الموضوع: منظر صدمني في الجين 2

الاخ kh _ talaat
انا و الله موش متحيز ولا حاجة و لا باتهمك بتشويه سمعة البروتن لا سمح الله
هو بس كان استطلاع رايك موش اكتر و انت رديت عليا و انا احترم وجهة نظرك و مشكور على تعبك و ان شاء الله العربية دى هاتعجبك و هاتشتريها

انا بس احب اوضح حاجة الموضوع ده ممكن يكون وارد في اي عربية

انا ليا واحدة قريبتي اشترت بي ام سنة 2004 زيرو

بعد مرور 3 شهور عليها كانت بتجري في شارع بسرعة عالية

واخدت مطب جامد كل الارباج اللي في العربية فاتحوا

السواق و اللي جانب السواق و مخصصة لناس اللي وارا كلهم فاتحوا

و الله انا شايف ان الموضوع موش صدمة و لا حاجة و ده وارد جدا فى اى عربية
انا شوفت شاب برضه الايرباج عنده مفتوحة وقفت سالته قالى التوكيل ده زبالة وهاروح اعمل و اسوى فيهم
المهم اخدته بالراحة كده و حبيت استفسر منه ايه اللى حصل خاصة ان العربية ماكنتش مخبوطة
اولا هو كان بيشترى جنط مستعمل للعربية من محل الجنوط اللى كان واقف قدامه و قابلته عنده
طيب ايه يا ابنى اللى حصل فى الجنط القديم
راح فاتح الشنطة و مرويهونى و طبعا موش عايز اقولكم الجنط كان مقسوم نصين زيى مايكون عمله عند خراط موش عارف كسره كده ازاى
المهم سالته قالى موش عارف كان بيعمل ايه و بسرعة كام و دخل فى الرصيف كسر الجنط و كسر المقص و المساعد و حاجة تانية موش فاكر ايه
المهم انها حادثة جامدة و على سرعة موش تهريج و كان العربية ممكن تتقلب طبعا لو هى عربية بلاستيك من بتوع اليومين دول انما طبعا الجين 2 غنية عن التعريف فى موضوع المتانة
الاخ بقى بعد لما اخدته بالراحة كده و فهمته ان التوكيل مالهوش دعوة بالكلام ده ده سوء استخدام منه هو لان لو عربية تانية كان زمانه ضاع راح قاعد يشكر فى العربية و يوقلى ماشاء الله متينة و بتستحمل و بدء يعدد فى مميزاتها
المقصود انه موش علشان نشوف ص3ورة زيى دى نتصدم فى العربية ممكن يكون حصل جامدة و موش باين على العربية
او يكون صاحبها صلحها خلاص و مستنى فترة و يغير الدركسيون
وطبعا ممكن يكون عيب تصنيع الله اعلم بس انا عايز اسأل صاحب الموضوع لو الحركة دى شوفتها فى تويوتا او هوندا هاتقول كده برضه و هاتتصدم و لا عادى ؟؟؟؟

انا مقدرش ازود حاجة

مش دليل على اي حاجة
ولا تخاف ولا تتصدم

يا باشمهندس محمد انت فين يا راجل