موضوع محتاج استفسار فيه

**daaark** · 12-07-2011 02:47 AM

ازيكو عاملين ايه يا رب تكونوا بخير

طبعا انا جبت العربية من هنا و رحت وديتها عند الميكانيكي علشان يظبطهالي لو فيها حاجه ويعملي كل السيرفيس بتاعها علشان ماتفتحش مني
المهم لقيتو بيقولي ان المروحة المفروض بتشتغل سرعتين لانها العربية اوتوماتيك وقالي ان المقاومة بتاعت المروحه مش شغاله وبتشتغل سرعة واحده بس(السرعه الاعلي) مع ان العربية مش بتسخن درجه حرارتها عاديه خالص(في الزحمة ماكسمام 90-92) و ده الطبيعي بالنسبة للمكن الايكوتيك
مش عارف كلامه صح ولا بيحور عليها وبيقولي المقاومة هاتكلفني 160 جنيه قولتلوا مش عايزها العربية زي الفل كده وعايز اعرف ازاي اعرف انها شغاله ولا لا وهل ليها حل غير اني اغير المقاومة ولا ايه
ومتهيالي انه علي حسب فهمي انها سرعتين يعني مثلا لما درجه الحرارة تيجي 80 مثلا تشتغل السرعه الاولي (الابطأ) ولما تيجي مثلا درجة الحرارة عند 90 تشتتغل السرعة الاعلي وانا بتشتغل عند السرعة الاعلي طب ماهو مش ممكن تتعمل وصلة صغيرة بحيث لما تيجي عدرجة الحرارة عند 80 تشتغل السرعة التانيه العلي وخلاص وهو كده يبقا احسنلي بردو ثح ولا ايه ولو في اي اقتراح تاني يا ريت تقولولي ويا ريت لو حد يعرف سعر المقاومة كام يقولي وهل في فرق بينها وبين المقاومة بتاعت الفكترا ايه 95 ولا لا

**cayman69300** · 12-07-2011 02:51 AM

بص يا باشا
افتح الكبود
و حط ايدك ورا المروحة لو لقيت مروحة بسرعة هادية و صوت مش مسموع اوى يبقى دى السرعة الواطية
لان السرعة العالية تتسمع من حوالى 20 متر