الموضوع: التكيييييييييف... هموت من الحر

ربنا يكون فى عونك متااابع

ممكن يكون صوت الكركرة دة كباس بايظ

المشاركة الأصلية كتبت بواسطة tananybasha

يؤسفنى قول الاتى بس فى نفس العربية بس موديل 2007
بس متزعلشى منى
1. الكباس باظ فوت و عمل رايش فى الدايره
هتغير الكباس يا اما استيراد ب 1000 جنيه لو ربنا كرمك و لقيته
يا اما جديد ب 2300 جنيه جى ام من امريكان ستارز او سرور
2. المشكله بقى فى الأتى لو ركبت كباس جديد و مستغنى عنه او جبت واحد استيراد و مش عايز تبيع العربية او تخلص منها
وجود رايش فى الدايره و ده تعرفه ازاى
هتجيب منديل ورق
و تدوس بيه على البلف بتاع الشحن
هتلاقيه مطلع هباب اسود
كده الله يعوض عليك
--- سربنتينه و مينفعشى تتنضف من 950 - لغاية 1350
--- فلتر او دراير الأسم اللى تحبه ده من 200-250
--- اكسبنشن و ده من 225 - 300 حسب نوعه
--- الكويل فيه احتمالين يا اما يتنفخ فيه فريون و يطلع يتنضف يا اما الرايش يختفى يا اما هتغيره و ده مش فاكر سعره بس فوق ال 1200 جنيه
3. مصنعية فك و تركيب الهيصه دى من غير الشحن 250 جنيه و بفك الكويل تزيد 100 جنيه
4. شحن حسب نوع الفريون و المكان اللى انت بتعمل فيه شغلك من 150-230 جنيه

نصيحة بقى لوجه الله العلى العظيم
خد العربية و هات حاجاتك او روح اكشف فى ديافيا فى حدايق القبه
هما هيقولوك نفس الكلام ده

و برضوا متزعلشى منى

يا طنانى باشا انت وجعتلى بطنى انا من يوم ماشتريت العربية والتكيف ضعيف جدا روحت لبتوع التكييف
واحد شحنلى فريون
واحد قالى كبس الكمبروسر ضعيف وعايز كمبروسر
واحد قالى كبس الكمبروسر كويس انت عايز سربنتينه واكسبنشن وكنترول فالف

ولما لقيت الناس تايهه كده نفضت للموضوع وقلت اهو التكييف مقضينى وخلاص بس بعد لما شفت اللى انت كاتبه انا خايف ابص ناحية زراير التكيف مش اشغله

الله يكرمك قلى لو انا فضلت مشغله كده ممكن حاجه تحصل غير انى بسمع دلوقتى صوت زى شفط كده فى المواسير ورا الطابلوة فمش عارف ايه ده

طنانى بيهزر معاكم
مش معنى ان الموقف دة حصل مع واحد يبقى هيتكرر مع باقى الموديل
اكشف زى ما قالك طنانى عند ديافيا و شوف الحكاية اية
بس طمنا عليك