الموضوع: ثورة ام بلطجة ؟؟!!!

المشاركة الأصلية كتبت بواسطة تامر.محمد

بالله عليك انت نزلت الميدان و شفت ان المطلب السائد مجلس رئاسي ؟
تحلف بالله انك نزلت و شفت المطلب السائد في الميدان هو مجلس رئاسي ؟؟؟

انت تتحدث و كأنى لم اعرض لك فيديو سابق يؤكد كلامى و كأن هذا ليس مطلب مطروح و معروف فى الميدان
و اختزلت الحقيقة فى ان احلف لك بان هذا المطلب موجود بالفعل فى الميدان الان
و اذا كانت الامور بهذه العتمة بالنسبة لكم فقد عرفت الان سر تأيدكم للاعتصام و هو عدم معرفتكم بالهدف الحقيقى من ورائه

المشاركة الأصلية كتبت بواسطة nor_eldeen

اللى عملوا ثورة و رموا الرئيس فى الزبالة هو الشعب كله بجميع اطيافه و لو لم ينزل الشعب بثقله فى الثورة و خاصة الاخوان المسلمين ما كانت استمرت او تنحى مبارك و مش توتو و سوسو اللى معتصمين الان هم اللى خلعوا مبارك كما تتخيل

و هى دى المشكلة و الخلط الخطير اللى انتم وقعين فيه الان فجأة اقصيتوا الشعب و الجيش و اصبح توتو سوسو الموجودين الان هم قادة الثورة و هذا خلط واضح جدا لقد اختزلتوا الشعب فى توتو و سوسو فقط
ماشيين بنظام يا اما تبقى معنا و تثور و خلاص و تعمل اللى احنا عايزينه يا اما تبقى تبع حزب الكنبة و مش فاهم حاجة

فعلا أنا ملاحظ خلط من بعض الشباب الثوري بصفة عامة سواء في المنتدى أو على الفيس بوك بدون ذكر أشخاص بعينها عن قصد بغرض أشعال الثورة لتحقيق مطالب حملات معينة منضمين لها أغلب الظن
الحقيقة واضحة وضوح الشمس ومصممين على رئيهم ومخالفة الأغلبية المؤيدة للشرعية الدستورية للمجلس العسكري
ربنا يهدي الجميع ويرفعو شعار مصر أولا وقبل أية مصالح فئوية
ده رئي ومش مقصود بيه شخص بعينه
تحياتي

المشاركة الأصلية كتبت بواسطة mik_t4

ههههههههههههههههههههههههه هههههههههههههههههههههه
لا لا حلوة بصراحة
والله والله والله لو حتب الاخوان فضلو قاعدين زي القطط في بيوتهم زي ما عملو اول 3 ايام كانت هتنجح بردو نجاح ساااااحق
ومتقوليش لولا الاخوان
متنفخوش في نفسكم علي الفاضي
ولما الاخوان هما الكل في الكل كدا لية معملتوش ثورة يا خ انت وهو بدل توتو وسوسو

رغم انى لست اخوانى و لكن معروف للجميع دورهم مهما حاولتم اقصائهم و لولاهم ما تنحى مبارك و لولاهم لتم دبح سوسو و توتو فى موقعة الجمل و كان زمان مبارك بيننا الان و لا احد ينكر هذه الحقيقة الا اذا كان ..................
ان الاخوان هم الفصيل الاكثر احتراما الان على الساحة بسبب قوته و تنظيمة و احترامه للجيش و مكتسبات الثورة و تعامله مع الامور بمنتهى العقل و الفهم
لذلك اعتبرهم صمام الامان الان لمصر بعد هذه الهرتلة التى نراها

يا ريت بعد اذنكم يا جماعه مش عاوزين تجريح فى بعض