيب تقول ايه فى اللى السواق ضربه مرة
لنفس السبب

**A.Saad** · 11-07-2011 10:27 AM

كل واحد بيحكم عليهم من وجهة نظر تعامله معاهم
اللى اتعامل وشاف انسان محترم هيقول ان فيهم محترمين
اللى اتعامل وشاف واحد فيهم بيقل اديه على متهم او مواطن عادى
هيقول نفس الانطباع
وبعدين مش المهم هما كانوا ايه
المهم سلوكهم فى المستقبل والحاضر
اى تجاوز لازم يقابل بالشدة من رئائستهم

**otefa** · 11-07-2011 10:36 AM

المشاركة الأصلية كتبت بواسطة akramlail

انا كنت متخيل ان بعد ماحدث فى يومى 25 و 28 من مجازر التى لا تقل عن مايحدث فى سوريا وليبيا من جيوشهم
هو نفس الدور اللى ادتة الشرطة مع الشعب اننا مش هسمع حد بيقولى دول فيهم شرفاء ؟!!
لو هنحكم عليهم من اليومين دول بس مش من 30 سنة او اكتر فالجهاز باكملة لازم يحاكم بتهمة الخيانة العظمى للشعب
مش عن جرائم القتل اللى شفناها على القنوات بس لا عن انسحابهم من يوم 28 حتى الان
وانا اعرف مقدم قريب واحد صاحبى قالى جاتلنا اوامر بالانسحاب الفورى يوم 28 من الوزير
لو فى حد شريف فى الجهاز باكملة كان هيبقى بالطاعة الكاملة دى لوزير افترضنا ان هو الفاسد الوحيد زى ما بيرموا علية تهمهم دلوقتى وان هو اللى ضيعهم

حكمك متجني بصراحة
مافيش وجه مقارنة أساسا
همى لو كانو دمويين زي مابتقول كان هايموتو مئات
ده لو كل عسكري ضرب طلقة كان بقه عندنا مش أقل من 1/2 مليون مابين مصاب وقتيل
زي أي مجال فيه الكويس والوحش