نيسان صني 2011

**mahma** · 11-07-2011 11:21 PM

السلام عليكم ورحمة الله وبركاته

انا بقالي شهرين عايز اشتري عربية لاني محتاجها ضروري علشان شغلي وطبعا كل اللي كان معايا 30 الف جنيه فطبعا اخري عربية 131 فيات والباقي طبعا مصاريف عليها
بس طبعا العربيات دي مش هتنفعني في سفري لاني تقريبا كل يوم هاسافر 200 كيلو رايح وراجع فطبعا بعد مشورة الناس وكده قالولي لو تقدر تكملهم 45 الف تقدر تجيب حته لانوس 100 100 قلت تمام الحمد لله قدرت اتصرف لعند ما وصلت 50 الف قلت قشطة نشوف حاجه انضف من اللانوس والكوري عموما خلينا في الياباني يا كريستالة او نيسان 99 او 2000 قلت وماله البيجو 405 بس اكتشفت انها كاربيرتير مش حقن بعد ما خلاص رحت شوفت كذا عربية قلت لا واتفرجت على كريستالة معظمهم رش برة وطبعا الرش برة قلقني وطبعا راسي بدأت تلف قلت لا كده كفاية انا اروح اجيب حاجه قسط وخلاص مع اني مستحرمها بس انا بجد مضطر اني اشتري عربية فقلت خلاص انا اجيب قرض واشتري عربية جديدة وافك دماغي من كل الحوارات اللي فاتت دي واللي فيه الخير يقدموا ربنا المهم قلت اشتري عربية وانا مش ناوي ابيع فقلت ايه اللي سعره معقول في السوق لاقيت الافيو بس لاقيت الاتوماتيك منها ب 86 الف يعني تمن ex مانيوال قلت طبعا الصني احسن على الاقل الموتور ياباني لاقيت الفرق بين المنيوال والاتوما تيك حوالي 6000 جنيه قلت ايه المشكلة اني اجيب اتوماتيك وانا مش ناوي ابيعها الا بعد 10 سنين

طبعا ان تعبتكوا معايا وفيه ناس ناقص تقولي ايه الفاضي ده بس والله انا تعبت انا محتاج منكم النصيحة عموما ومين احسن واحد اقدر اجيب منه الصني لو جبت جديد والا اشتري ايه بالظبط
انا محتاج واحد ابن حلال يدلني على الطريق الصح لان العربية دي هتعتبر بيتي

**SonaSteel** · 11-07-2011 11:49 PM

انا لو قريت كلامك وعايز اشتري عربية ... هاجيب صني :)))
بص في الفئة ديه مش هتلاقي عربية تقريبا شبه كاملة (الكمال لله) زي الصني
زي ما قلت ماتور وعفشة وتكييف وثبات ... حتي قطع الغيار والتوكيل
وادام بتسافر كتير يبقي عايز عربية بفضل الله مشاكلها قليلة واعتمادية وتستحملك .... ود هتلاقيه في الصني ان شاء الله ووسائل امان
الحاجة الاخيرة
ممكن تقرأ اللينك ده علشان لو هاتقسط ان شاء الله
http://www.nilemotors.net/Nile/21042...post3873390044
وموضوع القرض الشخصي ده صريح اووي ... حاول تشوف بنك فيصل او الوطني للتنمية
ومتنساش الاستخارة وربنا ييسر لك الخير :))

**Bishoy.Girgis** · 12-07-2011 01:27 AM

المشاركة الأصلية كتبت بواسطة sonasteel

انا لو قريت كلامك وعايز اشتري عربية ... هاجيب صني :)))
بص في الفئة ديه مش هتلاقي عربية تقريبا شبه كاملة (الكمال لله) زي الصني
زي ما قلت ماتور وعفشة وتكييف وثبات ... حتي قطع الغيار والتوكيل
وادام بتسافر كتير يبقي عايز عربية بفضل الله مشاكلها قليلة واعتمادية وتستحملك .... ود هتلاقيه في الصني ان شاء الله ووسائل امان
الحاجة الاخيرة
ممكن تقرأ اللينك ده علشان لو هاتقسط ان شاء الله
http://www.nilemotors.net/nile/21042...post3873390044
وموضوع القرض الشخصي ده صريح اووي ... حاول تشوف بنك فيصل او الوطني للتنمية
ومتنساش الاستخارة وربنا ييسر لك الخير :))

**Ahmed.TV** · 12-07-2011 03:20 AM

الصنى عربية محترمة جدا .. واعتمادية .. واحسن العربيات فى فئتها السعرية فى السوق

اللى بيميز العربية ..

