عايز اعرف يعني ايه sir وايه اللي يخلي موتور 1600 يطلع 170 حصان من غير تربو ولو هو جامد كده ليه مش بيتعمل دلوقت؟
عرض للطباعة
عايز اعرف يعني ايه sir وايه اللي يخلي موتور 1600 يطلع 170 حصان من غير تربو ولو هو جامد كده ليه مش بيتعمل دلوقت؟
الموضوع اكبر بكتير من انه يتشرح نظري
بس حنحاول نبسطها
اولا SiR ده اسم الفئة بتاعت العربية ديه و في بعض البلاد بتختلف تسميتها لكن معروفة بكود المحرك B16A
السر يا باشا في كذا نقطة
1- تركيبة الموتور من جوا و شكل البساتم و طول البئلات
هوندا وصلت لتركيبة في العلاقة بين قطر البيستم و طول البيئل تحقق عدد احصنة كبيرة دون اهدار للعزم و في نفس الوقت 1600 سي سي
لو بصيت على بيستم اي عربية عادية 1600 حتلاقيه اصغر في القطر و لو لاقيت حاجة قده في القطر حتلاقيه مش 1600 حتلاقيه 1800 او 2000 سي سي
2- فكرة الفيتك نفسها و ازاي بتوفر قوة شفط هوا اكتر يدخل للموتور
3-كنترول بتحكم في نسب خلط البنزين مع كمية الهوا الزائد اللي داخل بعد تشغيل الفيتك (بتزيد نسبة ضخ البنزين في الرشاشات في وقت فتح الفيتك عن النسبة العادية )
4 - فتيس بغيارات سريعة بيسمح باخراج اقصى قوة للمحرك دون اهدار للاحصنة
طبعا كلامك تمام ياسنهورى بس احب ازود حاجات
SiR : تعنى SPORTS INJECTED RACING
وطبعا القوة دية مش متولدة من فراغ فية عندك :
1- مكونات المحرك غير المحركات العادية لانها معتمدة على تحمل درجة الحرارة العالية
2- طبعا الشكمان اكبر من الشكمان العادى
3- الكنترول مختلف
4- طلمبة بنزين اقوى
5- رشاشات اكبر
6- عدد لفات المحرك اكبر بتوصل الى 8500 لفة فى الدقيقة
7- نسبة انضغاط عالية بتبدأ من 10:2 الى 11:1
والمحرك ماتوقفش تصنيعة ولا حاجة هو طبعا اتعملة تعديل وبقى اسمة TYPE - R بدل من SiR واصبحت قوتة تتراوح مابين 197 الى 231 حصان فى حاجة اسمها CIVIC MUGEN RR
وفية السيفيك ال TYPE R الهاتشباك دية قوتها 197 حصان من محرك 2000 سى سى
وطبعا من اول موديل 2001 اصبحت التكنولوجيا تحمل اسم I-VTEC
الله ينور يا شباب لهوندا
سمسم ما شاء الله محضر دكتوراه في الهوندا. إنت مفخرة لقسم هوندا يا سمسم :Ta_clap[1]:
بس ال I-VTEC مش بيطلع نفس قوة الاحصنة اللى بيطلعها ال SIR او ال Type R صح ؟ ؟
تفتكر هما قللو القوة المنتجة عشان يوفرو استهلاك البنزين ؟ اصل بصراحة انا لحد دلوقتي مش عارف ليه نظام ال SIR وال Type R ماينزلش مثلا في عربية زي السيفيك الجديدة !
طالما تكنولوجيا هتخلي ماتور 1600 يطلع 200 حصان فما فوق ! ! يبقى ليه يغيروها ؟ ؟
ما تنسوش يا جماعة ان كل دا من عمر الموتور
بص يا معلم
sir
يعنى تبقى راكب bmw وتلاقى عربية 92 بتخيط الطريق من الشمال لليمين
برده في مشكله قبلت هوندا في مواتيرSIR 1600 وهي ارتفاع نسبه Co2 علشان كده اتجهوا 2000cc في الموديلات الحديثه