الموضوع: مشكله في التكييف ..........ارجو المساعده من اهل الخبره

حصل مع واحد زميلي في اللنسر نفس المشكلة ولما وداها التوكيل طلع كل سرعه ليها سلك متوصل بالزرار اللى بتشغل منه فطلع سلك السرعه الاولى والتانيه مفصولين فالمروحه مش شغاله اما التالته والرابعه شغاله كويس وده كان بسبب ان السلك مكنش متركب كويس وفلت من مكانه

انت محتاج كهربائي تكون واثق منه ومن شغله وانه مش بيألف ويكون بيفهم وتقله يفك المنطقه اللى فيها الزراير ويراجعلك على الوصلات أكيد هيلاقي بعضها مفصول او فيهم حاجه

وابقى طمنا عملت ايه؟؟؟

ياريت تبلغنا بالنتيجه علشان ناخد خبره

السلام عليكم
شكرا جدا يا جماعه على ردودكم ليا ............ انا بصراحه لسه ما وديتش العربيه تتصلح بصراحه مش فاضي كليه بقى ومزاكره وامتحانات على طووووول ربنا يكرم ....... فعلا انا شاكك انه ممكن تكون السلوك فصلت من الزرار بتاع مروحة التكييف لاني قبل ما الموضوع ده يحصل معايا بيوووم كنت قاعد وفاضي شويه وقعدت المع التابلوه وقعدت احك جامد واشك وانا بلمع زراير التكييف اكون اتغاشمت على الزرار ويكون السلك فصل .............. على العموم اول ما اوديها ............ ها ابقى اقول لكم على النتيجه .......... بس بصراحه خايف اوديها عند واحد كفتجي يفصل التابلوه وبعدين ما يعرفش يربطه كويس واقعد اسمع صوووت تقطقه من التابلوه

السلام عليكم
انا حبيت اعرفكم يا جماعه انه الموضوع بتاع التكييف اتحل
لانه وانا راجع من المستشفى معايا قلت ادور في علبة الفيوز ممكن يكون المروحه لها فيوز فاصل والا حاجه لكن ما لقتش حاجه غلط في العلبه المهم افتكرت انه قبل ما الموضوع ده يحصل بيوم انا شلت فيشه في التابلوه من تحت في الجنب اليمين ........ سمعت انها فيشة الاوكتان قلت اجرب واوصلها تاني ............. ووصلتها ولقيت التكييف اشتغل طبيعي جدا .............. انا مش عارف الفيشه اللي انا شلتها ديه بتاعت ايه ......
ويا ترى فين فيشة الاوكتان بقى ؟؟؟؟ يا ريت يا جماعه حد يفيدني

ركز يا معلم و النبي و ربنا معاك و ربنا يوفقك
( انت عارف لما موضوع يشدك و مستني حاجه مهمة تحصل و في الاخر اللي بيحكي يقولك بس يا سيدي و صحيت من النوم )
هةهةهةهةهةهةهةهةهه