توكيل محترم .. قطع غيار منتشرة جوة التوكيل .. وبره التوكيل .. اى حد بيشتغل فيها .. ماتور يابانى .. ولو فى اى حاجة لقدر الله .. انت معاك ضمان نيسان .. ضمان محترم توكيل مش معقد ابدا .ز واى حاجة بيغيرها فى الضمان .. بدون اى مناهدة ووجع قلب زى باقى التوكيلات ..

انت حتختار الاتوماتيك منها تقريبا اللى مفهاش abs حاول تزود على نفسك لو قدرت .ز وتجيب اللى فيها abs طالما حتقعد 10 سنين متغيرش .. عشان تكون جبت حاجة فيها وسائل امان .. وتقدر تفيدك فى حالة البيع .. لان كل اوبشن فى العربية بيزود من تمنها وبيفرقها من عربية لعربية فى حالة البيع

اشترى من موزعين معتمدين .. زى السبع واتوايجبت ومودرن والاتحاد الوطنى .. افضلهم اتو ايجيبت فى مصدقية التسليم وفرع مدينة نصر وبيعطى هدايا واحيانا بيكون فى سنسور ركن هدية .. وعند افتتاح مركزهم فى القريب خلال 3 شهور حيون فى خصومات لعملائهم .. ولو عايز تجيب من اتو ايجيبت قولى وابعتلى على الخاص وانا تحت امرك .. وعندك كمان فى السبع .. كويسين بردوا وبتاخد دفتر كوبونات هدية ب1000 جنيه عشان تعمل صياناتك عندهم فى مركز السبع .. وبيتخصم فى كل صيانة بتروحها 50 جنيه من الدفتر ده .. ومودرن احيانا بيعطى سنسور ركن هدية عند الشراء من عندهم واحيانا لا

بس كدا .. واتمنى نكون افادنا حضرتك

بالتوفيق

**goudamahdy** · 12-07-2011 01:10 PM

المشاركة الأصلية كتبت بواسطة mahma

السلام عليكم ورحمة الله وبركاته

انا بقالي شهرين عايز اشتري عربية لاني محتاجها ضروري علشان شغلي وطبعا كل اللي كان معايا 30 الف جنيه فطبعا اخري عربية 131 فيات والباقي طبعا مصاريف عليها
بس طبعا العربيات دي مش هتنفعني في سفري لاني تقريبا كل يوم هاسافر 200 كيلو رايح وراجع فطبعا بعد مشورة الناس وكده قالولي لو تقدر تكملهم 45 الف تقدر تجيب حته لانوس 100 100 قلت تمام الحمد لله قدرت اتصرف لعند ما وصلت 50 الف قلت قشطة نشوف حاجه انضف من اللانوس والكوري عموما خلينا في الياباني يا كريستالة او نيسان 99 او 2000 قلت وماله البيجو 405 بس اكتشفت انها كاربيرتير مش حقن بعد ما خلاص رحت شوفت كذا عربية قلت لا واتفرجت على كريستالة معظمهم رش برة وطبعا الرش برة قلقني وطبعا راسي بدأت تلف قلت لا كده كفاية انا اروح اجيب حاجه قسط وخلاص مع اني مستحرمها بس انا بجد مضطر اني اشتري عربية فقلت خلاص انا اجيب قرض واشتري عربية جديدة وافك دماغي من كل الحوارات اللي فاتت دي واللي فيه الخير يقدموا ربنا المهم قلت اشتري عربية وانا مش ناوي ابيع فقلت ايه اللي سعره معقول في السوق لاقيت الافيو بس لاقيت الاتوماتيك منها ب 86 الف يعني تمن ex مانيوال قلت طبعا الصني احسن على الاقل الموتور ياباني لاقيت الفرق بين المنيوال والاتوما تيك حوالي 6000 جنيه قلت ايه المشكلة اني اجيب اتوماتيك وانا مش ناوي ابيعها الا بعد 10 سنين

