الموضوع: تقرير كامل عن الدايهاتسو سيريون 2007

فما الداعي أن أدفع هذا السعر المبالغ فيه في سيارة صغيرة الحجم جداً (لا أراها فارقة كثيراً عن الـ 127 في سعتها)

ما رأيك في هذا الكلام يا استاذ معاذ ده كلام واحد ركب العربيه اصلا والله أقسم بالله أتحدى انه يكون حط رجله فيها علشان يقول وسعها زي الــ 127

يار اجل ده لو كان شاف الداتا بتاعتها كان عرف انها واسعه من الداخل

هو ده الكلام اللي يحرق الدم والله ثم والله ما بيحرق دمي الكلام على العربيه ولكن الهجوم بدون دلائل مع الافتراء بدون علم

ومثال أخر

طبعاً يا أستاذ معاذ عيب كبير جداً لانتفاء عنصر الأمان في حالة التصادم الأمامي - لاقدر الله - وأيضاً نفس العيب من الخلف
كنت باتناقش مع واحد على العربية دي والله قاللي باللفظ " أنا مش عارف ازاي عملوا التصميم العجيب دا من الخلف دا لو عجلة دخلت فيها من ورا هاتضر الركاب اللي فيها

ده كلام ينفع وفي اختبارات امان بتقول ان حماية الركاب أربع نجوم انت متخيل لما عربيه زي دي تحصل على اربع نجوم في الحمايه للركاب وثلاثه لحماية الأطفال واتنين لحماية المشاه ...............

ده الكلام اللي يحرق الدم والله يا استاذ معاذ

اختبارات إيه وعربية إيه دي اللي بتتكلم عليها، هو انت بتسمي دي عربية أصلاً
ويا فرحتي إني راكب توك توك ياباني

وايه رأيك قولي في الكلام ده كمان ده كلام واحد عرف حاجه عن العربيه ولا جاي يتكلم وبس

يا اخي والله انا بتقبل الكلام من أي حد ومعنديش مشكله مع حد والأستاذ وائل هزر معايا كذا مره بموضوع التوك توك ده وانا قبلت هزاره ومعنديش مشكله ايه يعني توك توك انا الحمد لله شاريه عن اقتناع تام وكان ممكن أجيب حاجت كبيره بنفس الثمن وكان معايا بزياده ولكن انا شايف ان العربيه محترمه وانا بصراحه من عشاق الجوده دي بتعملي حساسيه فعلا موضوع التقفيل والجوده في كل شئ .................. وده اللي بيعجبني دايما في الالماني واليااباني ولكن الأستاذ وائل جاي هنا علشان يوقعني في الغلط وانا والله عارف لأن هو أول مره يتكلم هنا واتكلم لما انا اتكلمت على عربيتي .................. طب أسألك سؤال وتجاوبني عليه الكلام اللي انا قولته على العربيه من الاول خالص لما كنت بقول مميزاتها بالله عليك انت شايف ان انا زودت او بالغت في حاجه علشان هو يرد عليا الرد اللي رده ده ...........

خلاص يا جماعة حصل خير

صلو على النبى

انا لم يتسنى لى تجربة السيارة, فهل تسمح لى فى اول مقابلة ابقى اجربها, و ساعتها يبقى حكم عن تجربة

بس الاستاذ وائل كلامه ان مفيش عربية بدون عيوب, و انا معاه فى الرأى ده

بس الواحد لما بيقيم عربية, بيشوف اذا كان العيوب دى مقبولة بالنسبة له او يقدر يتعايش معاها او لأ

يعنى حتى المرسيدي و البى ام فيهم عيوب, و الا مكانش فى فرق بين اعلى عربيتين فى العالم فى الفئة دى

انا زى حضرتك بحب جدا جودة التقفيل, و ببحث عن الجودة العالية و ده سبب عشقى للالمانى عن اليابانى اكتر

لكن مفيش سيارة كاملة

اكيد فى عيوب, حضرتك شايفها حاجة عادية او متقبلها علشان كده مذكرتهاش

يعنى حكاية حوض الموتور الصغير, شبه انعدام للشنطة , السعر العالى (و ان كان يقابله ضمان طويل), عدم وجود RPM فى العربية المانيوال, الكاسيت اللى مش اصلى فى نسختين من السيارة مخلى الشكل مش حلو, ده اللى انا افتكرته دلوقت

ده اللى فهمته من كلام الاستاذ وائل, ذى ما بنطلب منهم يقولوا عيوب الاسبرانزا, هو كمان بيطلب من حضرتك تقول العيوب
و مش لازم تبقى عيوب ميكانيكية او فى التقفيل علشان تبقى عيوب, صح؟

وهو ده اللي انا بقصده ؟

ولكن مش معقوله لما اتكلم عن الأسبرنزا يعيوبها الميكانيكيه يروح واحد يرد يقول ما كل العربيات بيبقى فيها عيوب زي اللي حضرتك ذكرتها مثل السعر الكاسي الكماليات يعني ......... المثل ده لا يقارن بده ابدا

يععني المهم لما واحد ياتي يستفسر مقولهوش ان مفيش عيوب ويبقى في عيوب ميكانيكيه او بمعنى أصح مينفعشي اقوله العربيه كويسه وهيا فيها عيوب ميكانيكيه

وده مش هيبقى زي ما اقوله العربيه كويسه بس السعر او الكماليات مش كويسه

ده مش زي ده خالص لن المقاييس دي لها مراتب وده اللي انا أقصده

العربيه جميله جدا وبصراحه مش عارف أقول هي عامله معايا ايه لنها بصراحه مش ملاحظ اي حاجه تضايق او تحس انها المفروض كانت اتعملت بطريقه تانيه وعالعموم برضه انا هحاول أكتب بعض الحاجات اللي بصراحه مميزه في صناعة السيارة ومنها :

بص يا استاذ معاذ ده كانت بداية كلامي اللي قولته واستاذ وائل رد عليا فيه .............. وياريت تقولي لأنك لم ترد عليا انا قولت حاجه تخلي اي حد يشكك اني كلامي مش مظبوط او يرد عليا زي ما الاستاذ وائل رد