طبعا ان تعبتكوا معايا وفيه ناس ناقص تقولي ايه الفاضي ده بس والله انا تعبت انا محتاج منكم النصيحة عموما ومين احسن واحد اقدر اجيب منه الصني لو جبت جديد والا اشتري ايه بالظبط
انا محتاج واحد ابن حلال يدلني على الطريق الصح لان العربية دي هتعتبر بيتي

مرحبا بيك أخي الكريم في المنتدي
وربنا يرزقك ويسهلك كل أمر عسير ..... اللهم آآآمين
بداية صلي صلاة استخارة وحسب ما ربنا يسهلك وباكرر " ربنا يسهلك " لأن نتائج الاستخارة منها تسهيل الأمر اللي انت هتمشي فيه....
أنا طبعا مش هاقدر أقول أكتر من اللي قاله الباشمهندس حسين ولا اللي قاله أستاذنا الكبير أ. احمد.....
بس فيه حاجةلو انت هتشتري حسب تقسيط يبقي تجيب السوبر صالون مش معني كده ان الاي اكس وحشة ( أنا أصلا معايا اي اكس) ....لأ والله انا بس من وجهة نظري طالما قسط بقسط يبقي ريح دماغك وهات أعلى فئة وان شاء الله مش هتندم خااااااااااااااالص....
وربنا يوفقك أولا وأخيرا .....
المهم كل اللي انت عاوز تعرفه عن النيسان ممكن تدخل علي اللينك ده وهو فيه تقريبا كلل اللي انت عاوز تعرفه عن النيسان وهو " أرشيف المنتدى...
نيـــــــــسان [الأرشيف] - الصفحة 2 - :: نــايــل مــوتــورز:: - :: NileMotors.net ::

**mahma** · 12-07-2011 03:11 PM

الله يباركلك في النصيحة

**mahma** · 12-07-2011 03:11 PM

الله يكرمك

**Ahmed.TV** · 12-07-2011 04:46 PM

المشاركة الأصلية كتبت بواسطة zion

الاستاذ احمد سعيد انى اشوف مشاركتك هذا اليوم

انا رحت فعلا اوتو ايجيبت ش سوريا علشان نيسان صنى سوبر صالون هاى لين 103000 جم بعد الاعلان الحصرى بتاع حضرتك عن برنامج التقسيط المباشر بتاع نيسان nissan finance

بصراحة اول صدمة ان عرفت ان التقسيط المباشر من خلال بنك pnb ( يبقى يعنى ايه مباشر ) دة كدة بيضحكو على الناس

المهم طبعا انا رحت ودفعت دفعة حجز 2000 جنيه

والبنك استمر فى عمل الاستعلام اكثر من اسبوع
لان فى واحد ابن حلال قال ان عندى بيت فى مكان تانى المهم خلص الاستعلام بالموافقة ولكن بمبلغ 70000جم فقط
وانا اقدر ادفع مقدمة 28000 جم فقط

فى الحالة دى يبقى علشان اكمل يبقى اخد ال ex مش super

يبقى دلوقتى عايز نصيحة عاجلة ex ولا super

لو الفرق كماليات يبقى اشترى ex وخلاص
لكن لو فى فرق فى العفشة يبقى هاضطر استلف 5000 علشان اجيب السوبر صالون

ياريت تساعدنى فى الاختيار

وعلى فكر كل ما احاول اتصل بالاستاذ / محمود مسئول المبيعات فى اوتو ايجيبت ما بيردش عليا " دى الخدمة الكويسة ؟؟؟ "

ولكم جزيل الشكر

حضرتك انا سالت على استاذ محمود الرشيدى مسئول المبيعات .. وطلع واخد اجازة عشان كدا مبيردش على التليفونات ..

فحضرتك ممكن تروح للاستاذ احمد المقدم ..وتطلب تقابله وتقوله على الموضوع .. وتقوله انك من طرف احمد مصطفى من النايل موتورز .. والحكاية كذا كذا

لان فى موظفين كتير طلعوا الحملة بتاعت التيست دريف للقاشقاى ..

واللى حبعتك عنده احمد المقدم ده مسئول كبير فى اتو ايجيبت فرع المهندسين .. وان شاء الله حيقوم بالازم .. باذن الله

تحياتى وبالتوفيق